ನವದೆಹಲಿ : ರೈತರ ಪ್ರತಿಭಟನೆ ವೇಳೆ ನಡೆದ ಹಿಂಸಾಚಾರ ಮತ್ತು ಟ್ರ್ಯಾಕ್ಟರ್ ರ‍್ಯಾಲಿ ವೇಳೆಯಲ್ಲಿ ಗಾಯಗೊಂಡ ಪೊಲೀಸರನ್ನು ಗಮನದಲ್ಲಿಟ್ಟುಕೊಂಡು ದೆಹಲಿ ಪೊಲೀಸರು ಸ್ಟೀಲ್ನ ಲಾಠಿ ಸಿದ್ಧಪಡಿಸಿದ್ದಾರೆ.
ಶಹದಾರ ಜಿಲ್ಲಾ ಪೊಲೀಸರು ತಯಾರಿಸಿರುವ ಈ ಲಾಠಿಗಳಿಂದ ಖಡ್‌ಗಳ ವಿರುದ್ಧ ಹೋರಾಡಬಹುದಾಗಿದೆ. ಆದರೆ, ಈ ಶಸ್ತ್ರಾಸ್ತ್ರವನ್ನು ಭದ್ರತೆಯಲ್ಲಿ ಸೇರಿಸಲಾಗಿಲ್ಲ. ಇವುಗಳನ್ನು ಕೇವಲ ಪರೀಕ್ಷೆ ಮಾಡಲು ಮಾತ್ರ ಬಳಸಲಾಗಿದೆ. ಬಳಿಕ ವಾಪಸ್ ಪಡೆಯಲಾಗುವುದು ಎಂದು ಹೆಚ್ಚುವರಿ ಡಿಸಿಪಿ ಶಹದಾರ್ ಸಂಜಯ್ ಸೇನ್ ಹೇಳಿದ್ದಾರೆ.
ಓದಿ: ಪ್ರತಿಭಟನೆ ವೇಳೆ ಕಾಣೆಯಾದ ರೈತರು : ಶಾ ಭೇಟಿ ಮಾಡಿದ ಪಂಜಾಬ್ ಸಚಿವರು, ಸಂಸದರು
ರೈತರ ಟ್ರ್ಯಾಕ್ಟರ್ ರ‍್ಯಾಲಿ ಮತ್ತು ನಂತರದ ಅವಾಂತರಗಳ ಸಂದರ್ಭದಲ್ಲಿ ದೆಹಲಿ ಪೊಲೀಸರ ಮೇಲೆ ಕತ್ತಿಯಿಂದ ಹಲವು ಬಾರಿ ಹಲ್ಲೆ ಮಾಡಲಾಗಿದೆ. ಈ ದಾಳಿಯಲ್ಲಿ ಎಸ್‌ಹೆಚ್‌ಒ ಸೇರಿದಂತೆ ಹಲವಾರು ಪೊಲೀಸರು ಗಾಯಗೊಂಡಿದ್ದಾರೆ. ಈ ದಾಳಿಯ ಸಮಯದಲ್ಲಿ ದೆಹಲಿ ಪೊಲೀಸರಿಗೆ ಬದುಕುಳಿಯಲು ಯಾವುದೇ ಭದ್ರತಾ ಉಪಕರಣಗಳು ಇರಲಿಲ್ಲ. ಈ ಹಿನ್ನೆಲೆ ಸ್ಟೀಲ್ನ ಲಾಠಿ ಸಿದ್ಧಪಡಿಸಲಾಗಿದೆ.
