ಭುವನೇಶ್ವರ್(ಒಡಿಶಾ): ತೌಕ್ತೆ ಚಂಡಮಾರುತದ ಬೆನ್ನಲ್ಲೇ ಇದೀಗ ಕೆಲವೊಂದು ರಾಜ್ಯಗಳಲ್ಲಿ ಸೈಕ್ಲೋನ್ 'ಯಾಸ್' ಭೀತಿ ಎದುರಾಗಿದೆ. ಪ್ರಮುಖವಾಗಿ ಒಡಿಶಾ ಮತ್ತು ಪಶ್ಚಿಮ ಬಂಗಾಳದಲ್ಲಿ ಇದು ಹಾದು ಹೋಗಲಿದೆ.
ಸೈಕ್ಲೋನ್ ಭೀತಿ ಎದುರಿಸಲು ಒಡಿಶಾ ಸರ್ಕಾರ ಎಲ್ಲ ರೀತಿಯಿಂದಲೂ ಸಜ್ಜುಗೊಂಡಿದೆ. 22 ಎನ್ಡಿಆರ್ಎಫ್, 66 ಓಡಿಆರ್ಎಎಫ್ ಸೇರಿದಂತೆ 177 ಅಗ್ನಿಶಾಮಕ ದಳ ನೇಮಕ ಮಾಡಲಾಗಿದೆ. ಸೈಕ್ಲೋನ್ನಿಂದ ತೊಂದರೆಗೊಳಗಾಗುವ ಬಾಲಸೋರ್ನಲ್ಲಿ 7 ತಂಡ, ಭದ್ರಕ್ನಲ್ಲಿ 4, ಕೇಂದ್ರಪಾರಾದಲ್ಲಿ 3, ಜಜ್ಪುರ್ಗೆ 2 ತಂಡ ಹಾಗೂ ಜಗತ್ಸಿಂಗ್ಪುರ್, ಮಯೂರ್ಭಂಜ್ನಲ್ಲಿ ತಲಾ 1 ತಂಡ ನೇಮಕ ಮಾಡಲಾಗಿದೆ.
ಇದನ್ನೂ ಓದಿ: ಸಣ್ಣ ತಪ್ಪಿನಿಂದ ಭೀಕರ ಅಪಘಾತ... ಸಿಸಿಟಿವಿ ವಿಡಿಯೋ ಪೋಸ್ಟ್ ಮಾಡಿದ ಪೊಲೀಸರು
ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಈಗಾಗಲೇ ಚಂಡಮಾರುತದ ಸಿದ್ಧತೆ ಬಗ್ಗೆ ಪರಿಶೀಲನೆ ನಡೆಸಿದ್ದಾರೆ. ಲಭ್ಯವಾಗಿರುವ ಮಾಹಿತಿ ಪ್ರಕಾರ ಯಾಸ್ ಸೈಕ್ಲೋನ್ ಬುಧವಾರ (ಮೇ.26) ಒಡಿಶಾ ಕರಾವಳಿಗೆ ಅಪ್ಪಳಿಸುವ ಸಾಧ್ಯತೆ ಇದೆ.
ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಪ್ರಧಾನಿ ನರೇಂದ್ರ ಮೋದಿ ಇಂದು ದೂರ ಸಂಪರ್ಕ, ವಿದ್ಯುತ್, ಭೂ ವಿಜ್ಞಾನ, ಎನ್ಡಿಆರ್ಎಫ್ ಸೇರಿದಂತೆ ಅನೇಕ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದರು. ಈ ವೇಳೆ ಎಲ್ಲ ರೀತಿಯ ಮುನ್ನೆಚ್ಚರಿಕೆ ಕ್ರಮ ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.
