ಚೆನ್ನೈ: ನೈರುತ್ಯ ಬಂಗಾಳ ಕೊಲ್ಲಿಯಲ್ಲಿ' ಮ್ಯಾಂಡೌಸ್' ಚಂಡ ಮಾರುತದ ಪರಿಣಾಮ ಉತ್ತರ ತಮಿಳುನಾಡು, ಪುದುಚೇರಿ ಮತ್ತು ದಕ್ಷಿಣ ಆಂಧ್ರಪ್ರದೇಶ ತೀರದಲ್ಲಿ ಆರೆಂಜ್ ಅಲರ್ಟ್ ಘೋಷಿಸಲಾಗಿದೆ
'ಮ್ಯಾನ್-ಡೌಸ್' ಎಂದೂ ಕರೆಯಲ್ಪಡುವ ಈ ಚಂಡ ಮಾರುತ ನೈರುತ್ಯ ಬಂಗಾಳಕೊಲ್ಲಿಯಿಂದ ಪಶ್ಚಿಮ-ವಾಯುವ್ಯದ ಕಡೆಗೆ ಗಂಟೆಗೆ 12 ಕಿಮೀವೇಗವಾಗಿ ಚಲಿಸುತ್ತಿದೆ. ಶುಕ್ರವಾರ ಈ ಚಂಡಮಾರುತದಿಂದಾಗಿ ಮುಂದಿನ ಆರುಗಂಟೆಗಳ ಕಾಲ ಹೆಚ್ಚು ತೀವ್ರತೆಯಿಂದ ಕೂಡಿರಲಿದೆ. ಪಶ್ಚಿಮ ವಾಯವ್ಯವನ್ನು ಇದು ತಮಿಳುನಾಡು, ಪುದುಚೇರಿ ಮತ್ತು ದಕ್ಷಿಣ ಆಂಧ್ರ ಪುದುಚೇರಿ ಮಧ್ಯದಿಂದ ಹಾದು ಹೋಗಲಿದೆ.
ಗಾಳಿಯ ವೇಗ ಗಂಟೆಗೆ 65-75 ಕಿಮೀ ವೇಗದಲ್ಲಿ ಇದ್ದು ಮಹಾಬಲಿಪುರಂ ಮತ್ತು ಶ್ರೀಹರಿಕೋಟದ ಮೂಲಕವೂ ಚಂಡ ಮಾರುತ ಹಾದು ಹೋಗಲಿದ್ದು, ಇದರ ಪರಿಣಾಮ ಕಾಣಲಿದೆ. ಈ ಚಂಡಮಾರುತ ರಾತ್ರಿ 85 ಕಿಮೀ ವೇಗ ಪಡೆದು ಕೊಳ್ಳಲಿದ್ದು, ನಾಳೆ ಕೂಡ ಮುಂದುವರೆಯಲಿದೆ.
ಶುಕ್ರವಾರ ಮತ್ತು ಶನಿವಾರ ಪುದುಚೇರಿ ಮತ್ತು ಕಾರೈಕ್ಕಲ್‌ನಲ್ಲಿ ಎಲ್ಲಾ ಶಿಕ್ಷಣ ಸಂಸ್ಥೆಗಳಿಗೆ ರಜೆ ಘೋಷಣೆ ಮಾಡಲಾಗಿದೆ. ಭಾರತೀಯ ಹವಾಮಾನ ಇಲಾಖೆ ಡಿಸೆಂಬರ್ 9 ಮತ್ತು 10 ರಂದು ತಮಿಳುನಾಡು ಮತ್ತು ಪುದುಚೇರಿಯ ಹಲವಾರು ಕರಾವಳಿ ಜಿಲ್ಲೆಗಳಲ್ಲಿ ಭಾರಿ ಮತ್ತು ಅತಿಯಾದ ಮಳೆಯಾಗುವ ಎಚ್ಚರಿಕೆ ನೀಡಿದೆ.
ಇದನ್ನೂ ಓದಿ: ಫೋಟೋಕ್ಕಾಗಿ ಕ್ರಿಕೆಟ್ ಆಡಿದ ಶಾಸಕ: ಮಹಿಳಾ ಆಟಗಾರ್ತಿ ಮುಖಕ್ಕೆ ತಾಕಿದ ಚೆಂಡು, ಆಸ್ಪತ್ರೆಗೆ ದಾಖಲು
