ಪೆಟ್ರೋಲ್​​ ಸುರಿದುಕೊಂಡು ಆತ್ಮಹತ್ಯೆ: ಒಂದೇ ಕುಟುಂಬದ ಮೂವರ ದುರ್ಮರಣ

ಪೆಟ್ರೋಲ್​ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿರುವ ಪರಿಣಾಮ ಒಂದೇ ಕುಟುಂಬದ ಮೂವರು ಸಾವನ್ನಪ್ಪಿರುವ ಘಟನೆ ತೆಲಂಗಾಣದಲ್ಲಿ ನಡೆದಿದೆ.

ಪಲ್ವಂಚ(ತೆಲಂಗಾಣ): ಪೆಟ್ರೋಲ್​​ ಸುರಿದುಕೊಂಡು ಕುಟುಂಬವೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದು, ಘಟನೆಯಲ್ಲಿ ದಂಪತಿ ಸೇರಿದಂತೆ ಓರ್ವ ಮಗಳು ದುರ್ಮರಣಕ್ಕೀಡಾಗಿದ್ದಾಳೆ. ತೆಲಂಗಾಣದ ಪಲ್ವಂಚದಲ್ಲಿ ಈ ಘಟನೆ ನಡೆದಿದೆ.

ಪಲ್ವಂಚದಲ್ಲಿ ವಾಸವಾಗಿದ್ದ ನಾಗ ರಾಮಕೃಷ್ಣ ಹಾಗೂ ಶ್ರೀಲಕ್ಷ್ಮೀ ದಂಪತಿಗೆ ಸಾಹಿತ್ಯಾ ಮತ್ತು ಸಾಹಿತಿ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದರು. ರಾಮಕೃಷ್ಣ ಪಲ್ವಂಚದಲ್ಲಿ ಸೇನಾ ಕೇಂದ್ರ ಇಟ್ಟುಕೊಂಡಿದ್ದರು. ಆದರೆ, ಕಳೆದ ಕೆಲ ದಿನಗಳ ಹಿಂದೆ ಅಂಗಡಿ ಗುತ್ತಿಗೆಗೆ ನೀಡಿ, ಕುಟುಂಬ ಸಮೇತವಾಗಿ ರಾಜಮಹಂದ್ರವರಂಗೆ ತೆರಳಿದ್ದಾರೆ. 20 ದಿನಗಳ ಹಿಂದೆ ಪಲ್ವಂಚಕ್ಕೆ ವಾಪಸ್​​ ಆಗಿದ್ದ ಕುಟುಂಬ ಮನೆಯಲ್ಲಿ ಪೆಟ್ರೋಲ್​​ ಸುರಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದೆ. ಘಟನೆಯಲ್ಲಿ ದಂಪತಿ ಹಾಗೂ ಮಗಳು ಸಾಹಿತಿ ಸಾವನ್ನಪ್ಪಿದ್ದು, ಗಾಯಗೊಂಡಿರುವ ಸಾಹಿತ್ಯಾ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾಳೆ.