ಮುಜಾಫರ್ಪುರ್ (ಬಿಹಾರ): ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಮೂರು ಕೃಷಿ ಕಾನೂನುಗಳನ್ನು ವಿರೋಧಿಸುತ್ತಿರುವ ಭಾರತೀಯ ಕಿಸಾನ್ ಯೂನಿಯನ್ ವಕ್ತಾರ ರಾಕೇಶ್ ಟಿಕಾಯತ್ ವಿರುದ್ಧ ಮುಜಾಫರ್ಪುರ ನ್ಯಾಯಾಲಯದಲ್ಲಿ ಗುರುವಾರ ದೂರು ದಾಖಲಾಗಿದೆ.
ರಾಕೇಶ್ ಟಿಕಾಯತ್ ವಿರುದ್ಧ ಐಪಿಸಿ ಸೆಕ್ಷನ್ 504, 506, 153 ಎ, 153 ಬಿ ಮತ್ತು 160 ರ ಅಡಿ ವಕೀಲ ಸುಧೀರ್ ಓಜಾ ಪ್ರಕರಣ ದಾಖಲಿಸಿದ್ದಾರೆ.
ರಾಜಸ್ಥಾನದಲ್ಲಿ ಮಹಾಪಂಚಾಯತ್ ನಡೆಯುವ ವೇಳೆ, ರೈತ ಮುಖಂಡ ರಾಕೇಶ್ ಟಿಕಾಯತ್ ಬಹಿರಂಗವಾಗಿ ಬೆದರಿಕೆ ಹಾಕಿದ್ದಾರೆ. ಸರ್ಕಾರವು ಹೊಸ ಕೃಷಿ ಕಾನೂನುಗಳನ್ನು ಹಿಂತೆಗೆದುಕೊಳ್ಳಬೇಕು. ಮುಂದೊಂದು ದಿನ ಈ ಸರ್ಕಾರ ರೈತರಿಗೆ ಕರೆಂಟ್ ಕೂಡ ಕಟ್ ಮಾಡುತ್ತದೆ. ಆಗ 16 ರಾಜ್ಯಗಳ ರೈತರಿಗೆ ವಿದ್ಯುತ್ ಅಭಾವ ಉಂಟಾಗುತ್ತದೆ" ಎಂದು ವಕೀಲ ಸುಧೀರ್ ಓಜಾ ಹೇಳಿದ್ದಾರೆ.
ಓದಿ:ಲವ್ ಜಿಹಾದ್ ಸಂಬಂಧಿತ ವಿಧೇಯಕ ಅಂಗೀಕರಿಸಿದ ವಿಧಾನಸಭೆ
ಟಿಕಾಯತ್ ಅವರ ಈ ಮಾತುಗಳು ನನ್ನನ್ನು ಚಿಂತೆಗೀಡು ಮಾಡಿತು. ಹಾಗಾಗಿ ನಾನು ಅವರ ವಿರುದ್ಧ ಪ್ರಕರಣ ದಾಖಲಿಸಲು ನಿರ್ಧರಿಸಿದೆ ಎಂದಿದ್ದಾರೆ. ಪ್ರಕರಣದ ವಿಚಾರಣೆಗೆ ನ್ಯಾಯಾಲಯವು ಏಪ್ರಿಲ್ 8 ರಂದು ದಿನಾಂಕ ನಿಗದಿಪಡಿಸಿದೆ.
