ನವದೆಹಲಿ: ಹೈಕೋರ್ಟ್ ನ್ಯಾಯಾಧೀಶರನ್ನಾಗಿ ಪರಿಗಣಿಸಲು ಸುಪ್ರೀಂಕೋರ್ಟ್ನ 48 ವಕೀಲರ ಹೆಸರನ್ನು ಸುಪ್ರೀಂಕೋರ್ಟ್ ಬಾರ್ ಅಸೋಸಿಯೇಷನ್ (ಎಸ್ಸಿಬಿಎ) ಭಾರತದ ಮುಖ್ಯ ನ್ಯಾಯಮೂರ್ತಿ ಎನ್.ವಿ.ರಮಣ ಅವರಿಗೆ ನೀಡಿದೆ.
ಎಸ್ಸಿಬಿಎ ರಚಿಸಿದ್ದ ಶೋಧನಾ ಸಮಿತಿಯು 69 ವಕೀಲರ ಹೆಸರುಗಳನ್ನು ಪ್ರಾಥಮಿಕವಾಗಿ ಪರಿಗಣಿಸಿತ್ತು. ಚರ್ಚೆ ಮತ್ತು ಪರಿಶೀಲನೆಯ ಬಳಿಕ 48 ಹೆಸರನ್ನು ಅಂತಿಮಗೊಳಿಸಿ, ಈ ಲಿಸ್ಟ್ ಅನ್ನು ಸೀಲ್ ಮಾಡಿದ ಕವರ್ನಲ್ಲಿ ಸಿಜೆಐಗೆ ಸಲ್ಲಿಸಿದೆ. ಹಿರಿಯ ವಕೀಲರಾದ ವಿಕಾಸ್ ಸಿಂಗ್, ಪ್ರದೀಪ್ ರೈ, ಮಹಾಲಕ್ಷ್ಮಿ ಪಾವನಿ, ರಾಕೇಶ್ ದ್ವಿವೇದಿ, ಶೇಖರ್ ನಫಡೆ, ವಿಜಯ್ ಹಂಸರಿಯಾ ಮತ್ತು ವಿ ಗಿರಿ ಅವರನ್ನೊಳಗೊಂಡ ಎಸ್ಸಿಬಿಎ ಸಮಿತಿ ಇದಾಗಿತ್ತು.
ಇದನ್ನೂ ಓದಿ: ಇಂದಿನಿಂದ 'ಫಿಟ್ ಇಂಡಿಯಾ ಫ್ರೀಡಂ ರನ್ 2.0': ಅಭಿಯಾನಕ್ಕೆ ಕ್ರೀಡಾ ಸಚಿವರಿಂದ ಚಾಲನೆ
ಎಸ್ಸಿಬಿಎ ಪ್ರಸ್ತಾವನೆಗೆ ಹಲವಾರು ಹೈಕೋರ್ಟ್ ಬಾರ್ ಅಸೋಸಿಯೇಷನ್‌ಗಳು ಆಕ್ಷೇಪ ವ್ಯಕ್ತಪಡಿಸಿದ್ದವು. ಸಿಜೆಐಗೆ ಪತ್ರ ಬರೆದು ಹೈಕೋರ್ಟ್ನ ಕೆಲ ವಕೀಲರೂ ನ್ಯಾಯಾಧೀಶರಾಗಲು ಅರ್ಹರಿರುವುದಾಗಿ ತಿಳಿಸಿದ್ದವು.
