ಚೆನ್ನೈ: ಸಾರಿಗೆ ಕ್ಷೇತ್ರದಲ್ಲಿ ಉದ್ಯೋಗ ಕೊಡಿಸುವುದಾಗಿ ಹೇಳಿ ವಂಚಿಸಿದ್ದ ಡಿಎಂಕೆ ಪಕ್ಷದ ಮಾಜಿ ಸಚಿವ ಸೆಂಥಿಲ್ ಬಾಲಾಜಿ ಸೇರಿದಂತೆ 47 ಜನರ ವಿರುದ್ಧ ಚಾರ್ಜ್ಶೀಟ್ ದಾಖಲಿಸಲಾಗಿದೆ
ಸೆಂಥಿಲ್ ಬಾಲಾಜಿ 2011 ರಿಂದ 2016 ರವರೆಗೆ ಸಾರಿಗೆ ಸಚಿವರಾಗಿದ್ದರು. ಈ ಅವಧಿಯಲ್ಲಿ, ಸಾರಿಗೆ ಕ್ಷೇತ್ರದಲ್ಲಿ ಉದ್ಯೋಗ ಕೊಡಿಸುವುದಾಗಿ ಹೇಳಿ 81 ಜನರಿಂದ 1.62 ಕೋಟಿ ರೂ.ಪಡೆದು ವಂಚಿಸಿದ್ದಾರೆ ಎಂಬುದಾಗಿ ದೂರು ದಾಖಲಾಗಿತ್ತು. ದೂರಿನ ಆಧಾರದ ಮೇಲೆ ಸಿಸಿಐ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ. ಈ ವೇಳೆ ಸೆಂಥಿಲ್ ಬಾಲಾಜಿ ಮತ್ತು ಅಧಿಕಾರಿಗಳಿಂದ ವಿವಿಧ ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿತ್ತು.
ದಾಖಲೆಗಳ ಆಧಾರದ ಮೇಲೆ ಸಾರಿಗೆ ನಿರ್ವಹಣೆಯ ನಿರ್ದೇಶಕರಾಗಿದ್ದ ಗಣೇಶನ್ ಅವರನ್ನು ಬಂಧಿಸಲಾಗಿತ್ತು. ವಿಚಾರಣೆ ಬಳಿಕ ಸಿಸಿಐ ಪೊಲೀಸರು, ಸೆಂಥಿಲ್ ಸೇರಿ 47 ಜನರ ವಿರುದ್ಧ ಚೆನ್ನೈ ಎಗ್ಮೋರ್ ಸಿಸಿಬಿ ಕೋರ್ಟ್ಗೆ ಚಾರ್ಜ್ಶೀಟ್ ಸಲ್ಲಿಸಿದ್ದಾರೆ.
2015 ರಲ್ಲಿ ಬಿಡುಗಡೆಯಾದ ಅಭ್ಯರ್ಥಿಗಳ ಪಟ್ಟಿಯನ್ನು ಅರ್ಹತೆ ಆಧಾರದ ಮೇಲೆ ಸರಿಯಾಗಿ ಪ್ರಕಟಿಸಿಲ್ಲ. ಸೆಂಥಿಲ್ ಬಾಲಾಜಿಯ ಸಹಾಯಕ ಷಣ್ಮುಗಂ, ಎಂ. ಕಾರ್ತಿಕೇಯನ್ ಸೇರಿ ಈ ವಂಚನೆ ಮಾಡಿದ್ದಾರೆ ಎಂದು ಉಲ್ಲೇಖಿಸಲಾಗಿದೆ.
ಸೆಂಥಿಲ್ ಬಾಲಾಜಿ 2018 ರಲ್ಲಿ ಡಿಎಂಕೆ ಸೇರಿದರು ಮತ್ತು ಅರಾವಕುರಿಚಿ ಕ್ಷೇತ್ರದಿಂದ ಸ್ಪರ್ಧಿಸಿ ಶಾಸಕರಾಗಿದ್ದರು. ಇದೀಗ ಕರರು ಕ್ಷೇತ್ರದಿಂದ ಸ್ಪರ್ಧಿಸಲಿದ್ದಾರೆ.
