ಮುಂಬೈ, ಮಹಾರಾಷ್ಟ್ರ: ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ವಿರುದ್ಧದ ಪ್ರಕರಣದಲ್ಲಿ ಬುಧವಾರ ಬೆಳಗ್ಗೆ ಸಾಕ್ಷಿಯೊಬ್ಬರು ಸೆಷನ್ಸ್ ನ್ಯಾಯಾಲಯಕ್ಕೆ ಹಾಜರಾಗಿದ್ದಾರೆ. 1993ರ ಮುಂಬೈ ಸ್ಫೋಟ ಪ್ರಕರಣದಲ್ಲಿ ಈ ಸಾಕ್ಷಿ ನೀಡಿದ ಹೇಳಿಕೆಯನ್ನೂ ಈ ಪ್ರಕರಣದಲ್ಲಿ ಪರಿಗಣಿಸಬೇಕು ಎಂದು ಸರ್ಕಾರದ ವಕೀಲರ ವಾದವಾಗಿತ್ತು. ಈ ಸಂಬಂಧ ಸರ್ಕಾರಿ ವಕೀಲರ ಮನವಿಗೆ ಪುರಸ್ಕರಿಸಿದ ನ್ಯಾಯಾಲಯ ವಿಚಾರಣೆಯನ್ನು ಅಕ್ಟೋಬರ್ 31ಕ್ಕೆ ಮುಂದೂಡಿದೆ. ಈ ಪ್ರಕರಣದಲ್ಲಿ ಒಟ್ಟು 10 ಸಾಕ್ಷಿಗಳ ಸಾಕ್ಷ್ಯವನ್ನು ಸರ್ಕಾರಿ ಪಕ್ಷವು ಹಾಜರಪಡಿಸಲಿದ್ದು, 20 ವರ್ಷಗಳ ನಂತರ ಈ ಪ್ರಕರಣ ಮತ್ತೆ ಓಪನ್ ಆಗಿದೆ.
ಇಬ್ರಾಹಿಂ ಪಾರ್ಕರ್ ಹತ್ಯೆ: ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಸಹೋದರಿ ಹಸೀನಾ ಪಾರ್ಕರ್ ಅವರ ಪತಿ ಇಬ್ರಾಹಿಂ ಪಾರ್ಕರ್ ಅವರನ್ನು ಡಾನ್ ಅರುಣ್ ಗಾವ್ಲಿಯ ಸಹಚರರು ಕೊಂದಿದ್ದರು. ಇದರ ಪ್ರತಿಕಾರವಾಗಿ ದಾವೂದ್ ಇಬ್ರಾಹಿಂನ ಹಿಂಬಾಲಕರು ಜೆಜೆ ಆಸ್ಪತ್ರೆಯಲ್ಲಿ ಗುಂಡಿನ ದಾಳಿ ನಡೆಸಿ ಡಾನ್ ಅರುಣ್ ಗಾವ್ಲಿಯ ಸಹಚರರನ್ನು ಕೊಂದು ಹಾಕಿದ್ದರು ಎನ್ನಲಾಗಿದೆ. ಈ ಘಟನೆ ಮುಂಬೈ ಮತ್ತು ಮಹಾರಾಷ್ಟ್ರ ಸೇರಿದಂತೆ ಇಡೀ ದೇಶವು ಬೆಚ್ಚಿಬಿದ್ದಿತ್ತು.
ಸಾಕ್ಷಿಗಳನ್ನು ಹಾಜರುಪಡಿಸಲು ಅವಕಾಶ: 1992ರಲ್ಲಿ ಮುಂಬೈನ ಜೆಜೆ ಆಸ್ಪತ್ರೆಯಲ್ಲಿ ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಗ್ಯಾಂಗ್ನಿಂದ ಅರುಣ್ ಗಾವ್ಲಿ ಸಹಚರನನ್ನು ಹತ್ಯೆ ಮಾಡಲಾಗಿತ್ತು. ಆರೋಪಿ ಯಾಸಿನ್ ಮನ್ಸೂರ್ ಮೊಹಮ್ಮದ್ ಫಾರೂಕ್ ಅಲಿಯಾಸ್ ಫಾರೂಕ್ ಟಕ್ಲಾ ವಿರುದ್ಧದ ಪ್ರಕರಣದ ವಿಚಾರಣೆ ಸೆಷನ್ಸ್ ನ್ಯಾಯಾಲಯದಲ್ಲಿ ನಡೆಯಲಿದೆ. ಅವರ ವಿರುದ್ಧ ಆರೋಪ ದೃಢಪಟ್ಟಿದ್ದು, ಅಕ್ಟೋಬರ್ 19 ರಿಂದ ಸಾಕ್ಷಿಗಳನ್ನು ಹಾಜರುಪಡಿಸಲು ನ್ಯಾಯಾಲಯವು ಸರ್ಕಾರಿ ಪಕ್ಷಕ್ಕೆ ಅನುಮತಿ ನೀಡಿದೆ.
ದಾವೂದ್ ಸಹಚರ ಫಾರೂಕ್ ಟಕ್ಲಾ ಬಂಧನ: ದಾವೂದ್ ಇಬ್ರಾಹಿಂನ ಮಾವ ಇಬ್ರಾಹಿಂ ಪಾರ್ಕರ್ನನ್ನು ಅರುಣ್ ಗಾವ್ಲಿ ಗ್ಯಾಂಗ್ ಹತ್ಯೆ ಮಾಡಿತ್ತು. ಪ್ರತೀಕಾರವಾಗಿ, ದಾವೂದ್ ಗ್ಯಾಂಗ್‌ನ ಶಾರ್ಪ್‌ಶೂಟರ್‌ಗಳು 22 ಸೆಪ್ಟೆಂಬರ್ 1992 ರಂದು ಜೆಜೆ ಆಸ್ಪತ್ರೆಯ ವಾರ್ಡ್ ನಂ.18ರಲ್ಲಿ ಅಪ್ರಚೋದಿತ ಗುಂಡಿನ ದಾಳಿ ನಡೆಸಿತ್ತು. ಈ ಪ್ರಕರಣದಲ್ಲಿ ದಾವೂದ್‌ನ ಆಪ್ತ ಸಹಚರ ಫಾರೂಕ್ ಟಕ್ಲಾನನ್ನು 2018 ರಲ್ಲಿ ಬಂಧಿಸಲಾಗಿತ್ತು. ಪ್ರಸ್ತುತ ಅವರನ್ನು ಆರ್ಥರ್ ರೋಡ್ ಜೈಲಿನಲ್ಲಿ ಇರಿಸಲಾಗಿದೆ.
20 ವರ್ಷಗಳ ನಂತರ ಆರೋಪ-ಪ್ರತ್ಯಾರೋಪ: ಶೂಟೌಟ್ ನಡೆದು 20 ವರ್ಷಗಳ ನಂತರ ಟಕ್ಲಾ ವಿರುದ್ಧ ಚಾರ್ಜ್‌ಶೀಟ್ ಮಾಡಲಾಗಿದೆ. ಸೆಷನ್ಸ್ ನ್ಯಾಯಾಧೀಶ ಆರ್ ಜೆ ಕಟಾರಿಯಾ ಅವರ ಮುಂದೆ ಈ ಪ್ರಕರಣದ ವಿಚಾರಣೆ ಆರಂಭವಾಗಿದೆ. ಅಕ್ಟೋಬರ್ 19 ರಿಂದ ಸಾಕ್ಷಿಗಳ ಸಾಕ್ಷ್ಯವನ್ನು ಕ್ರಾಸ್ ಎಕ್ಸಾಮಿನ್ ಮಾಡಲು ನ್ಯಾಯಾಧೀಶರು ಸರ್ಕಾರದ ಕಡೆಯಿಂದ ಅನುಮತಿ ನೀಡಿದ್ದಾರೆ.
ಈ ಪ್ರಕರಣದಲ್ಲಿ ಒಟ್ಟು 77 ಸಾಕ್ಷಿಗಳಿದ್ದು, ಫಾರೂಕ್ ಟಕ್ಲಾ ವಿರುದ್ಧ ಸರ್ಕಾರ 10 ಸಾಕ್ಷಿಗಳನ್ನು ಹಾಜರುಪಡಿಸುವ ಸಾಧ್ಯತೆಯಿದೆ. ಈ ಸಂದರ್ಭದಲ್ಲಿ, ವಕೀಲರಾದ ಕರಣ್ ಜೈನ್, ಘೋನ್ಸಾಲ್ವಿಸ್ ವಾದ ಮಂಡಿಸಲಿದ್ದಾರೆ. ಶೂಟೌಟ್ ಪ್ರಕರಣದ ಇತರ ಎಲ್ಲಾ ಆರೋಪಿಗಳು ಈಗಾಗಲೇ ದೋಷಿಗಳಾಗಿದ್ದು, ಅವರ ಶಿಕ್ಷೆಯನ್ನು ಸುಪ್ರೀಂ ಕೋರ್ಟ್ ನೀಡಿದೆ.
ಓದಿ: ದಾವೂದ್ ಜೊತೆ ನಂಟು ಹೊಂದಿದ್ದ ಕ್ರಿಮಿನಲ್ ರಾಹುಲ್ ಭಾಟಿಯಾ ಅರೆಸ್ಟ್
