ಮುಂಬೈ: ಕಾಮಿಡಿಯನ್ ಕಪಿಲ್ ಶರ್ಮಾಗೆ ವಂಚನೆ ಮಾಡಿರುವ ಪ್ರಕರಣವೊಂದರಲ್ಲಿ ಖ್ಯಾತ ಕಾರು ಡಿಸೈನರ್ ದಿಲೀಪ್ ಛಾಬ್ರಿಯಾ ಅವರ ಮಗನ ಬಂಧನ ಮಾಡಲಾಗಿದೆ. ಮುಂಬೈ ಕ್ರೈಂ ಬ್ರಾಂಚ್ ಪೊಲೀಸರು ಆತನ ಬಂಧನ ಮಾಡಿದ್ದಾರೆಂದು ಅಧಿಕಾರಿಗಳು ಮಾಹಿತಿ ಹಂಚಿಕೊಂಡಿದ್ದಾರೆ.
ತಮ್ಮ ಮೇಲಿನ ವಂಚನೆಗೆ ಸಂಬಂಧಿಸಿದಂತೆ ಕಪಿಲ್ ಶರ್ಮಾ ಕಳೆದ ವರ್ಷ ಮುಂಬೈನಲ್ಲಿ ದೂರು ದಾಖಲು ಮಾಡಿದ್ದರು. ಜೊತೆಗೆ ತಮಗೆ 5.3 ಕೋಟಿ ರೂ. ದಿಲೀಪ್ ಛಾಬ್ರಿಯಾ ಹಾಗೂ ಆತನ ಮಗನಿಂದ ವಂಚನೆಯಾಗಿದೆ ಎಂದು ತಿಳಿಸಿದ್ದರು.
ಏನಿದು ಸಂಪೂರ್ಣ ಪ್ರಕರಣ
ಕಪಿಲ್ ಶರ್ಮಾ ನೀಡಿರುವ ದೂರಿನ ಪ್ರಕಾರ, 2017ರ ಮಾರ್ಚ್ ಹಾಗೂ ಮೇ ತಿಂಗಳ ನಡುವೆ 5 ಕೋಟಿ ರೂ. ನೀಡಿ ವಿಶೇಷವಾದ ಬಸ್ ತಯಾರಿಸಲು ತಿಳಿಸಿದ್ದರು. ಆದರೆ, 2019ರವರೆಗೆ ಅದರ ಯಾವುದೇ ಕಾರ್ಯಾಚರಣೆ ಆರಂಭಗೊಂಡಿರಲಿಲ್ಲ. ಹೀಗಾಗಿ ಕಪಿಲ್ ಶರ್ಮಾ ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ(NCLT) ಮೊರೆ ಹೋಗಿದ್ದರು.
ಇದರ ಬೆನ್ನಲ್ಲೇ ದಿಲೀಪ್ ಛಾಬ್ರಿಯಾ ಕಂಪನಿ ವಿಶೇಷ್ ಬಸ್ನ ಪಾರ್ಕಿಂಗ್ಗೋಸ್ಕರ 1.20 ಕೋಟಿ ರೂಪಾಯಿ ಜಮಾ ಮಾಡುವಂತೆ ಬಿಲ್ ಕಳುಹಿಸಿಕೊಟ್ಟಿತ್ತು. ಹೀಗಾಗಿ ಕಪಿಲ್ ಶರ್ಮಾ ಪೊಲೀಸರ ಮುಂದೆ ಮೊರೆ ಹೋಗಿದ್ದರು.
ಇದನ್ನೂ ಓದಿರಿ: ಅಕ್ಕನ ಹಾದಿಯಲ್ಲಿ ತಂಗಿ..UPSCಯಲ್ಲಿ 15ನೇ ಸ್ಥಾನ ಪಡೆದ IAS ಟಾಪರ್ ಟೀನಾ ಡಾಬಿ ಸಹೋದರಿ!
ಪ್ರಕರಣಕ್ಕೆ ಸಂಬಂಧಿಸಿದಂತೆ ದಿಲೀಪ್ ಛಾಬ್ರಿಯಾ ಮಗನನ್ನ ವಿಚಾರಣೆ ಮಾಡಲು ಠಾಣೆಗೆ ಕರೆದಾಗ ಬಂಧನ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ಈ ಹಿಂದೆ ಬೇರೆ ಪ್ರಕರಣದಲ್ಲಿ ದಿಲೀಪ್ ಛಾಬ್ರಿಯಾ ಅವರನ್ನ ಪೊಲೀಸರು ಬಂಧನ ಮಾಡಿದ್ದರು.
