ಈದ್ ಅಲ್-ಅಧಾ ಮುನ್ನಾದಿನ ಭಾರತ-ಪಾಕ್ ಗಡಿಯಲ್ಲಿ ಸಂಭ್ರಮ: ಸಿಹಿ ಹಂಚಿಕೊಂಡ ಬಿಎಸ್‌ಎಫ್, ಪಾಕಿಸ್ತಾನ್​ ರೇಂಜರ್ಸ್​

ಇಂಡೋ-ಪಾಕ್ ಅಂತಾರಾಷ್ಟ್ರೀಯ ಗಡಿಯಲ್ಲಿ ಮತ್ತು ರಾಜಸ್ಥಾನದ ಬಾರ್ಮರ್ ಜಿಲ್ಲೆಯಲ್ಲಿ ಈದ್ ಅಲ್-ಅಧಾ ಸಂದರ್ಭ ಹಿನ್ನೆಲೆ ಪಾಕಿಸ್ತಾನದ ರೇಂಜರ್‌ಗಳೊಂದಿಗೆ ಸಿಹಿ ಹಂಚಿಕೊಳ್ಳಲಾಗಿದೆ.

ಬಾರ್ಮರ್ (ರಾಜಸ್ಥಾನ) : ಗುಜರಾತ್ ಗಡಿ ಭದ್ರತಾ ಪಡೆಯು ಗುಜರಾತ್‌ನ ಇಂಡೋ-ಪಾಕ್ ಅಂತಾರಾಷ್ಟ್ರೀಯ ಗಡಿಯಲ್ಲಿ ಮತ್ತು ರಾಜಸ್ಥಾನದ ಬಾರ್ಮರ್ ಜಿಲ್ಲೆಯಲ್ಲಿ ಈದ್ ಅಲ್-ಅಧಾ ಸಂದರ್ಭ ಪಾಕಿಸ್ತಾನದ ರೇಂಜರ್‌ಗಳೊಂದಿಗೆ ಸಿಹಿ ಮತ್ತು ಶುಭಾಶಯಗಳನ್ನು ವಿನಿಮಯ ಮಾಡಿಕೊಳ್ಳಲಾಗಿದೆ.

ಈದ್ ಅಲ್-ಅಧಾ ಅಥವಾ ಬಕ್ರಾ ಈದ್ ಅನ್ನು 'ತ್ಯಾಗದ ಹಬ್ಬ' ಎಂದೂ ಕರೆಯಲಾಗುತ್ತದೆ. ಇದನ್ನು ಇಸ್ಲಾಮಿಕ್ ಅಥವಾ 12 ನೇ ತಿಂಗಳಾದ ಧು ಅಲ್-ಹಿಜ್ಜಾದ 10 ನೇ ದಿನದಂದು ಆಚರಿಸಲಾಗುತ್ತದೆ. ಇದು ವಾರ್ಷಿಕ ಹಜ್ ಯಾತ್ರೆಯ ಅಂತ್ಯವನ್ನು ಸೂಚಿಸುತ್ತದೆ.

ಸಿಹಿ ಹಂಚಿಕೊಂಡ ಬಿಎಸ್‌ಎಫ್ ಮತ್ತು ಪಾಕಿಸ್ತಾನ್​ ರೇಂಜರ್ಸ್​

ಪ್ರಪಂಚದಾದ್ಯಂತ ಈದ್ ಸಂಪ್ರದಾಯಗಳು ಮತ್ತು ಹಬ್ಬಗಳು ಬೇರೆ ಬೇರೆ ರೀತಿ ಇವೆ. ಭಾರತದಲ್ಲಿ ಮುಸ್ಲಿಮರು ಹೊಸ ಬಟ್ಟೆಗಳನ್ನು ಧರಿಸಿ ಪ್ರಾರ್ಥನಾ ಸಭೆಗಳಿಗೆ ಹಾಜರಾಗುತ್ತಾರೆ. ಕುರಿ ಅಥವಾ ಮೇಕೆಯನ್ನು ಈ ವೇಳೆ ದೇವರಿಗೆ ಅರ್ಪಿಸಲಾಗುತ್ತದೆ. ಹಾಗೆ ಮಾಂಸವನ್ನು ಕುಟುಂಬದ ಸದಸ್ಯರು, ನೆರೆಹೊರೆಯವರು ಮತ್ತು ಬಡವರೊಂದಿಗೂ ಹಂಚಿಕೊಳ್ಳಲಾಗುತ್ತದೆ.

ಇದನ್ನೂ ಓದಿ: ನಿರಾಶ್ರಿತರಾಗಿ ಬಂದು ಭಾರತದಲ್ಲಿ 3 ಕೋಟಿ ರೂ. ಗಳಿಸಿದ್ದ ಅಫ್ಘಾನಿ ಬಾಬಾ.. ಆಸ್ತಿಗಾಗಿ ಕೊಲೆ ಶಂಕೆ