ರೋಪ್​ ವೇ ಮೂಲಕ ವೇದಿಕೆಗೆ ವಧುವಿನ ಆಗಮನ: ಶೋಕವಾಗದಿರಲಿ ಶೋಕಿ ಎಂದು ನೆಟ್ಟಿಗರ ನೆಗೆಟಿವ್​ ಕಮೆಂಟ್​

ಆಡಂಬರದ ವಿವಾಹದ ವಿಡಿಯೋ ಒಂದಕ್ಕೆ ಟ್ವಿಟ್ಟರ್​ನಲ್ಲಿ ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದು, ಆಡಂಬರದಿಂದಾಗುವ ಅಪಘಾತದ ಬಗ್ಗೆ ಎಚ್ಚರ ಇರಲಿ ಎಂದು ನೆಟ್ಟಿಗರು ಕಮೆಂಟ್​ ಮಾಡಿದ್ದಾರೆ.

ಹೈದರಾಬಾದ್(ತೆಲಂಗಾಣ): ಮದುವೆಗಳು ಸ್ವರ್ಗದಲ್ಲಿ ನಡೆಯುತ್ತವೆ ಎನ್ನುತ್ತಾರೆ. ಇಂದಿನ ದಿನಗಳಲ್ಲಿ ಮಂಟಪವನ್ನೇ ಸ್ವರ್ಗದ ರೀತಿ ಕೋಟಿಗಟ್ಟಲೆ ಹಣ ವ್ಯಯಿಸಿ ಅಲಂಕರಿಸಿ ವಿವಾಹ ಮಾಡುತ್ತಾರೆ. ವಿವಾಹ ಈ ಶ್ರೀಮಂತಿಕೆಯನ್ನು ತೋರ್ಪಡಿಸುವ ಒಂದು ವಿಧಾನವಾಗಿದೆ. ಅದ್ಧೂರಿ ಸೆಟ್​ಗಳಲ್ಲಿ ವಿವಾಹ ಮಾಡಿಸಿ ಆಡಂಬರ ಮಾಡುವುದೇ ಈ ಕಾಲದ ಶೋಕಿ ಅನ್ನೋದು ಕೆಲವರ ಅಭಿಪ್ರಾಯ.

ವೇದಿಕೆ ವಧು ವರರ ಪ್ರವೇಶಕ್ಕೆ ಅದ್ಧೂರಿ ನೃತ್ಯದ ಮೂಲಕ ಸ್ವಾಗತ ಕೋರುವುದು ಇತ್ತೀಚೆಗೆ ಸಾಮಾನ್ಯವಾಗಿದೆ. ಮ್ಯಾರೇಜ್​ ಪ್ಲಾನರ್ಸ ಎಂದೇ ಕಾರ್ಯಕ್ರಮ ನಿರ್ವಹಣೆ ಮಾಡುವವರು ಇರುತ್ತಾರೆ. ಅವರು ಫೋಟೋಗ್ರಫಿಗೆ ಮತ್ತು ಬೇರೆ ಬೇರೆ ಇವೆಂಟ್​ಗಳನ್ನು ಸೃಷ್ಟಿಸಿ ಮದುವೆಗೆ ಮೆರುಗು ತರಲು ಪ್ರಯತ್ನಿಸುತ್ತಾರೆ.

ಈ ರೀತಿಯ ಆಡಂಬರ ವಿವಾಹದ ಒಂದು ವಿಡಿಯೋ ಟ್ವಿಟರ್​ನಲ್ಲಿ ವೈರಲ್​ ಆಗುತ್ತಿದೆ. ವಿವಾಹ ವೇದಿಕೆಗೆ ವಧುವಿನ ಆಗಮನಕ್ಕೆ ರೋಪ್​ ವೇ ರೀತಿಯಲ್ಲಿ ಸೀಲಿಂಗ್​ಗೆ ಕೇಬಲ್​ ನೇತಾಡುವ ಬುಟ್ಟಿಯ ರೀತಿಯ ರಚನೆಯಲ್ಲಿ ತಂದೆ ಕರೆದುಕೊಂಡು ಬರುತ್ತಾರೆ. ಈ ವಿಡಿಯೋ ಪಾಕಿಸ್ತಾನದಲ್ಲಿ ನಡೆದ ವಿವಾಹ ಕಾರ್ಯಕ್ರಮದ್ದು ಎಂದು ಹೇಳಲಾಗುತ್ತಿದೆ.

• Please don't let this become a thing pic.twitter.com/rWRGsyENFp

  — Fasi Zaka (@fasi_zaka) December 8, 2022 " class="align-text-top noRightClick twitterSection" data="

  Please don't let this become a thing pic.twitter.com/rWRGsyENFp

  — Fasi Zaka (@fasi_zaka) December 8, 2022

  ">

  Please don't let this become a thing pic.twitter.com/rWRGsyENFp

  — Fasi Zaka (@fasi_zaka) December 8, 2022

ಈ ವಿವಾಹದ ವಿಡಿಯೋ ನೆಟಿಜನ್‌ಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಟ್ವಿಟ್ಟರ್ ಬಳಕೆದಾರರಾದ ಫಾಸಿ ಝಕಾ (@fasi_zaka) ಟ್ವೀಟ್ ಮಾಡಿದ ವಿಡಿಯೋದಲ್ಲಿ ಕೇಬಲ್‌ಗಳಿಂದ ಸೀಲಿಂಗ್‌ನಲ್ಲಿ ನೇತಾಡುವ ಗೊಂಚಲು ಆಕಾರದ ರೋಪ್​ ವೇ ಮಧುಮಗಳನ್ನು ತಂದೆ ವಿವಾಹ ಮಂಟಪಕ್ಕೆ ಕರೆದುಕೊಂಡು ಬರುತ್ತಾರೆ. ಇದನ್ನು ಹಂಚಿಕೊಂಡು, ಇದು ಅಪಘಾತದ ಸುದ್ದಿಯಾಗಲು ಬಿಡಬೇಡಿ ಎಂದು ಬರೆದುಕೊಂಡಿದ್ದಾರೆ.

ಇದಕ್ಕೆ ಪೂರಕವಾಗಿ ನೆಟ್ಟಿಗರು, ವಿವಾಹ ಸ್ಥಳವನ್ನು ಈ ರೀತಿಯ ಶೋಕಿಗಳನ್ನು ಮಾಡಲು ಹೋಗಿ ಶೋಕದ ಮನೆ ಮಾಡಬೇಡಿ. ಅನಗತ್ಯ ಆಡಂಬರಗಳು ಅಪಘಾತಕ್ಕೆ ಕಾರಣವಾಗಬಹುದು. ಯಾವುದೇ ಸರಿಯಾದ ಸುರಕ್ಷತೆ ಇಲ್ಲದೇ ಈ ರೀತಿಯ ಸಾಹಸ ಮಾಡುವುದು ಸರಿಯಲ್ಲ ಎಂದು ಕಮೆಂಟ್​ನಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಈಗಿನ ವಿವಾಹಗಳು ವಿಡಿಯೋಗ್ರಫಿ ಮತ್ತು ಫೋಟೋಗ್ರಫಿಗಾಗಿ ನಡೆಯುತ್ತದೆ. ಸಂಬಂಧ ಬೆಸೆಯುವ ಕಾರ್ಯಕ್ರಮ ಆಗಿರುವುದಿಲ್ಲ ಎಂದು ಕೆಲವರು ದೂರಿದ್ದಾರೆ. ಹಿಂದಿ ಬಿಗ್​ಬಾಸ್​ ವೇದಿಕೆಗೆ ಸಲ್ಮಾನ್​ ಖಾನ್​, ವಿದೇಶಿ ಪಾಪ್​ ಹಾಡುಗಾರ್ತಿ ಈ ರೀತಿಯ ರೋಪ್​ವೇಯಲ್ಲಿ ಮಾಡಿದ ಕಾರ್ಯಕ್ರಮಗಳನ್ನು ಕಮೆಂಟ್​ನಲ್ಲಿ ಹಂಚಿಕೊಂಡು ಈ ರೀತಿಯ ಅಸುರಕ್ಷಿತ ಕಾರ್ಯಕ್ರಮಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ.

ವಿದ್ಯುತ್​ ಹೋದಲ್ಲಿ ಅಲ್ಲೇ ನೇತಾಡುವ ದಂಪತಿಯನ್ನು ನೋಡಲು ಚೆನ್ನಾಗಿರುತ್ತದೆ ಎಂದು ಮತ್ತೆ ಕೆಲವರು ಹಾಸ್ಯ ಮಾಡಿದ್ದಾರೆ.

ಇದನ್ನೂ ಓದಿ: 100 ಜನರೊಂದಿಗೆ ದಾಳಿ.. ನಿಶ್ಚಿತಾರ್ಥದಂದೇ ಯುವತಿ ಅಪಹರಿಸಿದ ಪ್ರೇಮಿ..6 ತಾಸಿನಲ್ಲೇ ಪ್ರಕರಣ ಭೇದಿಸಿದ ಪೊಲೀಸರು