ಹೊಸದಾಗಿ ಮದುವೆ: ಶೌಚಾಲಯಕ್ಕೆ ಹೋಗುವುದಾಗಿ ಹೇಳಿ ಲವರ್ ಜೊತೆ ಯುವತಿ ಪರಾರಿ

ಆಗಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ ವಧು, ಸಿನಿಮೀಯ ರೀತಿಯಲ್ಲಿ ಲವರ್ ಜೊತೆ ಪರಾರಿಯಾಗಿರುವ ಘಟನೆ ಬಿಹಾರದ ಔರಂಗಾಬಾದ್​ನಲ್ಲಿ ನಡೆದಿದೆ.

ಔರಂಗಾಬಾದ್​(ಬಿಹಾರ): ಕೊರೊನಾ ಮಹಾಮಾರಿ ಹಾವಳಿ ಹೆಚ್ಚಾಗಿರುವ ಕಾರಣ ಬಿಹಾರದಲ್ಲಿ ಸಂಪೂರ್ಣ ಲಾಕ್​ಡೌನ್ ಘೋಷಣೆ ಮಾಡಲಾಗಿದೆ. ಇದರ ಮಧ್ಯೆ ಕೂಡ ಇಲ್ಲಿನ ಮದನ್​ಪುರ ಪೊಲೀಸ್ ಠಾಣೆಯ ಸಿಂಧುರಾ ಗ್ರಾಮದಲ್ಲಿ ವಿವಾಹ ಸಮಾರಂಭವೊಂದು ನಡೆದಿತ್ತು.

ಚಂದನ್​ ಕುಮಾರ್​​-ಶ್ವೇತಾ ಕುಮಾರಿ ಬಹಳ ಆಡಂಬರದಿಂದ ವಿವಾಹ ಮಾಡಿಕೊಂಡು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಚಂದನ್ ಕುಮಾರ್​ ತನ್ನ ಪತ್ನಿಯನ್ನ ಬಲಗಂಜ್​​ನಿಂದ ಸಿಂಧುರಾ ಗ್ರಾಮಕ್ಕೆ ಕರೆದುಕೊಂಡು ಹೋಗುತ್ತಿದ್ದ ವೇಳೆ ಆಕೆ ಸಿನಿಮೀಯ ರೀತಿಯಲ್ಲಿ ಪರಾರಿಯಾಗಿದ್ದಾಳೆ.

ಗಂಡ ಚಂದನ್​​ ಗ್ರಾಮಕ್ಕೆ ಕರೆದುಕೊಂಡು ಹೋಗುತ್ತಿದ್ದ ವೇಳೆ ಶಿವಗಂಜ್​ ಪೆಟ್ರೋಲ್​ ಪಂಪ್​ ಬಳಿ ವಧು ಶೌಚಾಲಯಕ್ಕೆ ಹೋಗಿ ಬರುವುದಾಗಿ ಹೇಳಿದ್ದಾಳೆ. ಹೀಗಾಗಿ ವಾಹನ ನಿಲ್ಲಿಸಲಾಗಿದೆ. ತಕ್ಷಣವೇ ಆಕೆ ತನ್ನ ಪ್ರೇಮಿ ಜೊತೆ ಪರಾರಿಯಾಗಿದ್ದಾಳೆ.

ಪ್ರಕರಣದ ಸಂಪೂರ್ಣ ವಿವರ

ಏಪ್ರಿಲ್​ 21ರಂದು ಶ್ವೇತಾ ಕುಮಾರಿ ಹಾಗೂ ಚಂದನ್​ ಕುಮಾರ್​ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಇದರಿಂದ ಎರಡು ಕುಟುಂಬ ಸಂತೋಷದಲ್ಲಿದ್ದವು. ಕೆಲ ದಿನಗಳ ನಂತರ ಅತ್ತೆ-ಮಾವನ ಮನೆಯಿಂದ ಮಹಿಳೆ ತವರು ಮನೆಗೆ ತೆರಳಿದ್ದಾಳೆ. ಆಕೆಯನ್ನ ಕರೆದುಕೊಂಡು ಬರಲು ಚಂದನ್ ತೆರಳಿದ್ದನು. ಮರಳಿ ಗಂಡನ ಮನೆಗೆ ಬರುವಾಗಿ ಶೌಚಾಲಯಕ್ಕೆ ಹೋಗುವುದಾಗಿ ಹೇಳಿ ವಾಹನ ನಿಲ್ಲಿಸಿದ್ದಾಳೆ. ಈ ವೇಳೆ, ತನ್ನ ಲವರ್​ ಜೊತೆ ಪರಾರಿಯಾಗಿದ್ದಾಳೆ.

ಮದುವೆಯಾಗಿ ಲವರ್ ಜೊತೆ ಓಡಿ ಹೋದ ವಧು

ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡಿದ್ದು, ಈಗಾಗಲೇ ಶೋಧ ಕಾರ್ಯ ಆರಂಭಿಸಿದ್ದಾರೆ. ಆದರೆ, ಇಲ್ಲಿಯವರೆಗೆ ಯಾವುದೇ ರೀತಿಯ ಮಾಹಿತಿ ಲಭ್ಯವಾಗಿಲ್ಲ.