ನವದೆಹಲಿ: ನಗರದಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದೆ. ಇಲ್ಲಿನ ಸರ್ಕಾರ ಮಹಿಳೆಯರಿಗೆ ಉಚಿತ ಬಸ್ ಸೇವೆ ಆರಂಭಿಸಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಈ ಉಚಿತ ಬಸ್ ಸೇವೆ ಆನಂದಿಸಲು ಯುವಕನೊಬ್ಬ ತನ್ನ ಎಲ್ಲ ಮಿತಿಗಳನ್ನು ದಾಟಿದ್ದಾನೆ. ಹುಡುಗಿಯಂತೆ ರೆಡಿಯಾದ ಯುವಕ ಬಸ್ವೊಂದಕ್ಕೆ ಹತ್ತಿ ಪ್ರಯಾಣಿಸುತ್ತಿದ್ದನು. ಆದರೆ ಆತ ಕಂಡಕ್ಟರ್ ಕಣ್ಣುಗಳಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗಲೇ ಇಲ್ಲ.
ಹೌದು, ಉಚಿತ ಬಸ್ ಸೌಲಭ್ಯ ಆನಂದಿಸಲು ಯುವಕನೊಬ್ಬ ಹುಡುಗಿಯಂತೆ ತಲೆಯನ್ನು ಬಟ್ಟೆಯಿಂದ ಮುಚ್ಚಿಕೊಂಡು, ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ಬಸ್ನಲ್ಲಿ ಪ್ರಯಾಣಿಸುತ್ತಿದ್ದ. ಬಸ್ನಲ್ಲಿ ಬಾಲಕಿಯಂತೆ ಕಾಣುತ್ತಿದ್ದ ಯುವಕನ ವರ್ತನೆ ಬದಲಾಗಿದೆ. ಆತನ ವರ್ತನೆ ಬಗ್ಗೆ ಅನುಮಾನಗೊಂಡ ಕಂಡಕ್ಟರ್ ಯುವಕನಿಗೆ ಮಾಸ್ಕ್ ತೆಗೆಯುವಂತೆ ಹೇಳಿದ್ದಾನೆ. ಯುವಕ ಮಾಸ್ಕ್ ತೆಗೆದ ತಕ್ಷಣ ಆತನ ಸಂಪೂರ್ಣ ವೇಷ ಸ್ಫೋಟಗೊಂಡಿತು.
ಓದಿ: ಇನ್ಸ್ಟಾಗ್ರಾಮ್ನಲ್ಲಿ ಮಾಜಿ ಪತಿಯನ್ನು ಅನ್ಫಾಲೋ ಮಾಡಿದ ಸಮಂತಾ.. ಆದ್ರೆ ನಾಗಚೈತನ್ಯ...?
ಈ ಸಂಪೂರ್ಣ ವಿಷಯದ ಬಗ್ಗೆ ಕಂಡಕ್ಟರ್ ವಿಡಿಯೋ ಮಾಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಮಾಸ್ಕ್ ತೆಗೆಯುವಂತೆ ಕಂಡಕ್ಟರ್ ಪದೇ ಪದೆ ಕೇಳುತ್ತಿದ್ದರೂ ಮಾಸ್ಕ್ ತೆಗೆಯುವ ಬದಲು ಯುವಕ ಕಂಡಕ್ಟರ್ ಬಳಿ ಕ್ಷಮೆ ಯಾಚಿಸುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಸ್ವಲ್ಪ ಸಮಯದ ನಂತರ, ಕಂಡಕ್ಟರ್‌ನ ಕೋಪಕ್ಕೆ ಹೆದರಿದ ಯುವಕನು ಭಯದಿಂದ ಮಾಸ್ಕ್ ತೆಗೆದಿದ್ದಾನೆ. ಈ ವೇಳೆ ಮುಖದ ಮೇಲೆ ಮೀಸೆ-ಗಡ್ಡ ಕಂಡಿದ್ದೇವೆ. ಅಚ್ಚರಿ ಎಂದರೆ ಸಿಕ್ಕಿಬಿದ್ದ ನಂತರವೂ ಯುವಕ ಮಹಿಳೆಯ ದನಿಯಲ್ಲಿಯೇ ಮಾತನಾಡುತ್ತಿದ್ದಾನೆ.
ದೆಹಲಿಯ ಅರವಿಂದ್ ಕೇಜ್ರಿವಾಲ್ ಸರ್ಕಾರವು 2019 ರಿಂದ ಮಹಿಳೆಯರಿಗೆ ಉಚಿತ ಬಸ್ ಸೇವೆಯ ಯೋಜನೆಯನ್ನು ನಡೆಸುತ್ತಿದೆ. ಅದರ ದುರಾಸೆಯಲ್ಲಿ ಈ ಯುವಕ ಉಚಿತ ಬಸ್ ಪ್ರಯಾಣಕ್ಕಾಗಿ ಹುಡುಗಿಯ ವೇಷದಲ್ಲಿ ಪ್ರಯಾಣಿಸಿದ್ದಾನೆ.
