ಖಮ್ಮಂ, ತೆಲಂಗಾಣ : ಹುಟ್ಟು ಹಬ್ಬದ ಆಚರಣೆ ವಿಚಾರಕ್ಕೆ ಸಂಬಂಧಿಸಿದಂತೆ ತಂದೆ ಮತ್ತು ಮಗ ಇಬ್ಬರೂ ಪ್ರಾಣ ಕಳೆದುಕೊಂಡಿರುವ ಘಟನೆ ತೆಲಂಗಾಣದ ಖಮ್ಮಂ ಜಿಲ್ಲೆಯ ಸತ್ತುಪಲ್ಲಿ ಎಂಬಲ್ಲಿ ನಡೆದಿದೆ.
ಸತ್ತುಪಲ್ಲಿ ನಿವಾಸಿಯಾದ ಚಲ್ಲಾ ರಾಂಬಾಬು ಎಂಬಾತ ತನ್ನ ಮಗನಾದ ಸಾಯಿ ಭಾನುಪ್ರಕಾಶ್ನನ್ನು ಖಾಸಗಿ ಶಾಲೆಯೊಂದಕ್ಕೆ ಸೇರಿಸಿದ್ದ. 10ನೇ ತರಗತಿ ಓದುತ್ತಿರುವ ಸಾಯಿ ಭಾನುಪ್ರಕಾಶ್ ಇದೇ ಡಿಸೆಂಬರ್ 14ರಂದು ತನ್ನ ಜನ್ಮದಿನವನ್ನು ಸ್ನೇಹಿತರೊಂದಿಗೆ ಶಾಲೆಯಲ್ಲಿಯೇ ಆಚರಣೆ ಮಾಡಿಕೊಂಡಿದ್ದಾನೆ.
ಈ ವಿಚಾರ ತಿಳಿದ ಶಾಲಾ ಆಡಳಿತ ಮಂಡಳಿ ಭಾನುಪ್ರಕಾಶ್ನೊಂದಿಗೆ, ಆತನ ತಂದೆಗೂ ಕೂಡ ನಿಂದಿಸಿದೆ. ಇಷ್ಟೇ ಅಲ್ಲ, ಒಂದು ವಾರದ ಮಟ್ಟಿಗೆ ಭಾನುಪ್ರಕಾಶ್ನನ್ನು ಶಾಲೆಯಿಂದ ಸಸ್ಪೆಂಡ್ ಮಾಡಿದೆ.
ಈ ವಿಚಾರದಿಂದ ಮನನೊಂದು ಭಾನುಪ್ರಕಾಶ ಡಿಸೆಂಬರ್ 15ರಂದು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಆಸ್ಪತ್ರೆ ಗೆ ಸೇರಿಸಿದರೂ ಚಿಕಿತ್ಸೆ ಫಲಕಾರಿಯಾಗದೇ ಭಾನುಪ್ರಕಾಶ್ ಮೃತಪಟ್ಟಿದ್ದಾನೆ.
ಈ ಘಟನೆಯಿಂದ ಸಾಕಷ್ಟು ನೊಂದಿದ್ದ ತಂದೆ ರಾಂಬಾಬು ಭಾನುವಾರ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಪೊಲೀಸರು ಈ ಕುರಿತಂತೆ ದೂರು ದಾಖಲಿಸಿಕೊಂಡು, ತನಿಖೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ: ಸಿಖ್ಖರ ಧ್ವಜ ನಿಶಾನ್ ಸಾಹಿಬ್‌ಗೆ ಅಗೌರವ ಆರೋಪ ; ಪಂಜಾಬ್‌ನಲ್ಲಿ ಮತ್ತೊಬ್ಬ ವ್ಯಕ್ತಿ ಹತ್ಯೆ
