ಹರಿಯಾಣ ಕಿಸಾನ್​ ಒಕ್ಕೂಟದ​ ಅಧ್ಯಕ್ಷನ ಅಮಾನತು: ನಾಳಿನ ಸಭೆಯಿಂದಲೂ ಕಿಕ್​ಔಟ್​

ರಾಜಕೀಯ ಪಕ್ಷಗಳನ್ನು ಭೇಟಿಯಾದ ಆರೋಪದಡಿ ಭಾರತೀಯ ಕಿಸಾನ್​ ಒಕ್ಕೂಟದ ಹರಿಯಾಣ ರಾಜ್ಯಾಧ್ಯಕ್ಷ ಗುರ್ನಾಮ್​ ಸಿಂಗ್ ಚದುನಿ ಅವರನ್ನು ಅಮಾನತುಗೊಳಿಸಲಾಗಿದೆ.

ಚಂಡೀಗಢ(ಹರಿಯಾಣ): ಭಾರತೀಯ ಕಿಸಾನ್​ ಯೂನಿಯನ್ (ಬಿಕೆಯು) ರಾಜ್ಯಾಧ್ಯಕ್ಷ ಗುರ್ನಾಮ್​ ಸಿಂಗ್ ಚದುನಿ ಅವರನ್ನು ಅಮಾನತುಗೊಳಿಸಲಾಗಿದೆ.

ರಾಜಕೀಯ ಪಕ್ಷಗಳನ್ನು ಭೇಟಿಯಾದ ಆರೋಪದಡಿ ಗುರ್ನಾಮ್​ ಸಿಂಗ್​ರನ್ನು ಅಮಾನತು ಮಾಡಲಾಗಿದೆ. ಕಾಂಗ್ರೆಸ್ ಮತ್ತು ಆಮ್ ಆದ್ಮಿ ಪಕ್ಷದ ಮುಖಂಡರನ್ನು ಸಿಂಗ್ ಭೇಟಿಯಾಗಿದ್ದರು ಎಂದು ಹೇಳಲಾಗ್ತಿದೆ. ಈ ಬಗ್ಗೆ ತನಿಖೆ ನಡೆಸಲು ನಾಲ್ವರು ಸದಸ್ಯರ ಸಮಿತಿಯನ್ನು ರಚಿಸಲಾಗಿದ್ದು, ಗುರ್ನಾಮ್​ ಸಿಂಗ್ ಸಮಿತಿಯ ಮುಂದೆ ಹಾಜರಾಗಬೇಕಾಗಿದೆ.

ಇದನ್ನೂ ಓದಿ: ನಾಳೆ ಕೃಷಿ ಕಾನೂನು ಕುರಿತ 'ಸುಪ್ರೀಂ' ಸಮಿತಿಯ ಮೊದಲ ಸಭೆ

ಕೇಂದ್ರದ ನೂತನ ಕೃಷಿ ಕಾಯ್ದೆಗಳ ವಿರುದ್ಧ ಕಳೆದ 50 ದಿನಗಳಿಂದ ರೈತರು ಪ್ರತಿಭಟನೆ ನಡೆಸುತ್ತಿದ್ದು, ಮಧ್ಯಪ್ರವೇಶಿಸಿರುವ ಸುಪ್ರೀಂಕೋರ್ಟ್​ ಈ ಕುರಿತು ಚರ್ಚಿಸಲು ಸಮಿತಿಯೊಂದನ್ನು ರಚಿಸಿದೆ. ಸಮಿತಿಯ ಮೊದಲ ಸಭೆ ಕೂಡ ನಡೆಯಲಿದೆ. ಹಾಗೆಯೇ ನಾಳೆ ರೈತ ಸಂಘಟನೆ ಮತ್ತು ಸರ್ಕಾರದೊಂದಿಗೆ ನಡೆಯಲಿರುವ 10ನೇ ಸುತ್ತಿನ ಸಭೆಯಿಂದ ಗುರ್ನಾಮ್​ ಸಿಂಗ್​ರನ್ನು ಹೊರಗಿಡಲಾಗಿದೆ.