ಮುಂಬೈ: ಮುಂಬೈನಿಂದ ಲಂಡನ್‌ಗೆ ಹೋಗ್ಬೇಕಿದ್ರೇ 8 ರಿಂದ 11 ಗಂಟೆ ಬೇಕಾಗುತ್ತೆ. ಆದರೆ, ಒಂದೇ ಒಂದು ಗಂಟೆಯಲ್ಲಿ ಹೋಗೋಕೆ ಸಾಧ್ಯವಾ? ಹೌದು, ಇದನ್ನ ಸಾಧ್ಯವಾಗಿಸುತ್ತಿದೆ ಹೊಸ ಸೊಪರ್‌ಸಾನಿಕ್‌ ವಿಮಾನ.
ವಿಮಾನದಲ್ಲಿ ಭಾರತದ ಯಾವುದೇ ಭಾಗದಿಂದ ಲಂಡನ್‌ಗೆ ಹೋಗಬೇಕಿದ್ರೇ 8 ರಿಂದ 11 ಗಂಟೆ ಬೇಕು. ಆದರೆ, ಇನ್ಮೇಲೆ ಅಷ್ಟೊಂದು ಸಮಯ ಬೇಕಾಗಿಲ್ಲ. ಲಂಡನ್‌ನ ಆಕ್ಸ್‌ಫರ್ಡ್‌ಶೈರ್‌ನಲ್ಲಿರುವ ಬ್ರಿಟೀಷ್‌ ವಿಮಾನ ನಿರ್ಮಾಣ ಕಂಪನಿ 'ರಿಯಾಕ್ಷನ್ ಎಂಜಿನ್ಸ್‌ ಲಿಮಿಟೆಡ್' ಹೊಸ ಸೊಪರ್‌ಸಾನಿಕ್‌ ವಿಮಾನಗಳನ್ನ ತಯಾರಿಸಿದೆ. ಇದೇ ಸೊಪರ್‌ಸಾನಿಕ್‌ ವಿಮಾನಗಳು ಮುಂಬೈನಿಂದ ಲಂಡನ್‌ಗೆ ಬರೀ 1 ಗಂಟೆಯಲ್ಲೇ ಪ್ರಯಾಣಿಕರನ್ನ ಹೊತ್ತೊಯ್ಯಲಿದೆ. ಅಂದುಕೊಂಡಂತೆ ಕಾರ್ಯಾರಂಭ ಮಾಡಿದ್ರೇ ಆದಷ್ಟು ಬೇಗ ಇದು ಕೈಗೂಡಲಿದೆ. ಹೆಚ್ಚು ಗಂಟೆ ವಿಮಾನದಲ್ಲಿ ಪ್ರಯಾಣಿಸುವ ಪ್ರಮೇಯ ಇನ್ಮೇಲೆ ಬೀಳೋದಿಲ್ಲ.
ಯಂತ್ರದ ಕೂಲಿಂಗ್‌ ಸಿಸ್ಟಂ ಪರೀಕ್ಷೆಯಲ್ಲಿ ಪಾಸ್ :
ಸೊಪರ್‌ಸಾನಿಕ್‌ ವಿಮಾನಗಳು ಪ್ರತಿ ಗಂಟೆಗೆ 38,800 ಮೈಲ್ಸ್‌ನಷ್ಟು ಅತೀ ವೇಗದಲ್ಲಿ ಹಾರಾಟ ನಡೆಸುತ್ತೆ. ಸೊಪರ್‌ಸಾನಿಕ್‌ವಿಮಾನದ ಸಾಬರ್‌ ಯಂತ್ರದ ಕೂಲಿಂಗ್‌ ಸಿಸ್ಟಂ ಪರೀಕ್ಷೆಗೊಳಪಡಿಸಲಾಗಿದ್ದು, ಅದೂ ಕೂಡ ಅದ್ಭುತವಾಗಿದೆ ಅಂತಾ ರಿಯಾಕ್ಷನ್ ಎಂಜಿನ್ಸ್‌ ಕಂಪನಿ ಹೇಳಿಕೊಂಡಿದೆ. ಈ ವಿಮಾನ ಅತೀ ವೇಗದಲ್ಲಿ ಹಾರಾಟ ನಡೆಸುವುದರಿಂದ ಎಂಜಿನ್‌ ಅತೀ ಹೆಚ್ಚು ಹೀಟಾಗುತ್ತೆ. ಅದೇ ಕಾರಣಕ್ಕೂ ಈವರೆಗೂ ಹೈಪರ್‌ಸಾನಿಕ್‌ವಿಮಾನ ಹಾರಾಟ ನಡೆಸುವುದು ಬರೀ ಕನಸಾಗಿತ್ತು. ಈ ವಿಮಾನದ ಸೌಂಡ್‌ ನಿಜಕ್ಕೂ ಅತ್ಯಾಕರ್ಷಕವಾಗಿದೆ. ಇದರಲ್ಲಿ ಪ್ರಯಾಣ ಮಾಡೋದು ವೆಚ್ಚದಾಯಕವೇನೋ ನಿಜ. ಆದರೆ, ಕ್ರಮೇಣ ಸಾಮಾನ್ಯ ಪ್ರಯಾಣಿಕರಿಗೆ ಕೈಗೆಟಕುವುದರದಲ್ಲಿ ಟಿಕೆಟ್ ಸಿಗುತ್ತೆ ಅಂತಾ ಹೇಳಲಾಗುತ್ತಿದೆ. ಇನ್ನು ಕೆಲವೇ ವರ್ಷಗಳಲ್ಲಿ ವಿಮಾನ ರೂಪರೇಷೆ ಸಿದ್ಧಗೊಳ್ಳುತ್ತೆ. ಆ ಬಳಿಕ ವಿಮಾನ ಹಾರಾಟವನ್ನ ನಡೆಸಲಿದೆ. ಇದೇನಾದರೂ ಹಾರಾಟ ನಡೆಸೋದಕ್ಕೆ ಶುರು ಮಾಡಿದ್ರೇ ಪ್ರಯಾಣಿಕರಿಗೆ ಎಷ್ಟೊಂದು ಸಮಯ ಉಳಿಯುತ್ತೆ ಅಲ್ವೇ..
