ಮೋದಿ ಅಸ್ತ್ರಕ್ಕೆ ಗೋಧ್ರಾ ಹತ್ಯಾಕಾಂಡದ ಪ್ರತ್ಯಸ್ತ್ರ ಹೂಡಿದ ಪಂಜಾಬ್ ಸಿಎಂ!

ಸಿಖ್​ ವಿರೋಧಿ ದಂಗೆಗೂ, ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರಿಗೂ ಸಂಬಂಧವಿದೆ ಎನ್ನುವುದು ತಪ್ಪು. ಇನ್ಮುಂದೆ ಮೋದಿಗೂ, ಗೋಧ್ರಾ ಹತ್ಯಾಕಾಂಡಕ್ಕೂ ಸಂಬಂಧ ಕಲ್ಪಿಸಿ ಜನ ಮಾತಾಡ್ತಾರೆ ಎಂದು ಪಂಜಾಬ್ ಸಿಎಂ ಕ್ಯಾ. ಅಮರೀಂದರ್ ಸಿಂಗ್ ಕುಟುಕಿದರು.

ಪಟಿಯಾಲ: ರಾಜೀವ್ ಗಾಂಧಿ ಅವರಿಗೂ 1984ರ ಸಿಖ್​ ವಿರೋಧಿ ದಂಗೆಗೂ ಸಂಬಂಧ ಕಲ್ಪಿಸಿದರೆ, ಪ್ರಧಾನಿ ಮೋದಿಗೂ 2002ರ ಗೋಧ್ರಾ ಹತ್ಯಾಕಾಂಡಕ್ಕೂ ಸಂಬಂಧ ಕಲ್ಪಿಸಬೇಕಾಗುತ್ತೆ ಎಂದು ಪಂಜಾಬ್ ಸಿಎಂ ಅಮರೀಂದರ್ ಸಿಂಗ್ ಕಿಡಿ ಕಾರಿದ್ದಾರೆ.

ಸಿಖ್​ ವಿರೋಧಿ ದಂಗೆಗೂ, ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರಿಗೂ ಸಂಬಂಧವಿದೆ ಎನ್ನುವುದು ತಪ್ಪು. ಇನ್ಮುಂದೆ ಮೋದಿಗೂ, ಗೋದ್ರಾ ಹತ್ಯಾಕಾಂಡಕ್ಕೂ ಸಂಬಂಧ ಕಲ್ಪಿಸಿ ಜನರು ಮಾತಾಡ್ತಾರೆ ಎಂದು ಕುಟುಕಿದರು.

ಯಾರೋ ಕೆಲವರು ದಂಗೆಯಲ್ಲಿ ಪಾಲ್ಗೊಂಡಿದ್ದರು ಎಂದಮಾತ್ರಕ್ಕೆ ರಾಜೀವ್​ ಅವರನ್ನಾಗಲಿ, ಕಾಂಗ್ರೆಸ್​ ಪಕ್ಷವನ್ನಾಗಲಿ ದೂಷಿಸುವುದು ಸರಿಯಲ್ಲ. ದಂಗೆ ನಡೆದಾಗ ಹಲವು ಬಿಜೆಪಿ ಹಾಗೂ ಆರ್​ಎಸ್​ಎಸ್​ ನಾಯಕರ ಮೇಲೂ ಎಫ್​ಐಆರ್​ ದಾಖಲಾಗಿದ್ದನ್ನು ಮೋದಿ ಮರೆಯಬಾರದು.

ತಮ್ಮ ಘಣತೆಯನ್ನು ಬದಿಗೊತ್ತಿ ಮೋದಿ ಇಂತಹ ಆಧಾರರಹಿತ ಹೇಳಿಕೆ ನೀಡುತ್ತಿದ್ದಾರೆ. ರಾಜೀವ್ ಹೆಸರು ಹೇಳಿ ಜನರ ಗಮನ ಬೇರೆಡೆಗೆ ತಿರುಗಿಸುತ್ತಿದ್ದಾರೆ. ಸತ್ಯದ ಹೊರತಾಗಿ ಬರೀ ಸುಳ್ಳು ಹೇಳುತ್ತಿದ್ದಾರೆ ಎಂದೂ ಹೀಗಳೆದರು.