ಶವ ಸಂಸ್ಕಾರಕ್ಕೆ ತೆರಳಲು ಆದಿತ್ಯನಾಥ್ ​ ಚಿಕ್ಕಮ್ಮಳಿಗೂ ಅವಕಾಶ ನಿರಾಕರಿಸಿದ ಪೊಲೀಸರು

ಸಿಎಂ ಯೋಗಿ ಆದಿತ್ಯನಾಥ್​ ಅವರ ತಂದೆಯ ಶವ ಸಂಸ್ಕಾರಕ್ಕೆ ಅವರ ಚಿಕ್ಕಮ್ಮ ಮತ್ತು ಅವರ ಮಗ ಆಗಮಿಸಿದ್ದ ವೇಳೆ ಉತ್ತರಖಂಡದ ಅಧಿಕಾರಿಗಳು ಗಡಿ ಬಳಿ ತಡೆದು ವಾಪಸ್​ ಕಳುಹಿಸಿದ್ದಾರೆ.

ಸಹರಾನ್ಪುರ್(ಉತ್ತರ ಪ್ರದೇಶ): ಉತ್ತರ ಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ್​ ಅವರ ತಂದೆ ಆನಂದ್​ ಸಿಂಗ್​ ಬಿಷ್ತ್​ ದೆಹಲಿಯ ಎಐಐಎಂಎಸ್​(AIIMS)ನಲ್ಲಿ ಸೋಮವಾರ ನಿಧನರಾಗಿದ್ದರು.

ಬಿಷ್ತ್​ ಅವರ ಸಾವಿನ ನಂತರ ಸಂಬಂಧಿಕರು ಯೋಗಿ ತವರೂರಾದ ಪೌರಿ ಗರ್ಹ್ವಾಲ್​ ಜಿಲ್ಲೆಯ ಹಳ್ಳಿಗೆ ಅಂತಿಮ ಸಂಸ್ಕಾರಕ್ಕಾಗಿ ಆಗಮಿಸಿದ್ದರು.

ಆದರೆ ಸಿಎಂ ಯೋಗಿ ಆದಿತ್ಯನಾಥ್​ ಅವರ ಚಿಕ್ಕಮ್ಮ ಮತ್ತು ಅವರ ಮಗ ಉತ್ತರಾಖಂಡ್​ ಗಡಿ ಬಳಿ ಆಗಮಿಸಿದ್ದ ವೇಳೆ ಪೊಲೀಸರು ನಿಲ್ಲಿಸಿ ವಾಪಸ್​ ಕಳುಹಿಸಿದ್ದಾರೆ.

ಯೋಗಿಯ ತಂದೆಯ ಮೃತದೇಹವನ್ನು ದೆಹಲಿಯಿಂದ ಅವರ ಪೂರ್ವಜರ ಸ್ಥಳವಾದ ಉತ್ತರಾಖಂಡ್​​ನ ಹಳ್ಳಿಗೆ ತರಲಾಗಿತ್ತು. ಅಂತಿಮ ಸಂಸ್ಕಾರಕ್ಕಾಗಿ ಭಾಗಿಯಾಗಲು ಆದಿತ್ಯನಾಥ್​ ಅವರ ಚಿಕ್ಕಮ್ಮ ಆಗಮಿಸಿದರಾದರೂ ಲಾಕ್​ಡೌನ್​ ಇರುವುದರಿಂದ ಅವರನ್ನು ಉತ್ತರಾಖಂಡ್​ ಗಡಿ ದಾಟಲು ಅವಕಾಶ ನೀಡಲಿಲ್ಲ ಎಂದು ತಿಳಿದುಬಂದಿದೆ.

ಆದಿತ್ಯನಾಥ್​ರ ಪೂರ್ವಜರ ಊರಿಗೆ ತೆರಳಲು ಉತ್ತರಪ್ರದೇಶದ ಸಹರಾನ್ಪುರ್​ ಜಿಲ್ಲಾಧಿಕಾರಿ ಅಖಿಲೇಶ್​ ಸಿಂಗ್ ಯೋಗಿ ಚಿಕ್ಕಮ್ಮರಿಗೆ ಪಾಸ್​ ನೀಡಿದ್ದರು.

ಜಿಲ್ಲಾಧಿಕಾರಿಗಳು ನೀಡಿದ್ದ ಪಾಸ್​ ಅನ್ನು ನಾವು ಅಧಿಕಾರಿಗಳಿ(ಉತ್ತರ ಖಂಡ)ತೋರಿಸಿದೆವು. ಆದರೆ ಅವರು ಅಂತ್ಯಸಂಸ್ಕಾರಕ್ಕೆ ಅವಕಾಶವಿಲ್ಲ ಎಂದು ನಮ್ಮ ಪ್ರವೇಶವನ್ನು ನಿರಾಕರಿಸಿ, ಹಿಂತಿರುಗಲು ಹೇಳಿದರೆಂದು ಯೋಗಿ ಆದಿತ್ಯನಾಥ್​ ಚಿಕ್ಕಮ್ಮ ತಿಳಿಸಿದ್ದಾರೆ.

ಇನ್ನು ರಾಜ್ಯದಲ್ಲಿ ಲಾಕ್​ಡೌನ್​ ಇರುವುದರಿಂದ ತಾವೂ ಕೂಡ ತಮ್ಮ ತಂದೆಯ ಶವ ಸಂಸ್ಕಾರದಲ್ಲಿ ಪಾಲ್ಗೊಳ್ಳುವುದಿಲ್ಲ ಎಂದು ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್​ ತಿಳಿಸಿದ್ದರು.