ತಿರುಪತಿ (ಆಂಧ್ರಪ್ರದೇಶ): ತಿರುಮಲ ತಿರುಪತಿ ದೇವಸ್ಥಾನ(ಟಿಟಿಡಿ) ಸರ್ಕಾರಿ ಭದ್ರತೆಗಳಲ್ಲಿ ಯಾವುದೇ ಹೂಡಿಕೆ ಮಾಡಿಲ್ಲ. ಆದರೆ, ಕೋವಿಡ್-19 ಸಾಂಕ್ರಾಮಿಕ ವೈರಾಣು ಹಿನ್ನೆಲೆಯಲ್ಲಿ ಬಡ್ಡಿದರ ಕುಸಿಯುತ್ತಿರುವ ಮಧ್ಯೆ ಇಂತಹ ಹೂಡಿಕೆ ಆಯ್ಕೆ ಪರಿಶೀಲನೆ ನಡೆಸಿದೆ ಎಂದಿದೆ.
ಸದ್ಯ ಅನ್ಲಾಕ್ 5.0 ಮಾರ್ಗಸೂಚಿ ಹಿನ್ನೆಲೆಯಲ್ಲಿ ಆರ್ಥಿಕತೆ ಕುಸಿತ, ಬಡ್ಡಿದರಗಳು ಹೆಚ್ಚಾಗುತ್ತಿರುವುದರಿಂದ ಟಿಟಿಡಿ ಬ್ಯಾಂಕ್ಗಳಲ್ಲಿ ಸ್ಥಿರ ಠೇವಣಿ ಹೂಡಿಕೆ ಮಾಡುವುದನ್ನ ಮುಂದುವರಿಸಬಹುದು ಎಂದು ಹೇಳಿದೆ.
1987ರ ಎಂಡೋಮೆಂಟ್ಸ್ ಆ್ಯಕ್ಟ್ 30ರ ಸೆಕ್ಷನ್(111)3 ಮತ್ತು ಸರ್ಕಾರಿ ಆದೇಶ 311ರಲ್ಲಿ ಹೊರಡಿಸಲಾದ ಟಿಟಿಡಿ ನಿಯಮ 80ನೇ ನಿಯಮದ ಪ್ರಕಾರ, ಏಪ್ರಿಲ್ 09/1990ರ ಸರ್ಕಾರಿ ಮಾರ್ಗಸೂಚಿ ಅಂಗೀಕರಿಸಿದ ನಂತರ ಸೆಕ್ಯುರಿಟಿ ಹೂಡಿಕೆ ಮಾಡಬಹುದು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಸರ್ಕಾರಿ ಭದ್ರತೆಗಳಲ್ಲಿ ಹೂಡಿಕೆ ಮಾಡಲು ಯಾವುದೇ ಗುಪ್ತ ಕಾರ್ಯಸೂಚಿ ಇಲ್ಲ. ಟ್ರಸ್ಟ್ ಬೋರ್ಡ್ ಸಭೆಗಳಲ್ಲಿ ಪಾರದರ್ಶಕ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಮಂಡಳಿ ನಿರ್ಣಯದೊಂದಿಗೆ ಎಲ್ಲ ಮಾಹಿತಿ ಟಿಟಿಡಿ ವೆಬ್ಸೈಟ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ ಎಂದರು.
