ಹೈದರಾಬಾದ್: ಹೆಚ್ಚುತ್ತಿರುವ ಕೋವಿಡ್ ಪ್ರಕರಣಗಳ ಬಗ್ಗೆ ಚೀನಾ-ಅಮೆರಿಕನ್ ವರದಿಗಾರ್ತಿಯ ಪ್ರಶ್ನೆಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗರಂ ಆಗಿದ್ದು, ಈ ಪ್ರಶ್ನೆಯನ್ನು ಚೀನಾಗೆ ಕೇಳಬೇಕು ಎಂದಿದ್ದಾರೆ.
ಕೊರೊನಾ ಪ್ರಕರಣ ಅಮೆರಿಕದಲ್ಲಿ ಏಕೆ ಹೆಚ್ಚಳವಾಗುತ್ತಿದೆ?. ಅಮೆರಿಕನ್ನರು ಇಂದಿಗೂ ಕೂಡ ತಮ್ಮ ಪ್ರಾಣವನ್ನು ಕಳೆದುಕೊಳ್ಳುತ್ತಿದ್ದಾರೆ. ಪ್ರತಿದಿನ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಇದು ಯಾಕೆ ಜಾಗತಿಕ ಸ್ಫರ್ಧೆಯಾಗಿ ಗೋಚರಿಸುತ್ತಿದೆ? ಎಂದು ಸಿಬಿಎಸ್ ನ್ಯೂಸ್ ವರದಿಗಾರ್ತಿ ವೀಜಿಯಾ ಜಿಯಾಂಗ್ ಅಮೆರಿಕಾಧ್ಯಕ್ಷರನ್ನು ಕೇಳಿದ್ದಾರೆ.
ಇದಕ್ಕೆ ಉತ್ತರಿಸಿದ ಟ್ರಂಪ್, ಜಗತ್ತಿನೆಲ್ಲೆಡೆ ಜನರು ಕೊರೊನಾಗೆ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ನೀವು ಈ ಪ್ರಶ್ನೆಯನ್ನು ಚೀನಾದವರ ಬಳಿ ಕೇಳಬೇಕು, ನನ್ನನ್ನು ಕೇಳಬೇಡಿ ಎಂದು ಚೀನಾ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.
