ಪಿಲಿಬಿಟ್ (ಉತ್ತರಪ್ರದೇಶ): ವರುಣ್ ಗಾಂಧಿ ಪ್ರತಿನಿಧಿಸುವ ಪಿಲಿಬಿಟ್ ಕ್ಷೇತ್ರದ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶದಲ್ಲಿ ಹುಲಿ ದಾಳಿಯಿಂದ ಮತ್ತೊಬ್ಬ ಯುವಕ ಸಾವನಪ್ಪಿದ್ದಾನೆ. 28 ವರ್ಷದ ಮಾಲಾ ಕಾಲೋನಿಯ ನಿವಾಸಿ ಕೃಷ್ಣಾ ರೈ ಅರಣ್ಯ ಪ್ರದೇಶದಲ್ಲಿ ಹುಲಿ ದಾಳಿಗೆ ತುತ್ತಾಗಿದ್ದಾನೆ. ಇದು ಈ ವರ್ಷ ದಾಖಲಾದ 4ನೇ ಪ್ರಕರಣವಾಗಿದೆ. ಕಳೆದ ತಿಂಗಳು ಇದೇ ಗ್ರಾಮದ 50 ವರ್ಷದ ಮಹಿಳೆ ಸಹ ಹುಲಿ ದಾಳಿಯಿಂದ ಸಾವನಪ್ಪಿದ್ದರು.
ಘಟನೆ ಬಳಿಕ ಜನ ಲಾಕ್ಡೌನ್ ಆದೇಶವನ್ನೂ ದಿಕ್ಕರಿಸಿ ಘಟನಾ ಸ್ಥಳಕ್ಕೆ ಬಂದು ಅರಣ್ಯ ಇಲಾಖೆಯ ಅಧಿಕಾರಿಗಳು ವಿರುದ್ಧ ಪ್ರತಿಭಟನೆ ನಡೆಸಿದರು. ಈ ವೇಳೆ ಸ್ಥಳಕ್ಕಾಗಮಿಸಿದ ಪಿಲಿಬಿಟ್ ಸದರ್ ತಹಶೀಲ್ದಾರ್ ವಿವೇಕ್ ಕುಮಾರ್ ಮಿಶ್ರಾ ಮೃತಪಟ್ಟ ವ್ಯಕ್ತಿಯ ಕುಟುಂಬಸ್ಥರಿಗೆ 4 ಲಕ್ಷ ರೂಪಾಯಿ ಪರಿಹಾರ ಘೋಷಿಸಿದರು.
