ಚುನಾವಣೆಯಿಂದ ಹಿಂದಕ್ಕೆ ಸರಿದ ಸುಷ್ಮಾ... ಮತ್ತೆ ಮೋದಿ ಸರ್ಕಾರ್​ ಎಂದ ಸಚಿವೆ

ಲೋಕಸಭೆ ಕಣದಿಂದ ಹಿಂದೆ ಸರಿದಿರುವ ಸುಷ್ಮಾ ಸ್ವರಾಜ್, ಮೋದಿ ಮತ್ತೆ  ಪ್ರಧಾನಿಯಾಗಬೇಕೆಂಬ ಆಶಯ ವ್ಯಕ್ತಪಡಿಸಿದ್ದಾರೆ

ನವದೆಹಲಿ: ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್​ ಅವರು ಈ ಬಾರಿ ಲೋಕಸಭೆ ಕಣದಿಂದ ಹಿಂದೆ ಸರಿದಿದ್ದಾರೆ. ಜತೆಗೆ, ಮೋದಿ ಮತ್ತೆ ಪ್ರಧಾನಿಯಾಗಬೇಕೆಂಬ ಆಶಯವನ್ನೂ ವ್ಯಕ್ತಪಡಿಸಿದ್ದಾರೆ.

ಈ ಟ್ವೀಟ್​ ಮಾಡಿರುವ ಸುಷ್ಮಾ, ನಾನು ಸ್ಪರ್ಧೆ ಮಾಡದೇ ಇರುವುದರಿಂದ ಯಾವುದೇ ಬದಲಾವಣೆ ಆಗುವುದಿಲ್ಲ. ಅಂತೆಯೇ ನರೇಂದ್ರ ಮೋದಿ ಅವರು ಮತ್ತೆ ಪ್ರಧಾನಿಯಾಗಬೇಕು. ಭಾರತೀಯ ಜನತಾ ಪಕ್ಷ ಎಲ್ಲ ಅಭ್ಯರ್ಥಿಗಳು ಜಯಶೀಲರಾಗಬೇಕು ಎಂದು ಹೇಳಿದ್ದಾರೆ.

ಈ ಮೂಲಕ ಬಿಜೆಪಿ ಪ್ರಚಾರದಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವೆ ಎಂದೂ ಹೇಳಿದ್ದಾರೆ.

ಇದಕ್ಕೆ ಟ್ವಿಟ್ಟಿಗನೊಬ್ಬ, ತಾವು ಚುನಾವಣೆಯಲ್ಲಿ ಸ್ಪರ್ಧಿಸಬೇಕು ಎಂದು ರೀಟ್ವೀಟ್​ ಮಾಡಿದ್ದಾನೆ. ಇದಕ್ಕೆ, ಮತ್ತೆ ಟ್ವೀಟ್​ ಮಾಡಿರುವ ಸುಷ್ಮಾ, ಮೋದಿ ಮತ್ತೆ ಪ್ರಧಾನಿಯಾಗುವುದರಲ್ಲಿ ನನ್ನ ಗೆಲುವೂ ಇದೆ ಎಂದು ಹೇಳಿದ್ದಾರೆ.