ಅಸ್ಸೋಂ ನಂತರ ಈಗ ಈ ರಾಜ್ಯದಲ್ಲೂ ಭಾರಿ ಪ್ರವಾಹ: ಕೊಚ್ಚಿಹೋದ ಸೇತುವೆ

ಭಾರಿ ಮಳೆಯಿಂದಾಗಿ ಇಲ್ಲಿನ ನದಿ ತುಂಬಿ ಹರಿಯುತ್ತಿದ್ದು, ಅಪಾಯದ ಮಟ್ಟವನ್ನೂ ಮೀರಿದೆ. ಪರಿಣಾಮ ತಾತ್ಕಾಲಿಕ ಅಣೆಕಟ್ಟು ಒಡೆದು, ಅಪಾರ ನಷ್ಟಕ್ಕೆ ಕಾರಣವಾಗಿದೆ.

ಪಾಟ್ನಾ: ಅಸ್ಸೋಂ ರಾಜ್ಯ ಪ್ರವಾಹಕ್ಕೆ ನಲುಗಿ ಹೋಗಿದೆ. ಈಗ ಬಿಹಾರದ ಸರದಿ. ಇಲ್ಲಿನ ಮುಜಾಫರ್​​ಪುರ ಕತ್ರಾ ವಿಭಾಗ ಭಾರಿ ಪ್ರವಾಹ ಪರಿಸ್ಥಿತಿಯನ್ನ ಎದುರಿಸುತ್ತಿದೆ.

ಭಾರಿ ಮಳೆಯಿಂದಾಗಿ ಇಲ್ಲಿನ ನದಿ ತುಂಬಿ ಹರಿಯುತ್ತಿದ್ದು ಅಪಾಯದ ಮಟ್ಟವನ್ನೂ ಮೀರಿದೆ. ಪರಿಣಾಮ ಇಲ್ಲಿನ ಮೇಕ್​ಶಿಫ್ಟ್​ ತಾತ್ಕಾಲಿಕ ಅಣೆಕಟ್ಟು ಒಡೆದು ಹೋಗಿದೆ. ಹೀಗಾಗಿ ಈ ಭಾಗದ ಗ್ರಾಮಗಳ ಜನರನ್ನ ಸುರಕ್ಷಿತ ಸ್ಥಳಗಳಿಗೆ ರವಾನೆ ಮಾಡಲಾಗಿದೆ. ತಕ್ಷಣವೇ ಒಡೆದ ತಾತ್ಕಾಲಿಕ ಅಣೆಕಟ್ಟೆಯನ್ನ ಸ್ಥಳೀಯ ಆಡಳಿತ ದುರಸ್ಥಿ ಮಾಡಿದೆ.