ಕಾರ್ಗಿಲ್​ ಕದನಕ್ಕೆ 20 ವರ್ಷ..! ತಾಯ್ನಾಡಿಗಾಗಿ ಪ್ರಾಣತ್ಯಾಗ ಮಾಡಿದ ವೀರಕಲಿಗಳಿವರು

ಕಾರ್ಗಿಲ್ ಕದನದಲ್ಲಿ ಭಾರತೀಯ ಹೆಮ್ಮೆಯ ಸೇನಾನಿಗಳು ಭಾರತಾಂಬೆಯ ರಕ್ಷಣೆಗಾಗಿ ತಮ್ಮ ಪ್ರಾಣವನ್ನೇ ಅರ್ಪಿಸಿದ್ದಾರೆ. ಕಾರ್ಗಿಲ್ ನೆಲದಲ್ಲಿ ಪ್ರಾಣತ್ಯಾಗ ಮಾಡಿದ ಹೆಮ್ಮೆಯ ಭಾರತೀಯ ಯೋಧರ ಬಗೆಗಿನ ಕಿರುಚಿತ್ರಣ ಇಲ್ಲಿದೆ...

ನವದೆಹಲಿ: ನರಿ ಬುದ್ಧಿಯ ಪಾಕಿಸ್ತಾನಕ್ಕೆ ದಿಟ್ಟ ಪ್ರತ್ಯುತ್ತರ ನೀಡಿ ಕಾರ್ಗಿಲ್​ ಭೂಮಿಯಲ್ಲಿ ತಿರಂಗಾ ನೆಟ್ಟ ವಿಶೇಷ ಸಂದರ್ಭಕ್ಕೆ ಇಂದಿಗೆ 20 ವರ್ಷ.

ಕಾರ್ಗಿಲ್ ಕದನದಲ್ಲಿ ಭಾರತೀಯ ಹೆಮ್ಮೆಯ ಸೇನಾನಿಗಳು ಭಾರತಾಂಬೆಯ ರಕ್ಷಣೆಗಾಗಿ ತಮ್ಮ ಪ್ರಾಣವನ್ನೇ ಅರ್ಪಿಸಿದ್ದಾರೆ. ಕಾರ್ಗಿಲ್ ನೆಲದಲ್ಲಿ ಪ್ರಾಣತ್ಯಾಗ ಮಾಡಿದ ಹೆಮ್ಮೆಯ ಭಾರತೀಯ ಯೋಧರ ಬಗೆಗಿನ ಕಿರುಚಿತ್ರಣ ಇಲ್ಲಿದೆ...

ರೈಫಲ್​ಮ್ಯಾನ್ ಸಂಜಯ್ ಕುಮಾರ್:
ಶತ್ರು ರಾಷ್ಟ್ರದ ಸುಪರ್ದಿಯಲ್ಲಿದ್ದ ಏರಿಯಾ ಫ್ಲಾಟ್ ಟಾಪ್​ ಅನ್ನು ಮತ್ತೆ ನಮ್ಮ ತೆಕ್ಕೆಗೆ ತರುವ ನಿಟ್ಟಿನಲ್ಲಿ ಕಾರ್ಯಾಚರಣೆಗಿಳಿದ 13 ಯೋಧರಿದ್ದ ಜಮ್ಮು ಮತ್ತು ಕಾಶ್ಮೀರದ ರೈಫಲ್​ ಪಡೆಯನ್ನು ಮುನ್ನಡೆಸಿದ ಕೀರ್ತಿ ರೈಫಲ್​ಮ್ಯಾನ್ ಸಂಜಯ್ ಕುಮಾರ್​ಗೆ ಸಲ್ಲುತ್ತದೆ.

ಗ್ರೆನೇಡಿಯರ್ ಯೋಗೇಂದ್ರ ಸಿಂಗ್ ಯಾದವ್:
ಟೈಗರ್​ ಹಿಲ್​ ಪ್ರದೇಶದಲ್ಲಿದ್ದ ಮೂರು ಬಂಕರ್​ಗಳನ್ನು ವಶಪಡಿಸಿಕೊಳ್ಳಲು 'ಘಾತಕ್​' ಹೆಸರಿನ ಕಮಾಂಡೋ ಪಡೆಗೆ ವಿಶೇಷ ಟಾಸ್ಕ್ ನೀಡಲಾಗಿತ್ತು. ಈ 'ಘಾತಕ್​' ಕಮಾಂಡೋವನ್ನು ನಾಯಕತ್ವ ವಹಿಸಿದ ಗ್ರೆನೇಡಿಯರ್ ಯೋಗೇಂದ್ರ ಸಿಂಗ್ ಯಾದವ್ ತನ್ನ ಕಾರ್ಯದಲ್ಲಿ ಯಶಸ್ಸು ಸಾಧಿಸಿದ್ದರು. ಯೋಗೇಂದ್ರ ಸಿಂಗ್ ಯಾದವ್ ವೀರ ಸಾಹಸಕ್ಕೆ ಅತ್ಯುನ್ನತ ಸೇನಾ ಪ್ರಶಸ್ತಿಯಾದ ಪರಮವೀರ ಚಕ್ರವನ್ನು ನೀಡಿ ಗೌರವಿಸಲಾಗಿದೆ.

ಕ್ಯಾಪ್ಟನ್​​ ವಿಕ್ರಮ್ ಬಾತ್ರಾ:
ಟೋಲೊಲಿಂಗ್ ರಿಡ್ಜ್​​​ ಎನ್ನುವ ಎತ್ತರದ ಪ್ರದೇಶದಲ್ಲಿ ಪಾಕ್​ ಸೈನಿಕರು ತಮ್ಮ ಬಂಕರ್​ಗಳ ನಿಯೋಜನೆ ಮಾಡಿದ್ದರು. ಈ ಪ್ರದೇಶವನ್ನು ಮರಳಿ ಪಡೆಯುವಲ್ಲಿ ಕ್ಯಾಪ್ಟನ್​​ ವಿಕ್ರಮ್​ ಬಾತ್ರಾ ಸಫಲರಾಗಿದ್ದರು. ಆದರೆ ಗಾಯಗೊಂಡಿದ್ದ ಯೋಧನನ್ನು ರಕ್ಷಿಸುವ ವೇಳೆ ಜುಲೈ 26ರಂದು ಕ್ಯಾಪ್ಟನ್​ ವಿಕ್ರಮ್ ಬಾತ್ರಾ ಹುತಾತ್ಮರಾದರು. ವಿಕ್ರಮ್ ಬಾತ್ರಾ ಹುತಾತ್ಮರಾದ ಸ್ಥಳಕ್ಕೆ 'ಬಾತ್ರಾ ಟಾಪ್' ಎಂದು ಹೆಸರಿಡಲಾಗಿದೆ.

ಕ್ಯಾಪ್ಟನ್​​​ ಮನೋಜ್​ ಕುಮಾರ್ ಪಾಂಡೆ:
ಗೋರ್ಖಾ ರೈಫಲ್​ನ ಒಂದನೇ ಬೆಟಾಲಿಯನ್​ನ ಕ್ಯಾಪ್ಟನ್​ ಮನೋಜ್ ಕುಮಾರ ಪಾಂಡೆ ಕಾರ್ಗಿಲ್ ಯುದ್ಧದಲ್ಲಿ ಅತ್ಯಂತ ಕೆಚ್ಚೆದೆಯ ಹೋರಾಟ ನಡೆಸಿದ್ದರು.ಮನೋಜ್ ಕುಮಾರ್ ಪಾಂಡೆ ನೇತೃತ್ವದಲ್ಲಿ ಜೌಬಾರ್ ಟಾಪ್​​ ಹಾಗೂ ಖಲುಬರ್​ ಟಾಪ್​ ಪ್ರದೇಶವನ್ನು ವಶಪಡಿಸಿಕೊಳ್ಳಲಾಯಿತು. ಇದೇ ಕಾರ್ಯಾಚರಣೆಯಲ್ಲಿ ಮನೋಜ್​ ಕುಮಾರ್ ಪಾಂಡೆ ಹುತಾತ್ಮರಾದರು. ಪಾಂಡೆ ಶೌರ್ಯಕ್ಕೆ ಪರಮವೀರ ಚಕ್ರ ನೀಡಿ ಗೌರವಿಸಲಾಯಿತು.

ಕ್ಯಾಪ್ಟನ್​ ಅನುಜ್​ ಅಯ್ಯರ್:
ಕೇವಲ 24 ವರ್ಷದ ಕೆಚ್ಚೆದೆಯ ಸೇನಾನಿ ಜಾಟ್​ ರೆಜಿಮೆಂಟ್​ನಲ್ಲಿ ಸೇವೆ ಸಲ್ಲಿಸುತ್ತಿದ್ದ ಕ್ಯಾಪ್ಟನ್ ಅನುಜ್ ಅಯ್ಯರ್​​ಗೆ ಪಿಂಪಲ್ ​​ -2 ಪ್ರದೇಶವನ್ನು ವಶಪಡಿಸಿಕೊಳ್ಳುವ ತಂಡದ ಜವಾಬ್ದಾರಿ ನೀಡಲಾಗಿತ್ತು. ವಾಯುಸೇನೆ ಸಹಾಯವಿಲ್ಲದೇ ಆ ಪ್ರದೇಶದಲ್ಲಿ ಭಾರತದ ಧ್ವಜ ಹಾರಾಡಿಸುವುದು ಅಸಾಧ್ಯದ ಮಾತಾಗಿತ್ತು. ಇವೆಲ್ಲದರ ಹೊರತಾಗಿಯೂ ಅನುಜ್ ಅಯ್ಯರ್ ಪಾಕಿಸ್ತಾನ ನಾಲ್ಕರಲ್ಲಿ ಮೂರನ್ನು ನಾಶಪಡಿಸುವಲ್ಲಿ ಯಶಸ್ವಿಯಾಗುತ್ತಾರೆ. ನಾಲ್ಕನೇ ಬಂಕರ್​ ನಾಶಗೊಳಿಸುವ ವೇಳೆ ಅನುಜ್ ಅಯ್ಯರ್ ವೀರ ಮರಣವನ್ನಪ್ಪುತ್ತಾರೆ.