ಬಸ್ತರ್(ಛತ್ತೀಸ್‌ಗಢ): ನಕ್ಸಲಿಸಂ, ಬುಡಕಟ್ಟು ಹಾಗೂ ನೈಸರ್ಗಿಕ ಸೌಂದರ್ಯ ಈ ಮೂರು ಒಂದೆಡೆ ಕಂಡು ಬರುವುದು ಛತ್ತೀಸ್‌ಗಢದ ಬಸ್ತರ್ನಲ್ಲಿ. ಬಸ್ತರ್ ಈ ರಾಜ್ಯದ ದಕ್ಷಿಣ ಭಾಗದಲ್ಲಿದ್ದು, ಜನಸಂಖ್ಯೆಯ ಶೇ.70 ರಷ್ಟು ಜನರು ಬುಡಕಟ್ಟು ಸಮುದಾಯದವರಾಗಿದ್ದಾರೆ.
ಈ ಬುಡಕಟ್ಟು ಸಮುದಾಯದ ಜನರು ಹೆಚ್ಚಾಗಿ ಕಾಡುಗಳಲ್ಲಿ ವಾಸಿಸುತ್ತಾರೆ. ಅನನ್ಯ ಗುರುತು, ವಿಭಿನ್ನ ಸಂಸ್ಕೃತಿ, ಕಲೆ ಮತ್ತು ವಿಶೇಷ ಉತ್ಸವಗಳಿಗೆ ಇವರು ಹೆಸರುವಾಸಿ. ಆದರೆ ಇಲ್ಲಿ ಯಾವುದೇ ಮೂಲ ಸೌಕರ್ಯಗಳಿಲ್ಲ. ಹೀಗಿರುವಾಗ ಆನ್‌ಲೈನ್ ಶಿಕ್ಷಣದ ಯಶಸ್ಸು ಅಲ್ಲಿನ ಮಕ್ಕಳಿಗೆ ಕನಸಾಗಿಯೇ ಉಳಿಯುತ್ತಿದೆ.
ಇಲ್ಲಿ ಯಾವುದೇ ಮೊಬೈಲ್ ನೆಟ್ವರ್ಕ್ ಸಹ ಇಲ್ಲ. ಜನರ ಹತ್ತಿರ ಸ್ಮಾರ್ಟ್‌ಫೋನ್ ಹಾಗೂ ಮೊಬೈಲ್ ಫೋನ್ಗೆ ರೀಚಾರ್ಜ್ ಮಾಡಲೂ ಸಹ ಈ ಜನರಲ್ಲಿ ಹಣವಿಲ್ಲ. ಇಲ್ಲಿಯ ಪರಿಸ್ಥಿತಿ ಹೇಗಿದೆಯೆಂದರೆ, ಜುಲೈ 3 ರಂದು ಇಡೀ ವಿಭಾಗದಿಂದ ಕೇವಲ 17 ವಿದ್ಯಾರ್ಥಿಗಳು ಮಾತ್ರ ಆನ್‌ಲೈನ್ ಶಿಕ್ಷಣದ ತರಗತಿಗೆ ಹಾಜರಾಗಿದ್ದರು. ಉಳಿದ ದಿನಗಳ ಅಂಕಿ- ಅಂಶಗಳ ಪ್ರಕಾರ, 30 ವಿದ್ಯಾರ್ಥಿಗಳನ್ನೂ ದಾಟಿಲ್ಲ. ಅಷ್ಟು ಮಾತ್ರವಲ್ಲ, ಆನ್‌ಲೈನ್ ಶಿಕ್ಷಣಕ್ಕಾಗಿ ನೋಂದಣಿಯ ಶೇಕಡಾವಾರು ಪ್ರಮಾಣವನ್ನು ಸಾಧಿಸಲಾಗಿಲ್ಲ.
ಶಿಕ್ಷಕರು ಸ್ವತಃ ಸರಿಯಾದ ತರಬೇತಿ ಪಡೆದಿಲ್ಲ. ಆದ್ದರಿಂದ ಮಕ್ಕಳಿಗೆ ಸರಿಯಾಗಿ ಕಲಿಸಲು ಸಾಧ್ಯವಾಗುತ್ತಿಲ್ಲ ಎಂದು ಪೋಷಕರು ಹೇಳುತ್ತಾರೆ. ಈ ಪರಿಸ್ಥಿತಿಯಲ್ಲಿ, ಆನ್‌ಲೈನ್ ಶಿಕ್ಷಣವು ಕೇವಲ ಸಾಂಕೇತಿಕ ಕ್ರಿಯೆಯಾಗಿದೆ. ಅವರು ಈಗ ಪರ್ಯಾಯ ಮಾರ್ಗಗಳನ್ನು ಹುಡುಕುತ್ತಿದ್ದಾರೆ. ಅಧಿಕಾರಿಗಳ ಪ್ರಕಾರ, ಬಸ್ತರ್ ಪ್ರದೇಶ ಸಾಕಷ್ಟು ಹಿಂದುಳಿದಿದೆ. ಇಲ್ಲಿರುವ ಬಡ ಕುಟುಂಬಗಳಿಗೆ ಮೊಬೈಲ್ ಫೋನ್ ಕೂಡ ಇಲ್ಲ.
ಏಪ್ರಿಲ್ 8 ರಂದು, ಆನ್‌ಲೈನ್ ಶಿಕ್ಷಣ ಪೋರ್ಟಲ್ 'ಪಧೈ ತುನ್ಹಾರ್ ದುವಾರ್' ಅಂದರೆ ನಿಮ್ಮ ಮನೆ-ಹಂತದ ಶಿಕ್ಷಣ ಎಂಬ ಯೋಜನೆಯನ್ನು ಪ್ರಾರಂಭಿಸಲಾಯಿತು. ಇದರಿಂದ ಅಧ್ಯಯನಗಳು ಪರಿಣಾಮ ಬೀರುವುದಿಲ್ಲ. ಬಸ್ತರ್ ವಿಭಾಗದಲ್ಲಿ ಆನ್‌ಲೈನ್ ಶಿಕ್ಷಣ ಪರಿಣಾಮಕಾರಿಯಲ್ಲ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಅಷ್ಟೇ ಅಲ್ಲ, ಈ ವಿಭಾಗದಲ್ಲಿ ಸುಮಾರು 7 ಸಾವಿರ ಶಿಕ್ಷಕರ ಹುದ್ದೆಗಳು ಖಾಲಿ ಇವೆ. ವಿದ್ಯಾರ್ಥಿಗಳು ಸ್ವತಃ ಆನ್‌ಲೈನ್ ಶಿಕ್ಷಣದಿಂದ ಪ್ರಯೋಜನ ಪಡೆಯುತ್ತಿಲ್ಲ. ಯಾಕೆಂದರೆ, ಫೋನ್ ಹೊಂದಿರುವವರೂ ಸಹ, ಇಂಟರ್ನೆಟ್ ಸೇವಾ ಯೋಜನೆಯನ್ನು ರೀಚಾರ್ಜ್ ಮಾಡಲು ಹಣ ಹೊಂದಿಲ್ಲ. ಕೆಲವು ಸ್ಥಳಗಳಲ್ಲಿ, ಬಡವರು ಇತರರಿಂದ ಫೋನ್ ಎರವಲು ಪಡೆಯುತ್ತಾರೆ.
ಸಮಾಧಾನಕರ ವಿಚಾರ ಅಂದ್ರೆ ನಾರಾಯಣಪುರದ ಬೇಸಿಂಗ್ ಪ್ರದೇಶದಲ್ಲಿ 10 ಶಿಕ್ಷಕರ ಗುಂಪು ಇದ್ದು, ಶಿಕ್ಷಕ ದೇವಶಿಶ್ ನಾಥ್ ಸೇರಿದಂತೆ, ಬುದ್ಧಿವಂತ ವಿದ್ಯಾರ್ಥಿಗಳಿಗೆ ಮೊದಲಿನಿಂದ ಎಂಟನೇ ತರಗತಿಯವರೆಗೆ ವಿವಿಧ ಸ್ಥಳಗಳಲ್ಲಿ ಕಲಿಸುತ್ತಾರೆ. ಅವರು ವಿದ್ಯಾರ್ಥಿಗಳಿಗೆ ಉಪಹಾರ ಮತ್ತು ಆಹಾರವನ್ನು ಸಹ ವ್ಯವಸ್ಥೆ ಮಾಡುತ್ತಾರೆ.
ಬಸ್ತರ್ ಜಿಲ್ಲೆಯ ಭಟ್ಪಾಲ್ ಪಂಚಾಯತ್ ಇಂಟರ್ನೆಟ್ ಮತ್ತು ನೆಟ್ವರ್ಕ್ ಸಂಬಂಧಿತ ಸಮಸ್ಯೆಗಳನ್ನು ಎದುರಿಸುತ್ತಿದೆ. ಇದರ ಪರಿಣಾಮವಾಗಿ ಧ್ವನಿವರ್ಧಕಗಳ ಮೂಲಕ ತರಗತಿಗಳನ್ನು ನಡೆಸಲಾಗುತ್ತಿದೆ.
