ಗ್ರಾಹಕರ ಗಮನಕ್ಕೆ! ಸಾಲದ ಮೇಲಿನ ಬಡ್ಡಿ ದರ ಇಳಿಕೆ ಮಾಡಿದ ಎಸ್​​ಬಿಐ

ದೇಶದ ಮುಂಚೂಣಿ ಸಾರ್ವಜನಿಕ ವಲಯದ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ(ಎಸ್​ಬಿಐ) ಸಾಲದ ಮೇಲಿನ ಬಡ್ಡಿದರ ಇಳಿಕೆ ಮಾಡುವುದಾಗಿ ಘೋಷಣೆ ಮಾಡಿದೆ.

ಮುಂಬೈ: ದೇಶದ ಅತಿದೊಡ್ಡ ಬ್ಯಾಂಕ್​ ಆಗಿರುವ ಎಸ್​ಬಿಐ ಕನಿಷ್ಠ ನಿಧಿ ಮೇಲಿನ ಸಾಲದ ಬಡ್ಡಿ ದರ (ಎಂಸಿಎಲ್​ಆರ್​​)ವನ್ನ ಕಡಿತ ಮಾಡಿವುದಾಗಿ ಘೋಷಿಸಿದೆ.

15 ಬೇಸಿಸ್​ ಪಾಯಿಂಟ್​ನಷ್ಟು ಕಡಿತವಾಗಲಿದ್ದು, ಇದೇ ಮಾರ್ಚ್​ 10ರಿಂದ ಇದು ಅನ್ವಯವಾಗಲಿದೆ. ಇದಕ್ಕೂ ಮೊದಲು ಎಸ್​ಬಿಐ 7.85 ರಷ್ಟಿದ್ದ ಎಂಸಿಎಲ್​ಆರ್​ ಅನ್ನು 7.75ಕ್ಕೆ ಅಂದರೆ 10 ಮೂಲ ಅಂಶಗಳಷ್ಟು ಇಳಿಕೆ ಮಾಡಿತ್ತು. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಸುಮಾರು 10 ಬಾರಿ ಎಂಸಿಎಲ್​ಆರ್​ ಕಡಿತ ಮಾಡಲಾಗಿದೆ.

ಸೋಮವಾರ ಯೂನಿಯನ್​ ಬ್ಯಾಂಕ್​ ಎಂಸಿಎಲ್​ಆರ್ ನಲ್ಲಿ 10ರಷ್ಟು ಮೂಲದರ ಕಡಿತ ಮಾಡಿ ಆದೇಶ ಹೊರಡಿಸಿತ್ತು. ಇದರ ಬೆನ್ನಲ್ಲೆ ಎಸ್​ಬಿಐ ಈ ನಿರ್ಧಾರ ಪ್ರಕಟಿಸಿದೆ.

ಎಂಸಿಎಲ್ಆರ್ ಎಂದರೇನು? ಬ್ಯಾಂಕ್ ಗ್ರಾಹಕರ ಮೇಲೆ ಸಾಲದ ಮೇರೆ ವಿಧಿಸಬಹುದಾದ ಅತ್ಯಂತ ಕಡಿಮೆ ಬಡ್ಡಿ ದರವಾಗಿದ್ದು, ಆರ್​ಬಿಐಯ ಅವಕಾಶವಿಲ್ಲದೆ ಇದಕ್ಕಿಂತ ಕಡಿಮೆ ಬಡ್ಡಿದರವನ್ನು ಬ್ಯಾಂಕ್ ವಿಧಿಸುವಂತಿಲ್ಲ. ಬ್ಯಾಂಕ್​ ಸ್ವಂತ ವೆಚ್ಚದ ನಿಧಿಯನ್ನು ಆಧರಿಸಿ ಎಂಸಿಎಲ್ಆರ್ ನಿಗದಿಪಡಿಸಲಾಗುತ್ತದೆ. ಗ್ರಾಹಕರ ಈಗಿನ ಗೃಹಸಾಲ ಎಸ್​ಬಿಐಯ ಎಂಸಿಎಲ್ಆರ್ ದರದ ಜೊತೆ ಜೋಡಣೆಯಾಗಿದ್ದರೆ ಇಂದಿನ ಇಳಿಕೆಯಿಂದಾಗಿ ಗ್ರಾಹಕರ ಇಎಂಐ ದರ ತಕ್ಷಣವೇ ಇಳಿಕೆ ಆಗುವುದಿಲ್ಲ.