ಶಿಮ್ಲಾದ ಶತಮಾನಷ್ಟು ಹಳೆಯ ಕಟ್ಟಡ ನವೀಕರಣ: ವಲಸೆ ಕಾರ್ಮಿಕರಿಗೆ ಕೆಲಸ

ಲಾಕ್ ಡೌನ್​ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿರುವ ವಲಸೆ ಕಾರ್ಮಿಕರಿಗೆ ಕೆಲಸ ನೀಡುವ ಸಲುವಾಗಿ ಹಿಮಾಚಲ ಪ್ರದೇಶದ ಪ್ರವಾಸೋದ್ಯಮ ಇಲಾಖೆ ಶತಮಾನದಷ್ಟು ಹಳೆಯ ಕಟ್ಟಡವೊಂದರ ನವೀಕರಣ ಕಾರ್ಯ ಕೈಗೆತ್ತಿಕೊಂಡಿದೆ.

ಶಿಮ್ಲಾ ( ಹಿಮಾಚಲ ಪ್ರದೇಶ ) : ಕಳೆದೆರಡು ತಿಂಗಳಿನಿಂದ ಕೆಲಸವಿಲ್ಲದೆ ಕೂತಿದ್ದ ದೇಶದ ವಿವಿಧ ಭಾಗಗಳ ವಲಸೆ ಕಾರ್ಮಿಕರು ಇದೀಗ ಬ್ರಿಟಿಷ್ ಕಾಲದ ಕಟ್ಟಡವಾದ 'ಬ್ಯಾಂಟೋನಿ ಕ್ಯಾಸಲ್' ನವೀಕರಣ ಕಾರ್ಯದಲ್ಲಿ ತೊಡಗಿದ್ದಾರೆ.

ಈ ಬಗ್ಗೆ ಮಾತನಾಡಿದ ಜಾರ್ಖಂಡ್​ ಮೂಲದ ವಲಸೆ ಕಾರ್ಮಿಕ ಸುಖ್ಮೇನಿಯಾ, ನಾನು ಏಳು ತಿಂಗಳ ಹಿಂದೆ ಇಲ್ಲಿಗೆ ಬಂದಿದ್ದೇನೆ. ಇಷ್ಟರವರೆಗೆ ನಮ್ಮ ಕೈಯಲ್ಲಿ ಹಣವಿರಲಿಲ್ಲ. ಈಗ ಕೆಲಸ ಸಿಕ್ಕಿದೆ ಲಾಕ್ ಡೌ್​ನ್ ಕೊನೆಗೊಂಡಾಗ ಊರಿಗೆ ಹೋಗುತ್ತೇನೆ ಎಂದಿದ್ದಾರೆ.

ಸುಮಾರು 125 ವರ್ಷಗಳಷ್ಟು ಹಳೆಯದಾದ ಕಟ್ಟಡದ ನವೀಕರಣ ಉಸ್ತುವಾರಿಯನ್ನು ಹಿಮಾಚಲ ಪ್ರದೇಶದ ಪ್ರವಾಸೋಧ್ಯಮ ಇಲಾಖೆ ವಹಿಸಕೊಂಡಿದೆ. ಊರಿಗೆ ಹಿಂದಿರುಗಲಾಗದೆ ಬಾಕಿಯಾದ ವಲಸೆ ಕಾರ್ಮಿಕರು ಕಟ್ಟಡ ನವೀಕರಣ ಕಾರ್ಯದಲ್ಲಿ ತೊಡಗಿದ್ದು, ಅವರಿಗೆ ಬೇಕಾದ ಸಾಮಗ್ರಿಗಳನ್ನು ಪೂರೈಸಲಾಗಿದೆ.