'ಚೀಟ್'​ಫಂಡ್‌: ಮಾಜಿ ಸಿಎಂ ಪುತ್ರನ ಮೇಲೆ ಪ್ರಕರಣ ದಾಖಲು

ಅನ್ಮೊಲ್​ ಇಂಡಿಯಾ ಕಂಪನಿಯ ತಾರಾ ಪ್ರಚಾರಕರಾಗಿ ಕೆಲಸ ಮಾಡಿದ ರಮಣ್​ ಅವರ ಪುತ್ರ, ಮಾಜಿ ಸಂಸದ ಅಭಿಷೇಕ್ ಸಿಂಗ್​ ಸೇರಿ, ಮಾಜಿ ಬಿಜೆಪಿ ಎಂಪಿ ಮಧುಸೂಧನ್ ಹಾಗೂ ಕಾಂಗ್ರೆಸ್​ ನಾಯಕ ನರೇಶ್​ ದಕಾಲಿಯ ಅವರ ಮೇಲೂ ಪ್ರಕರಣ ದಾಖಲಾಗಿದೆ.

ಅಂಬಿಕಾಪುರ್​: ಛತ್ತೀಸ್​ಗಢದ ಸುರ್ಜಾದಲ್ಲಿ ನಡೆದಿದೆ ಎನ್ನಲಾದ ಚಿಟ್​ಫಂಡ್​ ಹಗರಣ ಸಂಬಂಧ ಮಾಜಿ ಸಿಎಂ ರಮಣ್ ಸಿಂಗ್ ಪುತ್ರ ಸೇರಿ 19 ಮಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ.

ಅನ್ಮೊಲ್​ ಇಂಡಿಯಾ ಕಂಪನಿಯ ತಾರಾ ಪ್ರಚಾರಕರಾಗಿ ಕೆಲಸ ಮಾಡಿದ ರಮಣ್​ ಅವರ ಪುತ್ರ, ಮಾಜಿ ಸಂಸದ ಅಭಿಷೇಕ್ ಸಿಂಗ್​ ಸೇರಿ, ಮಾಜಿ ಬಿಜೆಪಿ ಎಂಪಿ ಮಧುಸೂಧನ್ ಹಾಗೂ ಕಾಂಗ್ರೆಸ್​ ನಾಯಕ ನರೇಶ್​ ದಕಾಲಿಯ ಅವರ ಮೇಲೆ ಸಹ ಪ್ರಕರಣ ದಾಖಲಾಗಿದೆ. ಆದರೆ ಈವರೆಗೆ ಯಾರನ್ನೂ ಬಂಧಿಸಲಾಗಿಲ್ಲ ಎಂದು ತಿಳಿದುಬಂದಿದೆ.

ಪೊಲೀಸ್​ ಮಹಾನಿರ್ದೇಶಕ ಕೆ.ಸಿ. ಅಗರ್ವಾಲ್ ಅವರಂತೆ, ಅನ್ಮೋಲ್ ಕಂಪನಿಯ 17 ನಿರ್ದೇಶಕರಲ್ಲಿ ಹಾಗೂ ಕೋರ್​ ಕಮಿಟಿಯಲ್ಲಿ ಈ ಮೂವರು ಸದಸ್ಯರಾಗಿದ್ದರು. ಕಂಪನಿ ವಿರುದ್ಧ ಹಣ ಹೂಡಿದ ಪ್ರೇಮ್ ಸಾಗರ್​ ಗುಪ್ತ ಎಂಬುವರು ಸೋಮವಾರ ಅಂಬಿಕಾಪುರ್​ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾರೆ ಎಂದು ತಿಳಿಸಿದರು.

ಪೊಲೀಸರು ಮೊದಲು ಸರಿಯಾಗಿ ಸ್ಪಂದಿಸದ ಕಾರಣ ಗುಪ್ತ ಸ್ಥಳೀಯ ಕೋರ್ಟ್​​ ಮೊರೆ ಹೋದರು. ಕೋರ್ಟ್​ ಆದೇಶದಂತೆ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ ಎನ್ನಲಾಗಿದೆ. ಅದರಂತೆ ಐಪಿಸಿ ಸೆಕ್ಷನ್​ 420 ಪ್ರಕರಣ 20 ಮಂದಿ ಮೇಲೆ ವಂಚನೆ ಪ್ರಕರಣ ದಾಖಲಾಗಿದೆ. ಹೂಡಿಕೆದಾರರ ಹಿತಾಸಕ್ತಿ ಕಾಯ್ದೆ 2005ರಂತೆಯೂ ಕೇಸ್​ ದಾಖಲಾಗಿದೆ ಎಂದು ಐಜಿ ಹೇಳಿದ್ದಾರೆ.

ಅಭಿಷೇಕ್​, ಯಾದವ್ ಅವರು ಮಾಜಿ ಸಂಸದರಾಗಿದ್ದು, ದಕಾಲಿಯಾ ಮಾಜಿ ಮೇಯರ್​ ಆಗಿದ್ದಾರೆ.