ರಾಮಮಂದಿರ 'ಭೂಮಿ ಪೂಜೆ' ಮುಂದಕ್ಕೆ, ಶೀಘ್ರದಲ್ಲೇ ಹೊಸ ದಿನಾಂಕ ಘೋಷಣೆ

ಭಾರತ ಮತ್ತು ಚೀನಾ ಮಧ್ಯೆ ಘರ್ಷಣೆ ಮತ್ತಷ್ಟು ಹೆಚ್ಚುತ್ತಿರುವ ಪರಿಣಾಮ ಜುಲೈ 2ರಂದು ನಡೆಯಬೇಕಿದ್ದ ರಾಮಮಂದಿರ ನಿರ್ಮಾಣ 'ಭೂಮಿ ಪೂಜೆ' ಕಾರ್ಯಕ್ರಮವನ್ನು ಮುಂದೂಡಿಕೆ ಮಾಡಲಾಗಿದೆ.

ಅಯೋಧ್ಯ (ಉತ್ತರ ಪ್ರದೇಶ): ಭಾರತ ಮತ್ತು ಚೀನಾ ನಡುವೆ ಉದ್ವಿಗ್ನತೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಜುಲೈ 2ರಂದು ರಾಮಮಂದಿರ ನಿರ್ಮಾಣಕ್ಕೆ ಜರುಗಬೇಕಿದ್ದ 'ಭೂಮಿ ಪೂಜೆ' ಕಾರ್ಯಕ್ರಮವನ್ನು ಮುಂದೂಡಲಾಗಿದೆ.

ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್​​​ನ ಕಾರ್ಯದರ್ಶಿ ಚಂಪತ್ ರಾಯ್ ಅವರು ಹೊರಡಿಸಿರುವ ಹೇಳಿಕೆಯಲ್ಲಿ ರಾಷ್ಟ್ರದ ಭದ್ರತೆ ದೃಷ್ಟಿಯಲ್ಲಿಟ್ಟುಕೊಂಡು ಈ ಕಾರ್ಯಕ್ರಮವನ್ನು ಮುಂದೂಡಿಕೆ ಮಾಡಲಾಗಿದೆ. ಪರಿಸ್ಥಿತಿ ಹತೋಟಿಗೆ ಬಂತರ ನಂತರ ಮುಂದಿನ ದಿನಗಳಲ್ಲಿ ಹೊಸ ದಿನಾಂಕವನ್ನು ಘೋಷಿಸಲಾಗುವುದು ಎಂದು ಹೇಳಿಕೆಯಲ್ಲಿ ತಿಳಿಸಿಲಾಗಿದೆ.

ಅಯೋಧ್ಯೆ ಭೇಟಿಯನ್ನು ಗುರುವಾರ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ರದ್ದುಪಡಿಸಿದ್ದಾರೆ. 'ಭೂಮಿ ಪೂಜೆ' ಕಾರ್ಯಕ್ರಮ ವ್ಯವಸ್ಥೆಗಳ ಪರಿಶೀಲಿಸಲು ಆಯೋಧ್ಯೆಗೆ ಬರುವುದಾಗಿ ಈ ಹಿಂದೆ ಟ್ವೀಟ್​ ಮಾಡಿದ್ದರು.

ಗಾಲ್ವನ್ ಕಣಿವೆಯಲ್ಲಿ ತಮ್ಮ ಪ್ರಾಣವನ್ನೇ ಅರ್ಪಿಸಿದ ಸೇನಾ ಸಿಬ್ಬಂದಿಗೆ ಟ್ರಸ್ಟ್​​​​ ಗೌರವ ಸಲ್ಲಿಸಿದೆ. ದೇವಾಲಯದ ಟ್ರಸ್ಟ್ ತನ್ನ ವೆಬ್‌ಸೈಟ್​​​ ಅನ್ನು (https://srjbtkshetra.org/) ತೆರೆದಿದೆ. ಅದರಲ್ಲಿ ದೇವಾಲಯ ನಿರ್ಮಾಣ ಮತ್ತು ಸಂಬಂಧಿತ ಸುದ್ದಿಗಳ ಕುರಿತು ತಿಳಿಸಲಾಗುತ್ತದೆ.