ನಗ್ನವಾಗಿ ಬಂದು ಮನೆಗಳ್ಳತನ: ಸೈಕೋ ಕಳ್ಳನ ಕಂಡು ಬೆಚ್ಚಿದ ಜನ!

ಬೆತ್ತಲೆಯಾಗಿ ಮನೆಗಳಿಗೆ ನುಗ್ಗಿ ಕಳ್ಳತನ ಮಾಡುತ್ತಿರುವ ಸೈಕೋ ಕಳ್ಳನ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ವಿಶಾಖಪಟ್ಟಣಂ ಜನರನ್ನು ಬೆಚ್ಚಿ ಬೀಳಿಸಿದೆ.

ವಿಶಾಖಪಟ್ಟಣಂ (ಆಂಧ್ರ ಪ್ರದೇಶ): ನಗ್ನವಾಗಿ ಮನೆಗಳನ್ನು ಹೊಕ್ಕು ಕಳ್ಳತನ ಮಾಡುವ ಸೈಕೋ ಕಳ್ಳ ವಿಶಾಖಪಟ್ಟಣಂನಲ್ಲಿ ಪತ್ತೆಯಾಗಿದ್ದು, ಜನರಲ್ಲಿ ಆತಂಕ ಮೂಡಿಸಿದೆ.

ವಿಶಾಖಪಟ್ಟಣದ ಉದ್ಯಮಿ ವಡ್ಡಾಡಿ ತ್ರಿನಧರಾವ್ ಎಂಬುವವರ ಮನೆಯಲ್ಲಿ ಈ ಸೈಕೋ ಕಳ್ಳ ಸೋಮವಾರ ಮುಂಜಾನೆ 3 ಗಂಟೆಗೆ ಮನೆಯ ಬಾಗಿಲನ್ನು ಮುರಿದು ಒಳ ನುಗ್ಗಿ 10 ಸಾವಿರ ರೂಪಾಯಿ ದೋಚಿದ್ದಾನೆ.

ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಉದ್ಯಮಿ ಕಂಚರಪಾಲೆಂ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಪೊಲೀಸರು ಆರೋಪಿ ಪತ್ತೆಗಾಗಿ ತನಿಖೆ ನಡೆಸುತ್ತಿದ್ದಾರೆ.

ಸೈಕೋ ಕಳ್ಳನ ಕಾರಣದಿಂದ ಜನರಲ್ಲಿ ಆತಂಕ ಹೆಚ್ಚಾಗಿದ್ದು, ಆದಷ್ಟು ಬೇಗ ಕಳ್ಳನನ್ನು ಬಂಧಿಸಬೇಕೆಂದು ಪೊಲೀಸರಲ್ಲಿ ಮನವಿ ಮಾಡಿದ್ದಾರೆ.