ಶಿಲ್ಲಾಂಗ್: ದೇಶದೆಲ್ಲೆಡೆ ಕೊರೊನಾ ವೈರಸ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಲಾಕ್ಡೌನ್ ಇರುವುದರಿಂದ ಶಿಲ್ಲಾಂಗ್ನ ಜನಪ್ರಿಯ ಮ್ಯೂಸಿಕ್ ಬ್ಯಾಂಡ್ ಸಾಮಾಜಿಕ ಜಾಲಾತಾಣಗಳಲ್ಲಿ ಪ್ರದರ್ಶನ ನೀಡಿ, ದೇಶ-ವಿದೇಶದೆಲ್ಲಡೆ ಇರುವ ಅಭಿಮಾನಿಗಳಿಂದ ಹಣ ಸಂಗ್ರಹಿಸಿ ಕೋವಿಡ್- 19ನಿಂದ ತೊಂದರೆಗೀಡಾಗಿರುವ ಜನಸಮಾನ್ಯರಿಗೆ ನೆರವಾಗುತ್ತಿದೆ.
ಪ್ರತೀವಾರ ನಡೆಯುವ ಮಾರುಕಟ್ಟೆಗಳು ಸ್ಥಗಿತಗೊಂಡಿರುವುದರಿಂದ ರೈತರ ಜೀವನೋಪಾಯಕ್ಕೆ ತೊಂದರೆಯಾಗಿದೆ ಎಂದು ನಗರ ಮೂಲದ ಸೋಲ್ಮೇಟ್ ಬ್ಯಾಂಡ್ ಸದಸ್ಯ ರೂಡಿ ವಾಲಾಂಗ್ ಮಾಧ್ಯಮಕ್ಕೆ ತಿಳಿಸಿದ್ದಾರೆ.
ಈ ವಾರದ ಆರಂಭದಲ್ಲಿ ಸೋಲ್ಮೇಟ್ ತಮ್ಮ ಫೇಸ್ಬುಕ್ನಲ್ಲಿ ಲೈವ್ ಪ್ರದರ್ಶನ ನೀಡಿ, ವಿಶ್ವದಾದ್ಯಂತ ತಮ್ಮ ಅಭಿಮಾನಿಗಳಿಂದ ಸಂಗ್ರಹಿಸಿದ ಮೊತ್ತವನ್ನು ಗ್ರಾಮೀಣ ಪ್ರದೇಶದಲ್ಲಿ ತೊಂದರೆಗೊಳಗಾದ ಜನರಿಗೆ ನೀಡಿದ್ದಾರೆ.
ನಾನು ನಮ್ಮ ರೂಮಿನಿಂದಲೇ ಫೇಸ್ಬುಕ್ ಲೈವ್ ಪ್ರದರ್ಶನ ನೀಡಿದ್ದೇವೆ. ಜಗತ್ತಿನೆಲ್ಲೆಡೆ ಇರುವ ನಮ್ಮ ಅಭಿಮಾನಿಗಳು ಇದನ್ನು ಇಷ್ಟಪಟ್ಟಿದ್ದಾರೆ. ಅಂದಾಜು 7 ಲಕ್ಷ ರೂ ದೇಣಿಗೆ ಸಂಗ್ರಹಿಸುವ ಗುರಿ ಹೊಂದಿದ್ದೇವೆ ಎಂದು ಸೋಲ್ಮೇಟ್ ಮುಖ್ಯಸ್ಥ ತಿಳಿಸಿದ್ದಾರೆ.
