ವಾರಣಾಸಿ (ಉತ್ತರ ಪ್ರದೇಶ): ಏಕತಾ ಪ್ರತಿಮೆ ಸಂಪರ್ಕಿಸುವ ಕಾಶಿ - ಕೆವಾಡಿಯಾ ವಿಶೇಷ ರೈಲು ಸೇವೆಯನ್ನು ಪ್ರಧಾನಿ ನರೇಂದ್ರ ಮೋದಿ ಜನವರಿ 17 ರಂದು ಉದ್ಘಾಟಿಸಲಿದ್ದಾರೆ ಎಂದು ಪ್ರಧಾನಿ ಕಚೇರಿ ಮಾಹಿತಿ ನೀಡಿದೆ.
ರೈಲು ಭಾನುವಾರ ಬೆಳಗ್ಗೆ 11:12ಕ್ಕೆ ವಾರಣಾಸಿಯಿಂದ ಹೊರಟು ಮರುದಿನ ಮಧ್ಯಾಹ್ನ 2:12ಕ್ಕೆ ಕೆವಾಡಿಯಾದ ದಾಭೋಯಿ ಜಂಕ್ಷನ್‌ಗೆ ತಲುಪಲಿದೆ. ಇದಲ್ಲದೆ ದೇಶದ ವಿವಿಧ ಸ್ಥಳಗಳಿಂದ 8 ರೈಲುಗಳಿಗೆ ಹಸಿರು ನಿಶಾನೆ ತೋರಿಸಲಿದ್ದಾರೆ.
ಈ ಕಾರ್ಯಕ್ರಮದ ಹಿನ್ನೆಲೆ ರೈಲು ನಿಲ್ದಾಣದ ವ್ಯವಸ್ಥೆ ಪರೀಕ್ಷಿಸಲು ವಿಭಾಗೀಯ ರೈಲ್ವೆ ವ್ಯವಸ್ಥಾಪಕ ಸಂಜಯ್ ತ್ರಿಪಾಠಿ ಶುಕ್ರವಾರ ರೈಲು ನಿಲ್ದಾಣಕ್ಕೆ ಆಗಮಿಸಿ ಪೂರ್ವಭಾವಿ ಸಭೆ ನಡೆಸಿದ್ದಾರೆ.
ವೇಳಾಪಟ್ಟಿ ಬಿಡುಗಡೆಯಾದ ಕೂಡಲೇ ಬುಕಿಂಗ್ ಪ್ರಾರಂಭವಾಗಿದ್ದು, ಕಾಶಿ - ಕೆವಾಡಿಯಾ ರೈಲಿನ ವೇಳಾಪಟ್ಟಿ ಶುಕ್ರವಾರ ಬಿಡುಗಡೆಯಾದ ಕೂಡಲೇ ಟಿಕೆಟ್ ಕಾಯ್ದಿರಿಸುವಿಕೆ ಪ್ರಾರಂಭಗೊಂಡಿದೆ.
ಟಿಕೆಟ್ ಬುಕಿಂಗ್ ಮತ್ತು ಶುಲ್ಕ ಪಟ್ಟಿಯನ್ನು ಅಧಿಕೃತ ವೆಬ್‌ಸೈಟ್‌ನಲ್ಲಿ ಅಪ್ಲೋಡ್ ಮಾಡಲಾಗಿದೆ. ರೈಲು ಪರಿಚಯಿಸುವುದರೊಂದಿಗೆ, ಮೊದಲ ಪ್ರಯಾಣವನ್ನು ಸ್ಮರಣೀಯವಾಗಿಸಲು ಕೆಲವು ವಿಶೇಷ ಪ್ರಯಾಣಿಕರನ್ನು ಉಚಿತವಾಗಿ ಪ್ರಯಾಣಿಸಲು ರೈಲ್ವೆ ವ್ಯವಸ್ಥೆ ಮಾಡಿದೆ.
ಎಲ್‌ಎಚ್‌ಬಿ ಕೋಚ್ ಹೊಂದಿದ ವಿಶೇಷ ರೈಲು ಸೂಪರ್‌ಫಾಸ್ಟ್‌ ಮಾರ್ಗದಲ್ಲಿ ಚಲಿಸಲಿದೆ. ಈ ರೈಲು ವಾರಣಾಸಿ ಮೂಲಕ ಪ್ರಯಾಗ್ರಾಜ್ ಮೂಲಕ ಸತ್ನಾ, ಕಾಟ್ನಿ, ಜಬಲ್ಪುರ್, ಇಟಾರ್ಸಿ, ಭೂಸಾವಲ್, ಅಮಲ್ನರ್, ವಡೋದರಾ ಮೂಲಕ 1,614.1 ಕಿ.ಮೀ ಪ್ರಯಾಣವು 27 ಗಂಟೆಗಳಲ್ಲಿ ಪೂರ್ಣಗೊಂಡ ನಂತರ ಕೆವಾಡಿಯಾದ ದಾಭೋಯ್ ಜಂಕ್ಷನ್‌ಗೆ ತಲುಪಲಿದೆ.
ಇದನ್ನೂ ಓದಿ: ಕೋವಿಡ್ ವ್ಯಾಕ್ಸಿನೇಷನ್ಗೆ ಚಾಲನೆ ನೀಡಿ ಪಾಕ್ ವಿರುದ್ಧ ವಾಗ್ದಾಳಿ ನಡೆಸಿದ ನಮೋ!
