ಶೀನಾ ಬೋರಾ ಕೊಲೆ ಕೇಸ್​: ನಾಲ್ಕು ವರ್ಷದ ಬಳಿಕ ಪೀಟರ್​ ಮುಖರ್ಜಿ ಜೈಲಿನಿಂದ ರಿಲೀಸ್​

ಶೀನಾ ಬೋರಾ ಕೊಲೆ ಪ್ರಕರಣದಲ್ಲಿ ಆರೋಪಿಯಾಗಿ ಜೈಲು ಸೇರಿದ್ದ ಪೀಟರ್​ ಮುಖರ್ಜಿ ಇದೀಗ ಜೈಲಿನಿಂದ ರಿಲೀಸ್​​ ಆಗಿದ್ದಾರೆ.

ಮುಂಬೈ: ಶೀನಾ ಬೋರಾ ಕೊಲೆ ಪ್ರಕರಣದ ಆರೋಪಿ ಹಾಗೂ ಉದ್ಯಮಿ ಪೀಟರ್​ ಮುಖರ್ಜಿ ನಾಲ್ಕು ವರ್ಷಗಳ ಬಳಿಕ ಮುಂಬೈ ಜೈಲಿನಿಂದ ರಿಲೀಸ್​ ಆಗಿದ್ದು, ನಿನ್ನೆ ಸಂಜೆ ಜೈಲಿನಿಂದ ಹೊರಬಂದಿದ್ದಾರೆ.

24 ವರ್ಷದ ಶೀನಾ ಬೋರಾಳನ್ನ ಇಂದ್ರಾಣಿ ಕೊಲೆ ಮಾಡಿದ್ದಳು. ಇದಕ್ಕೆ ಪೀಟರ್​ ಸಹಕಾರ ನೀಡಿದ್ದರು ಎನ್ನಲಾದ ಆರೋಪವಿತ್ತು. ಹೀಗಾಗಿ 2015ರಿಂದ ಇಬ್ಬರು ಜೈಲು ಕಂಬಿ ಎಣಿಸುತ್ತಿದ್ದರು. ಇದೀಗ ಬಾಂಬೆ ಹೈಕೋರ್ಟ್​​​ನಿಂದ ಜಾಮೀನು ಸಿಕ್ಕಿರುವ ಕಾರಣ ಅವರು ಹೊರಬಂದಿದ್ದಾರೆ.

ಶೀನಾ ಬೋರಾ ಇಂದ್ರಾಣಿಯ ಮೊದಲ ಸಂಬಂಧಕ್ಕೆ ಜನಿಸಿದ ಮಗಳು. 2012ರಲ್ಲಿ ಈಕೆಯ ಕೊಲೆ ಮಾಡಲಾಗಿತ್ತು. 47 ವರ್ಷದ ಇಂದ್ರಾಣಿ ಹಾಗೂ 65 ವರ್ಷದ ಪೀಟರ್​​ ಮುಖರ್ಜಿ 2002ರಲ್ಲಿ ವಿವಾಹವಾಗಿದ್ದರು.