ಅಹಮದಾಬಾದ್ (ಗುಜರಾತ್): ಸಮಾಜದಲ್ಲಿ ಎಲ್ಲರೂ ಅತೃಪ್ತರಾಗಿದ್ದಾರೆ. ಅಷ್ಟೇ ಅಲ್ಲದೆ, ಸೌಕರ್ಯಗಳು ಮತ್ತು ಸಂತೋಷಗಳನ್ನು ತಡೆದುಕೊಳ್ಳದಂತೆ ನಿರಂತರವಾಗಿ ಆಂದೋಲನ ನಡೆಸುತ್ತಿದ್ದಾರೆ ಎಂದು ಆರ್ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಕಳವಳ ವ್ಯಕ್ತಪಡಿಸಿದ್ದಾರೆ.
ಗುಜರಾತ್‌ನಲ್ಲಿ ಆರ್ಎಸ್ಎಸ್ನ ಸಹಯೋಗದಲ್ಲಿ 'ಮಾಧವ್ ಸ್ಮೃತಿ ನ್ಯಾಯಾಸ್' ಸಂಘಟನೆ ಆಯೋಜಿಸಿದ ಕಾರ್ಯಕ್ರಮದಲ್ಲಿ ಕಾರ್ಯಕರ್ತರು ಮತ್ತು ಬುದ್ಧಿಜೀವಿಗಳ ಸಭೆಯನ್ನುದ್ದೇಶಿಸಿ ಅವರು ಮಾತನಾಡಿದರು.
ಸೌಕರ್ಯಗಳು ಮತ್ತು ಭೌತಿಕ ಸಂತೋಷಗಳ ಹೆಚ್ಚಳದಿಂದಾಗಿ ಎಲ್ಲರೂ ಅತೃಪ್ತರಾಗಿದ್ದಾರೆ. ಹೀಗಾಗಿ ಆಂದೋಲನಗಳನ್ನು ನಡೆಸುತ್ತಿದ್ದಾರೆ. ವಿರೋಧ ಪಕ್ಷ, ಸಾಮಾನ್ಯ ಜನರು, ವಿದ್ಯಾರ್ಥಿಗಳು, ಶಿಕ್ಷಕರು ಎಲ್ಲರೂ ಅತೃಪ್ತರಾಗಿದ್ದಾರೆ. ಪ್ರಸ್ತುತ ಜಗತ್ತಿನಲ್ಲಿ ಧರ್ಮಾಂಧತೆ, ಹಿಂಸೆ ಮತ್ತು ಭಯೋತ್ಪಾದನೆ ಹೆಚ್ಚುತ್ತಿದೆ ಎಂದು ಹೇಳಿದರು.
ವಿವಾದಗಳನ್ನು ಸೃಷ್ಟಿಸಲು ಜನರು "ಸುಳ್ಳು ಮಾಹಿತಿ" ಹರಡುವ ಮೂಲಕ ಸಾಮಾಜಿಕ ಮಾಧ್ಯಮವನ್ನು ಸಹ ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
ಯುಎಸ್, ಚೀನಾ ಮತ್ತು ರಷ್ಯಾವು ಸೂಪರ್ ಪವರ್ ದೇಶಗಳಾಗಿವೆ. ಆದರೆ ಸೂಪರ್ ಪವರ್ ರಾಷ್ಟ್ರಗಳು ಇತರರಿಗೆ ಏನು ಮಾಡಿದೆ?. ಅವರು ತಮ್ಮ ಸ್ವಾರ್ಥಿ ಕಾರ್ಯಸೂಚಿಗಾಗಿ ಇತರ ದೇಶಗಳ ಮೇಲೆ ಹಿಡಿತ ಸಾಧಿಸಿದ್ದಾರೆ ಎಂದು ಭಗವತ್ ಹೇಳಿದರು.
