ಮಗನನ್ನೇ ಸರಪಳಿಯಿಂದ ಕಟ್ಟಿ ಹಾಕಿದ ಪೋಷಕರು: ಯಾಕೆ ಗೊತ್ತಾ?

ಮಾದಕ ವ್ಯಸನಿಯಾಗಿದ್ದ ತಮ್ಮ ಮಗನನ್ನು ಸ್ವತಃ ಪೋಷಕರೇ ಸರಪಳಿಯಿಂದ ಕಟ್ಟಿ ಹಾಕಿರುವ ಘಟನೆ ಫಿರೋಜ್​ ಪುರದಲ್ಲಿ ನಡೆದಿದೆ. ಜಸ್ಬೀರ್​ ಸಿಂಗ್ ಮಾದಕ ವ್ಯಸನಿಯಾಗಿದ್ದು, ಇದರಿಂದ ಹೊರಬರಲಾರದೇ ಆತ್ಮಹತ್ಯೆಗೂ ಪ್ರಯತ್ನಿಸಿದ್ದನಂತೆ.

ಫಿರೋಜ್​ಪುರ: ಮಾದಕ ವ್ಯಸನಿ ಆಗಿದ್ದ ತಮ್ಮ ಮಗನನ್ನು ಸ್ವತಃ ಪೋಷಕರೇ ಸರಪಳಿಯಿಂದ ಕಟ್ಟಿ ಹಾಕಿರುವ ಘಟನೆ ಫಿರೋಜ್​ಪುರದಲ್ಲಿ ನಡೆದಿದೆ.

ಜಸ್ಬೀರ್​ ಸಿಂಗ್​ (35) ಮಾದಕ ವ್ಯಸನಿಯಾಗಿದ್ದು, ಇದರಿಂದ ಹೊರಬರಲಾರದೇ ಆತ್ಮಹತ್ಯೆಗೂ ಪ್ರಯತ್ನಿಸಿದ್ದನಂತೆ. ಆದ್ರೆ ಆತ್ಮಹತ್ಯೆ ಮಾಡಿಕೊಳ್ಳುವಲ್ಲಿ ವಿಫಲನಾಗಿದ್ದಾನೆ. ಇನ್ನು ಜಸ್ಬೀರ್​ ಕಳೆದ ಒಂದು ವರ್ಷದಿಂದಲೂ ಡ್ರಗ್ಸ್​ ಸೇವಿಸುತ್ತಿದ್ದನಂತೆ. ಜಸ್ಬೀರ್​ಗೆ ಮದುವೆಯಾಗಿದ್ದು, ಸದ್ಯ ಇಬ್ಬರು ಮಕ್ಕಳಿದ್ದಾರೆ. ಜಸ್ಬೀರ್​ ಮಾದಕ ವ್ಯಸನಿಯಾಗಿದ್ದು, ಅದನ್ನು ಕೊಳ್ಳಲು ಮನೆಯ ವಸ್ತುಗಳನ್ನೇ ಮಾರುತ್ತಿದ್ದ ಎಂದು ತಂದೆ ಕಾಲಾ ಸಿಂಗ್​ ಹೇಳಿದ್ದಾರೆ.

ಇನ್ನು ಜಸ್ಬೀರ್​ ಕುಟುಂಬ ಹೇಳುವಂತೆ ಆ ಊರಿನಲ್ಲಿ 40ಕ್ಕೂ ಅಧಿಕ ಮಂದಿ ಡ್ರಗ್ಸ್​ಗೆ ಅಡಿಕ್ಟ್​​​ ಆಗಿದ್ದಾರೆ. ಈ ಬಗ್ಗೆ ಎಚ್ಚರಿಗೆ ನೀಡಿರುವ ಡಿಸಿಪಿ ಸತ್ನಂ ಸಿಂಗ್​, ಡ್ರಗ್ಸ್​ ವ್ಯಸನಿಗಳ ಮತ್ತು ಮಾರಾಟ ಮಾಡುವವರ ಬಗ್ಗೆ ಕಠಿಣ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.