ಕೇವಲ ಆ ವಿಷಯಕ್ಕಾಗಿ ಮಗಳ ಜೊತೆ ಬಿಲ್ಡಿಂಗ್​ ಮೇಲಿಂದ ಹಾರಿದ ತಾಯಿ!

ಗಂಡ-ಹೆಂಡ್ತಿ ಜಗಳ ನಿರಂತರ ಇದ್ದೇ ಇರುತ್ತವೆ. ಆದ್ರೆ ಇಲ್ಲೊಂದು ಸಣ್ಣ ವಿಚಾರಕ್ಕೆ ಮಹಿಳೆ ತನ್ನ ಎರಡು ವರ್ಷದ ಮಗಳ ಜೊತೆ ಬಿಲ್ಡಿಂಗ್​ ಮೇಲಿಂದ ಹಾರಿರುವ ಘಟನೆ ತೆಲಂಗಾಣದ ಹೈದರಾಬಾದ್​ನಲ್ಲಿ ನಡೆದಿದೆ.

ಹೈದರಾಬಾದ್​: ಕೂಕಟ್​ಪಲ್ಲಿಯ ಬಾಲಾಜಿನಗರ್​ನ ಗಂಡ-ಹೆಂಡ್ತಿ ಫಂಕ್ಷನ್​ ಹೋಗುವ ವಿಚಾರಕ್ಕೆ ಕಿತ್ತಾಡಿಕೊಂಡಿದ್ದಾರೆ. ಇದರಿಂದ ಮನಸ್ತಾಪಗೊಂಡ ಮಹಿಳೆ ತನ್ನ ಎರಡು ವರ್ಷದ ಮಗಳ ಜೊತೆ ಬಿಲ್ಡಿಂಗ್​ ಮೇಲಿಂದ ಜಿಗಿದು ಪ್ರಾಣ ಬಿಟ್ಟಿದ್ದಾಳೆ.

ಇನ್ನು ಮಗುವಿಗೆ ತೀವ್ರ ಗಾಯವಾಗಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಫಂಕ್ಷನ್​ಗೆ​ ತೆರಳುವ ವಿಚಾರಕ್ಕೆ ಇಬ್ಬರ ಮಧ್ಯೆ ನಡೆದ ಕಲಹವೇ ಆತ್ಮಹತ್ಯೆಗೆ ಕಾರಣವೆಂದು ಸಂಬಂಧಿಕರು ಭಾವಿಸುತ್ತಿದ್ದಾರೆ. ಈ ಘಟನೆ ಕುರಿತು ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.