ಚಿತ್ತೂರ್(ಆಂಧ್ರಪ್ರದೇಶ): ಮೊಬೈಲ್ ಸಾಗಿಸುತ್ತಿದ್ದ ಲಾರಿ ಸಿನಿಮೀಯ ಶೈಲಿಯಲ್ಲಿ ಹೈಜಾಕ್ ಮಾಡಿರುವ ದುಷ್ಕರ್ಮಿಗಳು ಅದರಲ್ಲಿದ್ದ 7 ಕೋಟಿ ರೂ. ಮೌಲ್ಯದ ಮೊಬೈಲ್ ದೋಚಿ ಪರಾರಿಯಾಗಿದ್ದಾರೆ.
ಆಂಧ್ರಪ್ರದೇಶ - ತಮಿಳುನಾಡು ಗಡಿಯಲ್ಲಿ ಈ ಘಟನೆ ನಡೆದಿದೆ. ಕಾಂಚಿಪುರಂ ಶ್ರೀಪೆರುಂಬೂರಿನಿಂದ ಮುಂಬೈಗೆ ತೆರಳುತ್ತಿದ್ದ ಲಾರಿಯಲ್ಲಿ ಶಿಯೋಮಿ ಕಂಪನಿ ಮೊಬೈಲ್ಗಳಿದ್ದವು. ಗಡಿಯಲ್ಲಿ ಲಾರಿ ಬರುತ್ತಿದ್ದಂತೆ ಅದನ್ನ ತಡೆದಿರುವ ದುಷ್ಕರ್ಮಿಗಳು ಲಾರಿ ಚಾಲಕನನ್ನು ಕಟ್ಟಿಹಾಕಿದ್ದಾರೆ.
ಇದಾದ ಬಳಿಕ ಲಾರಿಯಲ್ಲಿದ್ದ ಮೊಬೈಲ್ ಮತ್ತೊಂದು ವಾಹನಕ್ಕೆ ಹಾಕಿಕೊಂಡು ಸ್ಥಳದಿಂದ ಅವರು ಪರಾರಿಯಾಗಿದ್ದಾಗಿ ತಿಳಿದು ಬಂದಿದೆ. ಲಾರಿಯಲ್ಲಿ ಒಟ್ಟು 16 ಪೆಟ್ಟಿಗೆಗಳಲ್ಲಿ 15,000 ಸಾವಿರಕ್ಕೂ ಅಧಿಕ ಮೊಬೈಲ್ಗಳಿದ್ದು, 8 ಪೆಟ್ಟಿಗೆಗಳು ಕಳ್ಳತನವಾಗಿವೆ. ಲಾರಿ ಚಾಲಕನ ದೂರಿನನ್ವಯ ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡಿದ್ದಾರೆ. ಮೊಬೈಲ್ನ ಒಟ್ಟು ಮೌಲ್ಯ 7 ಕೋಟಿ ಎಂದು ತಿಳಿದು ಬಂದಿದೆ.
