ಗೋರಖ್ಪುರ್: ಕುರಿಗಳ ಬದಲಿಗೆ ತನ್ನ ಪತ್ನಿಯನ್ನು ಆಕೆ ಪ್ರೇಮಿಗೆ ನೀಡಲು ಗಂಡನೊಬ್ಬ ಒಪ್ಪಿಕೊಂಡಿರುವ ಅಚ್ಚರಿಯ ಘಟನೆ ಗೋರಖ್ಪುರ್ನಲ್ಲಿ ನಡೆದಿದೆ.
ರಾಜೇಶ್ ಪಾಲ್ ಜೊತೆ ಸೀಮಾ ಪಾಲ್ನ ಕೆಲವು ದಿನಗಳ ಹಿಂದೆ ಮದುವೆ ಮಾಡಿಕೊಡಲಾಗಿತ್ತು. ಆದರೆ, ಸೀಮಾ ಪಾಲ್ ಗಂಡನೊಂದಿಗೆ ಸಂಸಾರ ಮಾಡದೇ ಲವರ್ ಉಮೇಶ್ ಪಾಲ್ ಜೊತೆ ಹೋಗಿ ಸಂಸಾರ ನಡೆಸುತ್ತಿದ್ದಾಳೆ. ಈ ಘಟನೆಯಿಂದಾಗಿ ರಾಜೇಶ್ ಪಾಲ್ ಪಂಚಾಯ್ತ್ ಮೆಟ್ಟಿಲೇರಿದ್ದಾರೆ.
ಮೂವರಿಗೂ ಶಾಶ್ವತ ಪರಿಹಾರ ನೀಡೋದಕ್ಕಾಗಿ ಪಂಚಾಯ್ತ್ ಒಂದು ನಿರ್ಧಾರ ಬಂತು. ಚರ್ಚೆಗಳ ಬಳಿಕ ಉಮೇಶ್ ಪಾಲ್ ತನ್ನ ಬಳಿಯಿದ್ದ 71 ಕುರಿಗಳನ್ನು ರಾಜೇಶ್ ಪಾಲ್ಗೆ ಬಿಟ್ಟು ಕೊಡಲು ಹೇಳಿತು. ಇದರ ಬದಲಾಗಿ ರಾಜೇಶ್ ಪಾಲ್ ಉಮೇಶ್ ಪಾಲ್ಗೆ ತನ್ನ ಹೆಂಡ್ತಿಯನ್ನು ಬಿಟ್ಟುಕೊಡಲು ತೀರ್ಮಾನಕ್ಕೆ ಬಂದರು. ಪಂಚಾಯ್ತ್ ನಿರ್ಣಯಕ್ಕೆ ಮೂವರು ಸಂತೋಷದಿಂದಲೇ ಅಂಗಿಕರಿಸಿದ್ದು ಗಮನಾರ್ಹ.
ಇನ್ನು ಪಂಚಾಯ್ತ್ ನಿರ್ಣಯಕ್ಕೆ ಉಮೇಶ್ ಪಾಲ್ ತಂದೆಗೆ ಇಷ್ಟವಾಗಲಿಲ್ಲ. ಪ್ರೇಮಕ್ಕಾಗಿ ಬೆಲೆಬಾಳುವ ಕುರಿಗಳನ್ನು ಬಿಟ್ಟುಕೊಡಲಾಗಿದೆ ಎಂದು ರಾಜೇಶ್ ಪಾಲ್ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದರು. ತನಿಖೆ ಕೈಗೊಂಡ ಪೊಲೀಸರು ರಾಜೇಶ್ ಪಾಲ್ ವಿಚಾರಣೆ ನಡೆಸಿದ್ದಾರೆ. ಉಮೇಶ್ ಪಾಲ್ ತನ್ನಿಷ್ಟದಂತೆ ಕುರಿಗಳನ್ನು ಬಿಟ್ಟು ಕೊಟ್ಟಿದ್ದಾರೆ ಎಂದು ಹೇಳಿದ್ದಾರೆ. ಇನ್ನು, ಪೊಲೀಸರು ಸೀಮಾ ಮನವೊಲಿಕೆಗೆ ಪ್ರಯತ್ನಿಸಿದ್ದಾರೆ. ಆದರೆ, ಸೀಮಾ ರಾಜೇಶ್ ಪಾಲ್ ಜೊತೆ ಹೋಗಲು ನಿರಾಕರಿಸಿದ್ದಾರೆ. ಆತನೊಂದಿಗೆ ಸಂಸಾರ ಮಾಡಲು ಇಷ್ಟವಿಲ್ಲವೆಂದು ಸ್ಪಷ್ಟವಾಗಿ ಹೇಳಿದ್ದಾಳೆ. ಈ ಪ್ರಕರಣ ಪಂಚಾಯ್ತಿಯಲ್ಲಿ ಸುಖಾಂತ್ಯ ಕಂಡಿದ್ದು, ಉಮೇಶ್ ಪಾಲ್ ತಂದೆಗೆ ಬೇಸರ ಮೂಡಿಸಿದೆ.
