ಕೋಯಿಕ್ಕೋಡ್(ಕೇರಳ): ಪರಸ್ಪರ ಪ್ರೀತಿಸುತ್ತಿದ್ದ ಜೋಡಿ ಕುಟುಂಬಸ್ಥರ ವಿರೋಧದಿಂದ ಮನೆ ತೊರೆದಿದ್ದು, ಇದೀಗ ಅವರಿಗೆ ಕುಟುಂಬದವರೇ ಕೊಲೆ ಮಾಡುವ ಬೆದರಿಕೆ ಹಾಕಿದ್ದಾರಂತೆ. ಇದಕ್ಕೆ ಸಂಬಂಧಿಸಿದಂತೆ ಪ್ರೇಮಿಗಳು ಫೇಸ್ಬುಕ್ನಲ್ಲಿ ತಮ್ಮ ಅಳಲು ಹೇಳಿಕೊಂಡಿದ್ದಾರೆ.
ಕೇರಳದ ಕೋಯಿಕ್ಕೋಡ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. ಪರಸ್ಪರ ಪ್ರೀತಿಸುತ್ತಿದ್ದ ಆಲಿಯಾ ಹಾಗೂ ಮೊಹಮ್ಮದ್ ನಿನ್ನೆ ಮನೆ ಬಿಟ್ಟಿದ್ದು, ಆಲಿಯಾ ಕುಟುಂಬದವರು ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲು ಮಾಡಿದ್ದಾರೆ. ಪ್ರಕರಣ ದಾಖಲು ಮಾಡಿಕೊಂಡಿರುವ ಪೊಲೀಸರು ಶೋಧ ಕಾರ್ಯ ನಡೆಸುತ್ತಿದ್ದಾರೆ. ಇದರ ಮಧ್ಯೆ ಆಲಿಯಾ ಕುಟುಂಬದ ಕೆಲವರು ಮೊಹಮ್ಮದ್ ಮನೆ ಹಾಗೂ ಅವರ ಸಂಬಂಧಿಕರ ಮನೆಗಳ ಮೇಲೆ ದಾಳಿ ನಡೆಸಿ ಕೆಲವರನ್ನ ಗಾಯಗೊಳಿಸಿದ್ದಾರೆ.
ಈ ಮಾಹಿತಿ ಆಲಿಯಾ ಹಾಗೂ ಮೊಹಮ್ಮದ್ಗೆ ಗೊತ್ತಾಗುತ್ತಿದ್ದಂತೆ ಫೇಸ್ಬುಕ್ನಲ್ಲಿ ತಮ್ಮ ಅಳಲು ಹೇಳಿಕೊಂಡಿದ್ದಾರೆ. ನಾನು ಸ್ವಂತ ಇಚ್ಛೆಯಿಂದ ಮನೆ ತೊರೆದಿದ್ದೇನೆ. ಆದರೆ ನನ್ನ ಕುಟುಂಬಸ್ಥರು ಮೊಹಮ್ಮದ್ ಸಹೋದರಿ ಹಾಗೂ ಆಕೆಯ ಮಗು ಕೊಲ್ಲುವ ಬೆದರಿಕೆ ಹಾಕಿದ್ದಾರೆ. ಒಂದು ವೇಳೆ, ನಾವು ಸಿಕ್ಕಿಬಿದ್ದರೆ ಅವರು ನಮ್ಮನ್ನು ಕೊಲ್ಲಬಹುದು ಎಂದು ಆಲಿಯಾ ಹೇಳಿಕೊಂಡಿದ್ದಾಳೆ.
