ಸದನದಲ್ಲಿ ಲಡಾಕ್​ ಸಂಸದನ ಭಾಷಣಕ್ಕೆ ಮೋದಿ ಫಿದಾ... ಮೇಜು ಕುಟ್ಟಿ ಪ್ರೋತ್ಸಾಹಿಸಿದ ನಮೋ!

ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನ - ಮಾನ ಕಲ್ಪಿಸುವ ಆರ್ಟಿಕಲ್​ 370 ವಿಧಿ ರದ್ದತಿ ಮೇಲೆ ಲೋಕಸಭೆಯಲ್ಲಿ ಚರ್ಚೆ ನಡೆಯಿತು. ಈ ವೇಳೆ ಸದನದಲ್ಲಿ ಲಡಾಕ್​ ಸಂಸದನ ಭಾಷಣಕ್ಕೆ ಮೋಧಿ ಫಿದಾ ಆಗಿದ್ದು, ಮೇಜು ಕುಟ್ಟಿ ಪ್ರೋತ್ಸಾಹಿಸಿದರು.

ನವದೆಹಲಿ: ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ಕಲ್ಪಿಸುವ ಆರ್ಟಿಕಲ್​​ 370 ರದ್ದತಿ ಮೇಲೆ ಲೋಕಸಭೆಯಲ್ಲಿ ಪರ-ವಿರೋಧ ಚರ್ಚೆ ನಡೆಯುತ್ತಿದ್ದ ವೇಳೆ ಲಡಾಕ್​​ನ ಬಿಜೆಪಿ ಸಂಸದನ ಮಾತು ಆಡಳಿತ ಪಕ್ಷದ ಸದಸ್ಯರ ಮೆಚ್ಚುಗೆಗೆ ಕಾರಣವಾಗಿದ್ದು, ಖುದ್ದಾಗಿ ಪ್ರಧಾನಿ ಮೋದಿ ಕೂಡ ಮೇಜು ಕುಟ್ಟಿ ಪ್ರೋತ್ಸಾಹಿಸಿದ್ದಾರೆ.

ಲಡಾಕ್​ನ ಬಿಜೆಪಿ ಸಂಸದನಾಗಿರುವ ಜಮ್​​ಯಾಂಗ್​​ ಸೆರಿಂಗ್​​ ನಮ್​​ಗ್ಯಾಗ್​​​, ಕೇಂದ್ರ ಸರ್ಕಾರದ ಕ್ರಮವನ್ನ ಸ್ವಾಗತಿಸಿದ್ದು, ಕಳೆದ 7 ದಶಕಗಳಿಂದ ಲಡಾಕ್​ ಜನರು ಕೇಂದ್ರಾಡಳಿತ ಪ್ರದೇಶಕ್ಕೆ ಹೋರಾಟ ನಡೆಸುತ್ತಿದ್ದರು. ಇದೀಗ ಅದಕ್ಕೆ ಮುಕ್ತಿ ಸಿಕ್ಕಿದೆ.

ಇವತ್ತಿಗೂ ಕೂಡ ಲಡಾಕ್​ ಅಭಿವೃದ್ಧಿಯಿಂದ ವಂಚಿತವಾಗಿದೆ ಎಂದರೆ ಅದಕ್ಕೆ ಆರ್ಟಿಕಲ್​ 370 ಹಾಗೂ ಕಾಂಗ್ರೆಸ್​ ಪಕ್ಷವೇ ನೇರ ಹೊಣೆ ಎಂದು ಅವರು ಹೇಳಿದರು. ಆರ್ಟಿಕಲ್​​ 370ಯಿಂದ ಜಮ್ಮು-ಕಾಶ್ಮೀರವನ್ನ ಕೇವಲ ಎರಡು ಕುಟುಂಬಗಳು ತನ್ನ ಹಿಡತದಲ್ಲಿಟ್ಟುಕೊಂಡಿದ್ದವು. ಇದೀಗ ಮುಫ್ತಿ ಹಾಗೂ ಅಬ್ದುಲ್ಲಾ ಮನೆತನಗಳಿಂದ ಮುಕ್ತಿ ಸಿಕ್ಕಿದೆ ಎಂದರು. ಕಾಶ್ಮೀರ ಕೇಂದ್ರಿತ ನಾಯಕರಿಂದ ಲಡಾಕ್​ ತಾರತಮ್ಯಕ್ಕೊಳಗಾಗಿದ್ದು, 1948ರಿಂದಲೂ ಇದನ್ನ ಕೇಂದ್ರಾಡಳಿತ ಪ್ರದೇಶವನ್ನಾಗಿ ಘೋಷಣೆ ಮಾಡುವಂತೆ ಬೇಡಿಕೆ ಇಡಲಾಗಿತ್ತು ಎಂದು ಅವರು ತಿಳಿಸಿದರು.

ಬಿಜೆಪಿ ಸಂಸದನಾಗಿರುವ ಜಮ್​​ಯಾಂಗ್​​ ಸೆರಿಂಗ್​​ ನಮ್​​ಗ್ಯಾಗ್ ಅವರು ಸದನದಲ್ಲಿ ಮಾತನಾಡಿರುವುದರಿಂದ ಪ್ರೇರಿತರಾಗಿರುವ ಪ್ರಧಾನಿ ನರೇಂದ್ರ ಮೋದಿ ಸದನದಲ್ಲೇ ಮೇಜು ಕುಟ್ಟಿ ಪ್ರೋತ್ಸಾಹಿಸಿರುವ ಜತೆಗೆ ತಮ್ಮ ಟ್ಟಿಟರ್​​ನಲ್ಲೂ ಅವರನ್ನ ಅಭಿನಂದಿಸಿ ಟ್ವೀಟ್​ ಮಾಡಿದ್ದು, ಲಡಾಖ್‌ನಲ್ಲಿರುವ ಜನರ ಭಾವನೆಗಳನ್ನು ಅಚ್ಚುಕಟ್ಟಾಗಿ, ಸುಂದರ ಶಬ್ಧಗಳಿಂದ ಲೋಕಸಭೆಗೆ ತಿಳಿಸಿದ್ದಾರೆ. ನೀವು ಕೂಡ ಅವರ ಭಾಷಣ ಕೇಳಲೇ ಬೇಕು ಎಂದು ವೀಡಿಯೋವನ್ನು ಟ್ವಿಟರ್‌ನಲ್ಲಿ ಶೇರ್‌ ಮಾಡಿದ್ದಾರೆ.

• My young friend, Jamyang Tsering Namgyal who is @MPLadakh delivered an outstanding speech in the Lok Sabha while discussing key bills on J&K. He coherently presents the aspirations of our sisters and brothers from Ladakh. It is a must hear! https://t.co/XN8dGcTwx6

  — Narendra Modi (@narendramodi) August 6, 2019 " class="align-text-top noRightClick twitterSection" data="

  My young friend, Jamyang Tsering Namgyal who is @MPLadakh delivered an outstanding speech in the Lok Sabha while discussing key bills on J&K. He coherently presents the aspirations of our sisters and brothers from Ladakh. It is a must hear! https://t.co/XN8dGcTwx6

  — Narendra Modi (@narendramodi) August 6, 2019

  ">

  My young friend, Jamyang Tsering Namgyal who is @MPLadakh delivered an outstanding speech in the Lok Sabha while discussing key bills on J&K. He coherently presents the aspirations of our sisters and brothers from Ladakh. It is a must hear! https://t.co/XN8dGcTwx6

  — Narendra Modi (@narendramodi) August 6, 2019

ಇನ್ನು ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನ-ಮಾನ ಕಲ್ಪಿಸುವ ಆರ್ಟಿಕಲ್​ 370 ವಿಧಿ ರದ್ದತಿ ಬಿಲ್​ ಲೋಕಸಭೆಯಲ್ಲೂ ಪಾಸ್​ ಆಗಿದ್ದು, ಜಮ್ಮು-ಕಾಶ್ಮೀರದಿಂದ ಲಡಾಕ್​​ ಬೇರ್ಪಟ್ಟಿದ್ದು, ಕೇಂದ್ರಾಡಳಿತ ಪ್ರದೇಶವಾಗಲಿದೆ. ಇತ್ತ ಜಮ್ಮು-ಕಾಶ್ಮೀರ ವಿಧಾನಸಭೆ ಹೊಂದಿರುವ ಕೇಂದ್ರಾಡಳಿತ ಪ್ರದೇಶವಾಗಲಿವೆ.