ಹೈದರಾಬಾದ್: ಮನೆಯಲ್ಲಿದ್ದ ಹಣ ಕದ್ದ 17 ವರ್ಷದ ಬಾಲಕನೋರ್ವ ಕೆಟಿಎಂ ಬೈಕ್ ಖರೀದಿಸಿ ಬಳಿಕ ಅಪಘಾತ ಮಾಡಿ ಮತ್ತೊಬ್ಬರ ಸಾವಿಗೆ ಕಾರಣನಾಗಿದ್ದಾನೆ.
ಮನೆಯಲ್ಲಿ 2 ಲಕ್ಷ ಕದ್ದು ಕೆಟಿಎಂ ಬೈಕ್ ಕೊಂಡುಕೊಂಡ ಬಾಲಕ
ಕಳೆದ ನಾಲ್ಕು ತಿಂಗಳ ಹಿಂದೆ ನಿಶಿತ್ ಎಂಬ ಬಾಲಕ ಬೇಗಂಪೇಟ್ನಲ್ಲಿರುವ ಕೆಟಿಎಂ ಬೈಕ್ ಶೋ ರೂಂನಲ್ಲಿ 2.20 ಲಕ್ಷ ಮೌಲ್ಯದ ಬೈಕ್ ಖರೀದಿಸಿದ್ದ. ಈ ಹಣವನ್ನ ಮನೆಯಲ್ಲಿ ಕದ್ದು ತಂದಿದ್ದ ಎಂದು ತಿಳಿದುಬಂದಿದೆ. ಬೈಕ್ ತೆಗೆದುಕೊಳ್ಳುವಾಗ ತನ್ನ ಸಹೋದರನ ದಾಖಲೆಗಳನನ್ನ ನೀಡಿದ್ದ ಎಂದು ಹೇಳಲಾಗುತ್ತಿದೆ.
ಒಂದು ವಾರದ ಹಿಂದೆ ಈ ಬಾಲಕ ಅಪಘಾತ ಮಾಡಿದ್ದು, ಘಟನೆಯಲ್ಲಿ ಓರ್ವ ವ್ಯಕ್ತಿ ಸಾವಿಗೀಡಾಗಿದ್ದಾರೆ. ಇದೀಗ ಬಾಲಕನ ಪೋಷಕರು ಬೈಕ್ ಶೋರೂಂ ಸಿಬ್ಬಂದಿ ಮೇಲೆ ಆಕ್ರೋಶ ವ್ಯಕ್ತಪಡಿಸಿದ್ದು, ಅಪ್ರಾಪ್ತನಿಗೆ ಬೈಕ್ ನೀಡಿದ್ದಕ್ಕೆ ಪ್ರತಿಭಟನೆ ನಡೆಸಿದ್ದಾರೆ. ಅಲ್ಲದೆ ಶೋರೂಂ ವಿರುದ್ಧ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
