ಉಗ್ರರ ಜೊತೆ ನಂಟು ಹೊಂದಿದ್ದ ಐವರ ಬಂಧನ

ತ್ರಾಲ್​ ಪ್ರದೇಶದ ಹಲವು ಭಾಗದಲ್ಲಿ ಜಮ್ಮು ಪೊಲೀಸರು ತೀವ್ರ ರೀತಿಯ ಕಾರ್ಯಾಚರಣೆ ನಡೆಸಿ ಉಗ್ರರ ನಂಟು ಹೊಂದಿದ್ದ ಐವರನ್ನು ಬಂಧಿಸಿದ್ದಾರೆ. ಬಂಧಿತರಿಂದ ಲ್ಯಾಪ್​ಟಾಪ್, ಪ್ರಿಂಟರ್, ಪ್ರಿಂಟಿಂಗ್​​ಗೆ ಬೇಕಾದ ವಸ್ತುಗಳು, ಪೋಸ್ಟರ್​​ಗಳನ್ನು ವಶಕ್ಕೆ ಪಡೆಯಲಾಗಿದೆ.

ಅವಂತಿಪೋರಾ (ಜಮ್ಮು ಮತ್ತು ಕಾಶ್ಮೀರ): ಇಲ್ಲಿನ ತ್ರಾಲ್ ಪ್ರದೇಶದಲ್ಲಿ ಜನವರಿ 13ರಂದು ಉಗ್ರ ಬರವಣಿಗೆಯ ಪೋಸ್ಟರ್​ಗಳು ಲಭ್ಯವಾಗಿದ್ದವು.

ಈ ಪ್ರಕರಣ ಸಂಬಂಧ ಎಫ್​ಐಆರ್​ ಸಹ ದಾಖಲಾಗಿ ಪೊಲೀಸರು ಕೃತ್ಯ ಎಸಗಿದವರ ಪತ್ತೆಗೆ ಬಲೆ ಬೀಸಿದ್ದರು. ಇದೀಗ ಈ ಕೃತ್ಯಕ್ಕೆ ಸಂಬಂಧಿಸಿದಂತೆ ಉಗ್ರರ ಜೊತೆ ನಂಟು ಹೊಂದಿದ್ದ ಐವರನ್ನು ಬಂಧಿಸಲಾಗಿದೆ.

ಬಂಧಿತರನ್ನು ಜಹಾಂಗೀರ್ ಅಹ್ಮದ್​​, ಅಯ್ಜಾಜ್​ ಅಹ್ಮದ್, ತೊಯ್ಸೀಫ್​ ಅಹ್ಮದ್ ಲೋನ್, ಸಬ್ಜಾರ್ ಅಹ್ಮದ್ ಭಟ್, ಖೈಸರ್ ಅಹ್ಮದ್ ದಾರ್ ಎಂದು ಗುರುತಿಸಲಾಗಿದ್ದು, ಇವರೆಲ್ಲರೂ ಸ್ಥಳೀಯ ನಿವಾಸಿಗಳಾಗಿದ್ದಾರೆ.

ತ್ರಾಲ್​ ಪ್ರದೇಶದ ಹಲವು ಭಾಗದಲ್ಲಿ ಪೊಲೀಸರು ತೀವ್ರ ರೀತಿಯ ಕಾರ್ಯಾಚರಣೆ ನಡೆಸಿದ್ದರು. ಈ ವೇಳೆ ಐವರನ್ನು ಬಂಧಿಸಲಾಗಿದೆ. ಅಲ್ಲದೆ ಬಂಧಿತರಿಂದ ಲ್ಯಾಪ್​ಟಾಪ್, ಪ್ರಿಂಟರ್, ಪ್ರಿಂಟಿಂಗ್​​ಗೆ ಬೇಕಾದ ವಸ್ತುಗಳು, ಪೋಸ್ಟರ್​​ಗಳನ್ನು ವಶಕ್ಕೆ ಪಡೆಯಲಾಗಿದೆ.

ಇದನ್ನು ಓದಿ: ದಟ್ಟ ಅರಣ್ಯದಲ್ಲಿದ್ದ ಉಗ್ರಗಾಮಿ ಅಡಗುತಾಣ ಧ್ವಂಸ ಮಾಡಿದ ಯೋಧರು