ಧನ್ಬಾದ್(ಜಾರ್ಖಂಡ್): ಕಾಲ್ಸೆಂಟರ್ ಹೆಸರಿನಲ್ಲಿ ಅಮೆರಿಕದ ನಾಗರಿಕರಿಗೆ ವಂಚಿಸುತ್ತಿದ್ದ 20 ಆರೋಪಿಗಳನ್ನು ಬಂಧಿಸುವಲ್ಲಿ ಜಾರ್ಖಂಡ್ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಧನ್ಬಾದ್ ನಗರದಲ್ಲಿ 20 ಜನರ ಗುಂಪೊಂದು ಅಮೆರಿಕದ ನಾಗರಿಕರನ್ನ ಗುರಿಯಾಗಿಸಿಕೊಂಡು ಕಾಲ್ ಸೆಂಟರ್ ಹೆಸರಿನಲ್ಲಿ ಅಕ್ರಮವಾಗಿ ಹಣ ಸಂಪಾದಿಸುತ್ತಿತ್ತು. ಈ ಬಗ್ಗೆ ಮಾಹಿತಿ ತಿಳಿದ ಪೊಲೀಸರು ದಾಳಿ ನಡೆಸಿ ಆರೋಪಿಗಳಿಂದ 44 ಕಂಪ್ಯೂಟರ್, 28 ಐ ಫೋನ್ ಹಾಗು 8 ಮೋಡೆಮ್ಗಳನ್ನ ವಶಕ್ಕೆ ಪಡೆದಿದ್ದಾರೆ.
ಕಾಲ್ ಸೆಂಟರ್ ಹೆಸರಿನಲ್ಲಿ ಅಮೆರಿಕ ನಾಗರಿಕರಿಗೆ ಕರೆ ಮಾಡಿ, ನಿಮ್ಮ ಖಾತೆಯಲ್ಲಿರುವ ಮೊತ್ತವನ್ನು ಕಡಿತಗೊಳಿಸಲಾಗುವುದು ಎಂದು ಹೇಳುತ್ತಿದ್ದರು. ನಂತರ ಈ ಕಡಿತದಿಂದ ಪಾರಾಗಲು ಮೊದಲೇ ಹಣ ಕಟ್ಟತಕ್ಕದ್ದು ಎಂದು ಬೇರೊಂದು ಖಾತೆಯ ನಂಬರ್ ನೀಡುತ್ತಿದ್ದರು. ಅದಲ್ಲದೆ ಒಂದೊಮ್ಮೆ ನೀವು ಹಣ ಪಾವತಿಸದಿದ್ದರೆ ನಿಮ್ಮ ಖಾತೆ ಮುಚ್ಚಲಾಗುವುದು ಎಂದು ಹೇಳಿ ವಂಚಿಸುತ್ತಿದ್ದರು ಎಂದು ಪೊಲೀಸ್ ವರಿಷ್ಠಾಧಿಕಾರಿ ಕಿಶೋರ್ ಕೌಶಲ್ ತಿಳಿಸಿದ್ದಾರೆ.
ವಿಕ್ರಂತ್ ಸಿಂಗ್ ಮತ್ತು ಜ್ವಾಲಾ ಸಿಂಗ್ ಎಂಬುವರು ಈ ಮೊದಲು ಕಾಲ್ ಸೆಂಟರ್ನಲ್ಲಿ ಕಾರ್ಯ ನಿರ್ವಹಿಸಿದ್ದು, ಈ ಅಕ್ರಮ ಕಾಲ್ ಸೆಂಟರ್ನ ರೂವಾರಿಗಳಾಗಿದ್ದಾರೆ.
