ರೈಸಿನಾ ಸಂವಾದ: ಭಾರತಕ್ಕೆ ಇರಾನ್​ ವಿದೇಶಾಂಗ ಸಚಿವರ ಆಗಮನ

ಇಂದು ದೆಹಲಿಯಲ್ಲಿ ಪ್ರಾರಂಭವಾದ ಜಾಗತಿಕ ವಿವಾದಗಳ ಕುರಿತ ರೈಸಿನಾ ಸಂವಾದದ ಐದನೇ ಆವೃತ್ತಿಯಲ್ಲಿ ಪಾಲ್ಗೊಳ್ಳಲು ಇರಾನ್ ವಿದೇಶಾಂಗ ಸಚಿವ ಜವಾದ್ ಜರೀಫ್ ಭಾರತಕ್ಕೆ ಆಗಮಿಸಿದ್ದಾರೆ.

ನವದೆಹಲಿ: ಇಂದು ದೆಹಲಿಯಲ್ಲಿ ಪ್ರಾರಂಭವಾದ ಜಾಗತಿಕ ವಿವಾದಗಳ ಕುರಿತ ರೈಸಿನಾ ಸಂವಾದದ ಐದನೇ ಆವೃತ್ತಿಯಲ್ಲಿ ಪಾಲ್ಗೊಳ್ಳಲು ಇರಾನ್ ವಿದೇಶಾಂಗ ಸಚಿವ ಜವಾದ್ ಜರೀಫ್, ಮೂರು ದಿನಗಳ ಭೇಟಿಗೆ ಭಾರತಕ್ಕೆ ಆಗಮಿಸಿದ್ದಾರೆ.

ರೈಸಿನಾ ಸಂವಾದ 2020 ರ ಹೊರತಾಗಿ ಜರೀಫ್ ಅವರು ನಾಲೇ ಪ್ರಧಾನಿ ನರೇಂದ್ರ ಮೋದಿಯನ್ನು ಭೇಟಿ ಮಾಡಲಿದ್ದಾರೆ. ಜೊತೆಗೆ ಮುಂಬೈನಲ್ಲಿ ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆಯನ್ನೂ ಕೂಡ ಭೇಟಿ ಮಾಡಲಿದ್ದಾರೆ.

• Delhi: Iran Foreign Minister Javad Zarif arrives in India. He will meet Prime Minister Narendra Modi tomorrow. pic.twitter.com/2y9KR6nGOA

  — ANI (@ANI) January 14, 2020 " class="align-text-top noRightClick twitterSection" data="

  Delhi: Iran Foreign Minister Javad Zarif arrives in India. He will meet Prime Minister Narendra Modi tomorrow. pic.twitter.com/2y9KR6nGOA

  — ANI (@ANI) January 14, 2020

  ">

  Delhi: Iran Foreign Minister Javad Zarif arrives in India. He will meet Prime Minister Narendra Modi tomorrow. pic.twitter.com/2y9KR6nGOA

  — ANI (@ANI) January 14, 2020

ಇರಾನ್​ನ ಹಿರಿಯ ಸೇನಾ ಕಮಾಂಡರ್​ ಹತ್ಯೆ ಬಳಿಕ ಅಮೆರಿಕ ಹಾಗೂ ಇರಾನ್ ನಡುವಿನ ಸಂಘರ್ಷದಿಂದ ಮಧ್ಯಪ್ರಾಚ್ಯದಲ್ಲಿ ಪರಿಸ್ಥಿತಿ ಉದ್ವಿಗ್ನವಾಗಿದ್ದು, ಜಗತ್ತಿನ ಗಮನ ಇದರ ಮೇಲಿರುವ ವೇಳೆಯಲ್ಲಿ ಇರಾನ್​ ವಿದೇಶಾಂಗ ಸಚಿವರ ಭಾರತ ಭೇಟಿ ಮಹತ್ತರದ್ದಾಗಿದೆ. ಇನ್ನು ಇರಾನ್​​ನಲ್ಲಿನ ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದು, ಅಲ್ಲಿ ಶಾಂತಿ, ಸುರಕ್ಷತೆ ಮತ್ತು ಸ್ಥಿರತೆ ನಮಗೆ ಅತ್ಯಂತ ಮಹತ್ವದ್ದಾಗಿದೆ ಎಂದು ಈ ಹಿಂದೆ ಭಾರತದ ವಿದೇಶಾಂಗ ಸಚಿವಾಲಯ ತಿಳಿಸಿತ್ತು.

ಬಾಗ್ದಾದ್​ನಲ್ಲಿನ ಅಮೆರಿಕ ರಾಯಭಾರಿ ಕಚೇರಿ ಮೇಲೆ ಇರಾನ್​ ದಾಳಿ ನಡೆಸಿದ್ದಕ್ಕೆ ಪ್ರತೀಕಾರವಾಗಿ ಅಮೆರಿಕ, ಬಾಗ್ದಾದ್ ಏರ್​​ಪೋರ್ಟ್​ನಲ್ಲಿ ವೈಮಾನಿಕ ದಾಳಿ ನಡೆಸಿ ಇರಾಕ್​ ಹಾಗೂ ಇರಾನ್​ನ ಹಶೆದ್ ಅಲ್-ಶಾಬಿ ಮಿಲಿಟರಿ ಪಡೆಯ ಮೇಜರ್‌ ಜನರಲ್‌ ಕಾಸಿಮ್‌ ಸುಲೇಮಾನಿಯನ್ನು ಕೊಂದಿತ್ತು. ಆ ಬಳಿಕ ಎರಡೂ ದೇಶಗಳ ನಡುವೆ ಯುದ್ಧ ಭೀತಿ ಏರ್ಪಟ್ಟಿದೆ. ಇತ್ತ ಅಮೆರಿಕ ಬೆಂಬಲಕಕ್ಕೆ ನಿಂತಿರುವ ಇಸ್ರೇಲ್​ ದೇಶದ ಮೇಲೆ ದಾಳಿ ನಡೆಸುವುದಾಗಿಯೂ ಇರಾನ್​ ಎಚ್ಚರಿಕೆ ನೀಡಿದ್ದು, ಇರಾನ್​ನಿಂದ ದಾಳಿ ನಡೆಸುವ ಸಾಧ್ಯತೆ ಇರುವುದರಿಂದ ದೆಹಲಿಯಲ್ಲಿರುವ ಅಮೆರಿಕ ಹಾಗೂ ಇಸ್ರೇಲ್​ ರಾಯಭಾರಿ ಕಚೇರಿಗಳಿಗೆ ಭದ್ರತೆ ಒದಗಿಸಲಾಗಿತ್ತು.