ಇರಾನ್​, ಇಟಲಿಯಿಂದ ಸ್ವದೇಶಕ್ಕೆ ಮರಳಿ 454 ಭಾರತೀಯರು

ಮಹಾಮಾರಿ ಕೊರೊನಾಗೆ ಇರಾನ್​ನಲ್ಲಿ ಹೆಚ್ಚು ಮಂದಿ ಬಲಿಯಾಗುತ್ತಿರುವ ಹಿನ್ನೆಲೆ ಅಲ್ಲಿರುವ ಭಾರತೀಯರನ್ನು ಮರಳಿ ಭಾರತಕ್ಕೆ ಕರೆತರಲು ಭಾರಿ ಪ್ರಯತ್ನಗಳು ನಡೆಯುತ್ತಿವೆ. ಈ ನಡುವೆ ಇಂದು ಇರಾನ್​ ಮತ್ತು ಇಟಲಿಯಿಂದ ಒಟ್ಟು 454 ಮಂದಿ ಸ್ವದೇಶಕ್ಕೆ ಮರಳಿದ್ದಾರೆ.

ಜೈಸಲ್ಮೇರ್‌/ನವದೆಹಲಿ: ಇರಾನ್‌ ಮತ್ತು ಇಟಲಿಯಲ್ಲೂ ಕೊರೊನಾ ವೈರಸ್ ತಾಂಡವವಾಡುತ್ತಿದ್ದು, ಅಲ್ಲಿದ್ದ ಭಾರತೀಯರಲ್ಲಿ ಇಂದು ಕೆಲವರನ್ನು ಸ್ವದೇಶಕ್ಕೆ ಕರೆತರಲಾಗಿದೆ.

ಇರಾನ್​ನಿಂದ ಏರೋ ಇಂಡಿಯಾ ವಿಮಾನ ಮೂಲಕ 236 ಭಾರತೀಯರನ್ನು ಕರೆತರಲಾಗಿದೆ. ರಾಜಸ್ಥಾನದ ಜೈಸಲ್ಮೇರ್​ಗೆ ಸ್ಥಳಾಂತರಿಸಲಾಗಿದೆ. ಇರಾನ್‌ನಿಂದ ಸ್ಥಳಾಂತರಿಸಲಾಗಿರುವ ಎಲ್ಲಾ 236 ಭಾರತೀಯರನ್ನು ಜೈಸಲ್ಮೇರ್‌ನಲ್ಲಿ ರಚಿಸಲಾದ ಸೇನಾ ಕೇಂದ್ರದಲ್ಲಿ ಇರಿಸಲಾಗಿದ್ದು, ಮುನ್ನೆಚ್ಚರಿಕೆಯಾಗಿ ಅವರನ್ನು ಪ್ರತ್ಯೇಕ ವಾರ್ಡ್‌ನಲ್ಲಿ ಇಡಲಾಗಿದೆ.

ಇನ್ನು ಇಂದು ಕರೆತಂದಿರುವ ಭಾರತೀಯರಲ್ಲಿ ಕೊರೊನಾವೈರಸ್ ಲಕ್ಷಣಗಳು ಕಂಡುಬಂದಿಲ್ಲವೆಂದು ತಿಳಿದುಬಂದಿದೆ. ಆದರೂ ಮುನ್ನೆಚ್ಚರಿಕ ಕ್ರಮವಾಗಿ ಅವರನ್ನ ಪ್ರತ್ಯೇಕ ವಾರ್ಡ್‌ನಲ್ಲಿ ಇರಿಸಲಾಗುವುದು. ಹಾಗೆಯೇ 14 ದಿನಗಳ ಕಾಲ ವೈದ್ಯರ ಮೇಲ್ವಿಚಾರಣೆಯಲ್ಲಿರಿಸಿ, ನಂತರ ಅವರನ್ನು ಅವರ ಮನೆಗಳಿಗೆ ಕಳುಹಿಸಲಾಗುತ್ತದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಚೀನಾ ಮತ್ತು ಇಟಲಿಯನ್ನು ಹೊರತುಪಡಿಸಿ ಅತಿ ಹೆಚ್ಚು ಪ್ರಕರಣಗಳು ಇರಾನ್​ನಲ್ಲಿ ಕಂಡು ಬಂದಿದ್ದು, ಇದುವರೆಗೆ 12,729 ಪ್ರಕರಣಗಳು ಪತ್ತೆಯಾಗಿವೆ ಹಾಗೂ 611 ಜನರು ಸಾವನ್ನಪ್ಪಿದ್ದಾರೆ.

• The 218 Indians who landed from Milan, Italy at Delhi airport will be shifted to Indo-Tibetan Border Police's Chhawla camp. #coronavirus pic.twitter.com/ER6ylfLUCE

  — ANI (@ANI) March 15, 2020 " class="align-text-top noRightClick twitterSection" data="

  The 218 Indians who landed from Milan, Italy at Delhi airport will be shifted to Indo-Tibetan Border Police's Chhawla camp. #coronavirus pic.twitter.com/ER6ylfLUCE

  — ANI (@ANI) March 15, 2020

  ">

  The 218 Indians who landed from Milan, Italy at Delhi airport will be shifted to Indo-Tibetan Border Police's Chhawla camp. #coronavirus pic.twitter.com/ER6ylfLUCE

  — ANI (@ANI) March 15, 2020

ಮತ್ತೊಂದೆಡೆ ದೆಹಲಿ ವಿಮಾನ ನಿಲ್ದಾಣದಲ್ಲಿ ಇಟಲಿಯ ಮಿಲನ್‌ನಿಂದ ಬಂದಿಳಿದ 218 ಭಾರತೀಯರನ್ನು ಇಂಡೋ-ಟಿಬೆಟಿಯನ್ ಬಾರ್ಡರ್ ಪೊಲೀಸರ ಚಾವ್ಲಾ ಕ್ಯಾಂಪ್‌ಗೆ ಸ್ಥಳಾಂತರಿಸಲಾಗಿದೆ.