ಗುವಾಹಟಿ: ಇಂಡಿಯಾ-ಶ್ರೀಲಂಕಾ ತಂಡಗಳ ನಡುವಿನ ಮೊದಲ ಟಿ-20 ಪಂದ್ಯ ಮಳೆಯಿಂದ ರದ್ದಾಗಿದ್ದು, ಕ್ರೀಡಾಭಿಮಾನಿಗಳಲ್ಲಿ ನಿರಾಶೆಯನ್ನುಂಟು ಮಾಡಿದ್ದು ಸುಳ್ಳಲ್ಲ. ಇದರ ಮಧ್ಯೆ ಕ್ರಿಕೆಟರ್ಸ್ ಬಹುದೊಡ್ಡ ಎಡವಟ್ಟು ಮಾಡಿದ್ದಾರೆ ಎಂದು ಅಸ್ಸೋಂ ಕ್ರಿಕೆಟ್ ಮಂಡಳಿ ಆರೋಪ ಮಾಡಿದೆ.
ಪಂದ್ಯ ಆರಂಭಗೊಳ್ಳಲು ಕೆಲವೇ ನಿಮಿಷಗಳು ಬಾಕಿ ಇರುವಾಗಲೇ ಮಳೆ ಸುರಿಯಲು ಆರಂಭಿಸಿರುವುದರಿಂದ ಉಭಯ ತಂಡದ ಪ್ಲೇಯರ್ಸ್ ಮೈದಾನಕ್ಕೆ ಬರಲೇ ಇಲ್ಲ. ಇದರ ಮಧ್ಯೆ ಅಂಪೈರ್ ಕೊನೆಯದಾಗಿ 9:30ಕ್ಕೆ ಮೈದಾನ ವೀಕ್ಷಣೆ ಮಾಡುವುದಾಗಿ ಘೋಷಣೆ ಮಾಡಿದ್ದರು. ಆದರೆ ಕೊನೆಯ ವೀಕ್ಷಣೆ ನಡೆಸುವುದಕ್ಕೂ ಮುಂಚಿತವಾಗಿ ಕೆಲ ಪ್ಲೇಯರ್ಸ್ ಮೈದಾನದಿಂದ ತಮ್ಮ ಹೊಟೇಲ್ಗೆ ತೆರಳಿದ್ದಾರೆ ಎಂದು ಅಲ್ಲಿನ ಕ್ರಿಕೆಟ್ ಅಸೋಷಿಯೆಷನ್ ಆರೋಪ ಮಾಡಿದೆ.
ಅಸ್ಸೋಂ ಕ್ರಿಕೆಟ್ ಅಸೋಷಿಯೆಷನ್ ಸೆಕ್ರೆಟರಿ ದೇವಜಿತ್ ಸೈಕೈ ಮಾತನಾಡಿ, 9 ಗಂಟೆಗೆ ಅನೇಕ ಪ್ಲೇಯರ್ಸ್ ಹೊಟೇಲ್ಗೆ ತೆರಳಿದ್ದರೂ ಅಂಪೈರ್, ಮ್ಯಾಚ್ ರೆಫ್ರಿ ಹೇಗೆ ಮೈದಾನದಲ್ಲಿ ವೀಕ್ಷಣೆ ಮಾಡಿದ್ರೂ ಎಂಬುದು ಗೊತ್ತಾಗಲಿಲ್ಲ ಎಂದಿದ್ದಾರೆ.
