ಭುವನೇಶ್ವರ: ಜಲಾಂತರ್ಗಾಮಿ ನೌಕೆಗಳ ಮೂಲಕ ಶತ್ರುಗಳ ಮೇಲಿನ ದಾಳಿಯನ್ನು ಮತ್ತಷ್ಟು ಬಲಗೊಳಿಸಲು ಭಾರತ ಆಂಧ್ರಪ್ರದೇಶದ ಕರಾವಳಿ ತೀರದಿಂದ 3,500 ಕಿಲೋಮೀಟರ್ ಸ್ಟ್ರೈಕ್-ರೇಂಜ್ ಸಾಮರ್ಥ್ಯದ ಕೆ-4 ಪರಮಾಣು ಕ್ಷಿಪಣಿಯ ಯಶಸ್ವಿ ಪರೀಕ್ಷೆ ನಡೆಸಿದೆ.
ಭಾರತ ನಿರ್ಮಿಸುತ್ತಿರುವ ಅರಿಹಂತ್ ಶ್ರೇಣಿಯ ಪರಮಾಣು ಜಲಾಂತರ್ಗಾಮಿ ನೌಕೆಗಳಿಗಾಗಿ ಕ್ಷಿಪಣಿ ವ್ಯವಸ್ಥೆಯನ್ನು ಡಿಆರ್‌ಡಿಒ ಅಭಿವೃದ್ಧಿಪಡಿಸುತ್ತಿದೆ. ಈ ಜಲಾಂತರ್ಗಾಮಿ ನೌಕೆಗಳು ಭಾರತದ ರಕ್ಷಣೆಯ ನಿಟ್ಟಿನಲ್ಲಿ ಮಹತ್ವದ ಭಾಗವಾಗಿದೆ.
ಡಿಆರ್‌ಡಿಒ ಅಭಿವೃದ್ದಿಪಡಿಸುತ್ತಿರುವ ಕೆ-4 ಖಂಡಾಂತರ ಬಾಲಿಸ್ಟಿಕ್ ಕ್ಷಿಪಣಿಯನ್ನು ನೌಕಾದಳದ ದೇಶಿ ನಿರ್ಮಿತ ಅಣ್ವಸ್ತ್ರ ಸಾಮರ್ಥ್ಯ ಹೊಂದಿರುವ ಐಎನ್ಎಸ್‌ ಅರಿಹಂತ್ ಕ್ಲಾಸ್‌ ಜಲಾಂತರ್ಗಾಮಿಯಲ್ಲಿ ಬಳಸಲಾಗುತ್ತದೆ.
