ನವದೆಹಲಿ: ಮಲೇರಿಯಾ ವಿರೋಧಿ ಔಷಧಕ್ಕಾಗಿ ಈವರೆಗಿನ ವಿನಂತಿಗಳನ್ನು ಭಾರತವು ಪೂರೈಸಿದೆ. ರಫ್ತು ನಿಷೇಧಿತ ವಸ್ತುವಾಗಿ ಅದರ ಮೇಲಿನ ನಿಷೇಧವನ್ನು ಆರೋಗ್ಯ ತುರ್ತು ಪರಿಸ್ಥಿತಿ ಆಧಾರದ ಮೇಲೆ ತೆಗೆದುಹಾಕಿ ಹೈಡ್ರಾಕ್ಸಿಕ್ಲೋರೋಕ್ವಿನ್ (ಎಚ್‌ಸಿಕ್ಯು) ಅನ್ನು 55 ದೇಶಗಳಿಗೆ ಸರಬರಾಜು ಮಾಡಲು ಭಾರತ ಮುಂದಾಗಿದೆ. ಇದನ್ನು ವಾಣಿಜ್ಯ ಆಧಾರದ ಮೇಲೆ 21 ದೇಶಗಳಿಗೆ ಸರಬರಾಜು ಮಾಡಲಾಗುತ್ತಿದೆ ಮತ್ತು ಕೆಲವು ಸಣ್ಣ ದೇಶಗಳಿಗೆ ಮಾನವೀಯ ದೃಷ್ಟಿಕೋನದಿಂದ ಅನುದಾನವಾಗಿ ಪೂರೈಕೆ ಮಾಡಲಾಗುತ್ತಿದೆ.
ಯುಎಸ್, ಬ್ರೆಜಿಲ್, ಜರ್ಮನಿ, ಅಫ್ಘಾನಿಸ್ತಾನ, ನೇಪಾಳ ಸೇರಿದಂತೆ 13 ದೇಶಗಳ ಮೊದಲ ಪಟ್ಟಿಯು ಸರಕುಗಳನ್ನು ಪಡೆದಿದ್ದರೆ, ಎರಡನೆಯ ಸಿದ್ಧಗೊಂಡಿದ್ದು ಉತ್ಪನ್ನ ಪೂರೈಕೆ ವಿವಿಧ ಹಂತಗಳಲ್ಲಿದೆ ಎಂದು ಮೂಲಗಳು ತಿಳಿಸಿವೆ. ಯುಎಇ ಸೇರಿದಂತೆ ಮೂರನೇ ಅಂಗೀಕೃತ ಪಟ್ಟಿಯನ್ನು ವಿದೇಶಾಂಗ ಸಚಿವಾಲಯವು (ಎಂಇಎ) ಬುಧವಾರ ಸ್ವೀಕರಿಸಿದೆ. ಇದು ಇತರ ದೇಶಗಳಿಗೆ ವೈದ್ಯಕೀಯ ಸಹಾಯವನ್ನು ನೀಡುವ ಭಾರತ ಸರ್ಕಾರದ ಪ್ರಯತ್ನಗಳಲ್ಲಿ ಮುಂಚೂಣಿಯಲ್ಲಿದೆ ಮತ್ತು ಕೋವಿಡ್-19 ರ ವಿರುದ್ಧದ ಹೋರಾಟದಲ್ಲಿ ವಿದೇಶದಿಂದ ಪ್ರಮುಖ ಸರಬರಾಜುಗಳನ್ನು ಖಚಿತಪಡಿಸುತ್ತದೆ.
“ಇದು ಸಾಧಾರಣವಾಗಿ ನಡೆಯುವ ಅಭ್ಯಾಸ. ಈ ರೀತಿಯ ವಿನಂತಿಗಳು ಬಂದಾಗ ಮತ್ತು ಅದನ್ನು ಮತ್ತೆ ಸಂಬಂಧಪಟ್ಟ ಸಮಿತಿಗೆ ಎದುರು ಇಡಲಾಗುತ್ತದೆ. ಇದು ಈಗ ಸಾಮಾನ್ಯ ವ್ಯವಸ್ಥೆಯಾಗಿದೆ, ”ಎಂದು ಅಧಿಕಾರಿಯೊಬ್ಬರು ಹೇಳಿದರು, ಎಚ್‌ಸಿಕ್ಯೂ ಸರಬರಾಜುಗಾಗಿ ಪಾಕಿಸ್ತಾನವು ಭಾರತದ ಬಳಿ ಯಾವುದೇ ರೀತಿಯ ವಿನಂತಿಗಳನ್ನು ಮಾಡಿಲ್ಲ ಎಂಬುದಾಗಿಯೂ ಅವರು ತಿಳಿಸಿದರು. ಭಾರತೀಯ ರಾಯಭಾರ ಕಚೇರಿಗಳು ಮತ್ತು ನಿಯೋಗಗಳ ಮೂಲಕ ಎಂಇಎ ಸಹ ಸರಬರಾಜುದಾರರನ್ನು ಗುರುತಿಸುವುದು, ಬೇಡಿಕೆ ಪಡೆಯುವುದು, ನೈಜ ಪರಿಸ್ಥಿತಿಗೆ ಅನುಗುಣವಾಗಿ ಸರಬರಾಜುದಾರರೊಂದಿಗೆ ನಿಕಟವಾಗಿ ಸಮನ್ವಯ, ಸಮಯಕ್ಕೆ ವೈದ್ಯಕೀಯ ವಿತರಣೆಯನ್ನು ಖಚಿತಪಡಿಸಿಕೊಳ್ಳಲು ಕ್ಲಿಯರಿಂಗ್ ಏಜೆಂಟ್, ವಿಮಾನಯಾನ ಸಂಸ್ಥೆಗಳನ್ನು ಖಚಿತಪಡಿಸಿಕೊಳ್ಳುವ ಕೆಲಸ ಮಾಡುತ್ತಿದೆ.
ಬೀಜಿಂಗ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ಮತ್ತು ಗುವಾಂಗ್‌ಜೌದಲ್ಲಿನ ರಾಯಭಾರ ಕಚೇರಿಯ ಸ್ಥಳೀಯ ಅಧಿಕಾರಿಗಳೊಂದಿಗಿನ ಕೊನೆಯ ನಿಮಿಷದ ಪ್ರಯತ್ನಗಳ ಮೂಲಕ ಬುಧವಾರ ಸಂಜೆ (ಏಪ್ರಿಲ್ 15) ತಡವಾಗಿ ಚೀನಾದಿಂದ ದೊಡ್ಡ ರವಾನೆ ಕಿಟ್‌ಗಾಗಿ ಕಸ್ಟಮ್ಸ್ ಕ್ಲಿಯರೆನ್ಸ್‌ ಪಡೆಯಲಾಗಿದೆ. ರವಾನೆಯು ಮೂರು ಸರಬರಾಜುದಾರರಿಂದ 6.5 ಲಕ್ಷ ಪರೀಕ್ಷಾ ಕಿಟ್‌ಗಳನ್ನು ಒಳಗೊಂಡಿದೆ. ಚೀನಾದ ದೋಷಯುಕ್ತ ಪರೀಕ್ಷಾ ಕಿಟ್‌ಗಳ ವರದಿಗಳ ಬಗ್ಗೆ ಕೇಳಿದಾಗ ‘ರಫ್ತು ಮಾನದಂಡಗಳನ್ನು ಪೂರೈಸಿದ ಕಂಪನಿಗಳಿಂದಲೇ ಹಕ್ಕು ಪಡೆಯಲಾಗಿದೆ” ಎಂದು ಮೂಲಗಳು ತಿಳಿಸಿವೆ. ಅಲ್ಲಿಗೆ ಭಾರತವೀಗ ಕೋವಿಡ್ ಗರಿಷ್ಠ ಮಟ್ಟದಲ್ಲಿರುವ ಚೀನಾದಿಂದಲೂ ಕಿಟ್‌ ಆಮಗಿದೆ ಮುಂದಾಗಿದೆ.
"ದಕ್ಷಿಣ ಕೊರಿಯಾದಿಂದ ಪರೀಕ್ಷಾ ಕಿಟ್‌ಗಳ ಹೆಚ್ಚಿನ ಸರಬರಾಜುಗಾಗಿ ಎಂಇಎ ಅಗತ್ಯವಿರುವ ಎಲ್ಲ ಸಹಾಯವನ್ನು ಒದಗಿಸುತ್ತಿದೆ. ಯುಕೆ, ಮಲೇಷ್ಯಾ, ಫ್ರಾನ್ಸ್, ಕೆನಡಾ ಮತ್ತು ಯುಎಸ್ ಕಂಪೆನಿಗಳಿಂದ ದೃಢ ಉಲ್ಲೇಖಗಳನ್ನು ಪಡೆಯಲಾಗಿದೆ. ನಾವು ಜರ್ಮನಿ ಮತ್ತು ಜಪಾನ್‌ನ ಕಂಪನಿಗಳಿಂದಲೂ ಆರೋಗ್ಯ ಪರಿಕರಗಳನ್ನು ಪಡೆಯುವಲ್ಲಿ ಮುನ್ನಡೆ ಸಾಧಿಸಿದ್ದೇವೆ” ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದು, ದೊಡ್ಡ ಪಿಪಿಇ ರವಾನೆ ಶೀಘ್ರದಲ್ಲೇ ಭಾರತವನ್ನು ತಲುಪುವ ನಿರೀಕ್ಷೆಯಿದೆ.
ಈತನ್ಮಧ್ಯೆ, ಕರೋನಾ ವೈರಸ್‌ಗೆ ಧನಾತ್ಮಕ ಪರೀಕ್ಷೆ ನಡೆಸಿದ ವಿದೇಶಗಳಲ್ಲಿರುವ ಒಟ್ಟು ಭಾರತೀಯರ ಸಂಖ್ಯೆ 3336 ರಷ್ಟಿದ್ದು, ಸಾಂಕ್ರಾಮಿಕ ರೋಗದಿಂದಾಗಿ 25 ಭಾರತೀಯರು ಸಾವನ್ನಪ್ಪಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಆದಾಗ್ಯೂ, 48 ದೇಶಗಳ 35,000 ವಿದೇಶಿ ಪ್ರಜೆಗಳು ಇಲ್ಲಿಯವರೆಗೆ ಭಾರತೀಯ ನೆರವಿನೊಂದಿಗೆ ಮನೆಗೆ ಮರಳಿದರೂ ಸಹ, ಈಗಾಗಲೇ ಹೊರಗಡೆ ಸಿಕ್ಕಿಕೊಂಡಿರುವ ಅನಿವಾಸಿ ನಾಗರಿಕರನ್ನು ದೇಶಕ್ಕೆ ವಾಪಸ್ ಕರೆಸಿಕೊಳ್ಳುವ ಯಾವುದೇ ಪ್ರಮುಖ ಯೋಜನೆಗಳಿಲ್ಲ ಎಂದು ಭಾರತ ಪುನರುಚ್ಚರಿಸುತ್ತಲೇ ಇದೆ. ಅಟ್ಟಾರಿ - ವಾಘಾ ಗಡಿಯ ಮೂಲಕ ಇಂದು ವಾಪಸ್ ಕಳುಹಿಸಲಾದ 41 ಪಾಕಿಸ್ತಾನಿ ಪ್ರಜೆಗಳು ಇದರಲ್ಲಿ ಸೇರಿದ್ದಾರೆ, ಉಳಿದ 145 ಪಾಕಿಸ್ತಾನಿಗಳು ಹಿಂತಿರುಗಲು ಕಾಯುತ್ತಿದ್ದಾರೆ.
ಮೂಲಗಳ ಪ್ರಕಾರ, ಹೆಚ್ಚುವರಿ ಕಾರ್ಯದರ್ಶಿ ದಮ್ಮು ರವಿ ನೇತೃತ್ವದ ಎಂಇಎಯ 24/7 ಕೋವಿಡ್ ವ್ಯವಹಾರಗಳ ತುರ್ತು ಘಟಕವು ಇದುವರೆಗಿನ ಆರೋಗ್ಯ ಬಿಕ್ಕಟ್ಟಿಗೆ ಸಂಬಂಧಿಸಿದ ಸುಮಾರು 5000 ದೂರವಾಣಿ ಕರೆಗಳು, 2000 ಸಾರ್ವಜನಿಕ ಕುಂದುಕೊರತೆಗಳು ಮತ್ತು 18,000 ಇಮೇಲ್‌ಗಳಿಗೆ ಪರಿಹಾರ ಒದಗಿಸಿದೆ.
“ಪರೀಕ್ಷೆಯಲ್ಲಿ ಭಾರತೀಯರಿಗೆ ಕೋವಿಡ್-19 ಪಾಸಿಟೀವ್‌ ಕಾಣಿಸಿಕೊಂಡಿದ್ದರೂ ಮತ್ತು ಸಾಕಷ್ಟು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುತ್ತಿರುವ ದೇಶಗಳಲ್ಲಿ ಚೇತರಿಕೆಯ ಪ್ರಮಾಣವು ಅದೃಷ್ಟವಶಾತ್ ಉತ್ತಮವಾಗಿದೆ" ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಸಂಕಷ್ಟದಲ್ಲಿರುವ ಭಾರತೀಯರನ್ನು ಅತ್ಯುತ್ತಮ ವೈದ್ಯಕೀಯ ನೆರವು ಮತ್ತು ಇತರೆ ಸಹಾಯಕ್ಕಾಗಿ ರಾಯಭಾರ ಕಚೇರಿಗಳು, ದೂತಾವಾಸಗಳು ಮತ್ತು ಸಮುದಾಯ ಸಂಸ್ಥೆಗಳೊಂದಿಗೆ ಸಂಪರ್ಕದಲ್ಲಿರಲು ಇವರು ಕೇಳಿಕೊಳ್ಳುತ್ತಿದ್ದಾರೆ. ಈತನ್ಮಧ್ಯೆ, ಬ್ರಿಕ್ಸ್ (ಬ್ರೆಜಿಲ್, ರಷ್ಯಾ, ಭಾರತ, ದಕ್ಷಿಣ ಆಫ್ರಿಕಾ, ಚೀನಾ) ದೇಶಗಳ ವಿದೇಶಾಂಗ ಮಂತ್ರಿಗಳ ಔಪಚಾರಿಕ ಸಭೆ ಈ ತಿಂಗಳ ಕೊನೆಯಲ್ಲಿ ನಡೆಯುತ್ತಿದೆ ಎಂದು ಮೂಲಗಳು ತಿಳಿಸಿವೆ.
