ಅನಧಿಕೃತವಾಗಿ NCERT ಬುಕ್ಸ್ ಮುದ್ರಣ... ದಾಳಿಯಲ್ಲಿ 35 ಕೋಟಿ ಮೌಲ್ಯದ ಬುಕ್ಸ್​ ವಶಕ್ಕೆ

ಖಚಿತ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ಮಾಡಿ, 35 ಕೋಟಿ ಮೌಲ್ಯದ ಎನ್​ಸಿಇಆರ್​ಟಿ ಬುಕ್ಸ್​ ವಶಕ್ಕೆ ಪಡೆದಿದ್ದಾರೆ.

ಮೀರತ್: ಉತ್ತರ ಪ್ರದೇಶದ ವಿಶೇಷ ಟಾಸ್ಕ್ ಪೋರ್ಸ್ ಮತ್ತು ಸ್ಥಳೀಯ ಪೊಲೀಸರು ಜಂಟಿಯಾಗಿ ಮೀರತ್ ಗೋಡೌನ್​ ಮೇಲೆ ದಾಳಿ ಮಾಡಿದ್ದಾರೆ.

ಅನಧಿಕೃತವಾಗಿ ಎನ್​ಸಿಇಆರ್​ಟಿ ಪುಸ್ತಕಗಳನ್ನು ಮುದ್ರಿಸುತ್ತಿದ್ದ ಗೋಡೌನ್​ ಮೇಲೆ ದಾಳಿ ಮಾಡಿದ್ದಾರೆ. ದಾಳಿ ವೇಳೆ 35 ಕೋಟಿ ಮೌಲ್ಯದ ಪುಸ್ತಕಗಳನ್ನು ಹಾಗೂ 6 ಪ್ರಿಂಟಿಂಗ್ ಮಶೀನ್​​ಗಳು ಸೇರಿ 12 ಜನರನ್ನು ವಶಕ್ಕೆ ಪಡೆದಿದ್ದಾರೆ.

ಈ ಕುರಿತು ಎಸ್​ಎಸ್​ಪಿ ಅಜಯ್ ಪ್ರತಿಕ್ರಿಯೆ ನೀಡಿದ್ದು, ಪ್ರಿಂಟಿಂಗ್ ಮಶೀನ್ ಹಾಗೂ 35 ಕೋಟಿ ಮೌಲ್ಯದ ಪುಸ್ತಕಗಳನ್ನು ಜಪ್ತಿ ಮಾಡಿಕೊಂಡು, 12 ಜನ ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾಗಿ ತಿಳಿಸಿದ್ದಾರೆ.