ಹಾಸಿಗೆ ಹಿಡಿದ ಅಮ್ಮನಾಸೆ ಈಡೇರಿಸಲು ವಿಡಿಯೋ ಕಾನ್ಫರೆನ್ಸ್​ ಮೂಲಕ ಮದುವೆಯಾದ ಪೇದೆ

ತನ್ನ ತಾಯಿಯ ಆಸೆಯನ್ನು ಇಡೇರಿಸುವ ಸಲುವಾಗಿ ಉತ್ತರ ಪ್ರದೇಶ ಮೂಲದ ಪೊಲೀಸ್ ಪೇದೆಯೊಬ್ಬರು ವಿಡಿಯೋ ಕಾನ್ಫರೆನ್ಸ್ ಮೂಲಕ ವಿವಾಹವಾಗಿದ್ದಾರೆ.

ಹಾಪುರ್(ಉತ್ತರ ಪ್ರದೇಶ): ದೇಶವ್ಯಾಪಿ ಲಾಕ್​ಡೌನ್​ ಘೋಷಣೆ ಮಾಡಿರುವ ಹಿನ್ನೆಲೆಯಲ್ಲಿ ಪೊಲೀಸ್ ಪೇದೆಯೊಬ್ಬರು ವಿಡಿಯೋ ಕಾನ್ಫರೆನ್ಸ್ ಮೂಲಕವೇ ವಿವಾಹವಾದ ಘಟನೆ ಉತ್ತರ ಪ್ರದೇಶದ ಹಾಪುರ್​ನಲ್ಲಿ ನಡೆದಿದೆ.

ಈ ಹಿಂದೆ ಮದುವೆ ದಿನವನ್ನು ನಿರ್ಧರಿಸಲಾಗಿತ್ತು. ಆದರೆ ಲಾಕ್​ಡೌನ್​ ಜಾರಿಯಾದ ಹಿನ್ನೆಲೆಯಲ್ಲಿ ಮದುವೆಯಾಗಲು ಸಾಧ್ಯವಾಗಲಿಲ್ಲ. ನನ್ನ ತಾಯಿಯ ಆಗೋಗ್ಯ ಸರಿಯಿಲ್ಲ. ಆಕೆ ನನ್ನ ವಿವಾಹವನ್ನು ನೋಡುವ ಬಯಕೆ ಹೊಂದಿದ್ದಾಳೆ. ಹೀಗಾಗಿ ವಿಡಿಯೋ ಕಾನ್ಫರೆನ್ಸ್ ಮೂಲಕ ಮದುವೆಯಾಗಿದ್ದಾಗಿ ಪೇದೆ ಮೊಹ್ಸಿನ್ ಸೈಫಿ ಹೇಳಿದ್ದಾರೆ.

ಕೊರೊನಾ ವೈರಸ್ ಹರಡುವುದನ್ನು ತಡೆಗಟ್ಟಲು, ನಾವು ಲಾಕ್​ಡೌನ್ ನಿಯಮಗಳನ್ನುಅನುಸರಿಸಬೇಕು. ಹೀಗಾಗಿ ನನ್ನನ್ನು ಹೊರತುಪಡಿಸಿದ್ರೆ ಇನಾಮ್ ಮತ್ತು ಇತರೆ ಇಬ್ಬರು ಸಾಕ್ಷಿಗಳು ಮಾತ್ರ ಒಟ್ಟಾಗಿ ಸೇರಿದ್ದೆವು. ವಧು ಸೇರಿದಂತೆ ಸುಮಾರು 100 ಜನರು ವಿಡಿಯೋ ಕಾನ್ಫರೆನ್ಸ್ ಮೂಲಕ ವಿವಾಹ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಿದ್ದರು ಎಂದಿದ್ದಾರೆ.